ŴaLevi 27:8 - Tonga Bible 1986

⁸ Ndipo asani munthu ndi msauchi; watondeka kulipa mtengo wo iwe watema, wakazanga ndi munthu yo paurongo pa mzukuru kuti mzukuru wateme mtengo wake. Wakatemanga mtengo kwakuyana ndi ndrama zo wakulipa we nazo.

ŴaLevi 27:8 Iomraidhean Croise

2 ŴaKaronga 7:5

Viyo ŵangusoka kuruta ku ugoŵi wa waSiriya lumwi lati lasere, ndipo ŵanguti ŵafika ku umari wa misasa ya ŵaSiriya, wonani, kwengavi nanga ndi munthu.

Yeremiya 5:7

“Ndingamugowokiyani uli? Ŵana ŵinu ŵakundisiya ine ndipo ŵarapiya paku wo kuti mba chiuta cha. Penipo ine ndinguŵahiŵa kwakuguta iwo ŵangureŵa, ndipo ŵangusere ŵanandi mu nyumba za ŵareŵi.

ŴaLevi 12:8

Ndipo asani wangatondeka kusaniya mberere, iku wato tunjiŵa tuŵi, pamwenga tuviunda twa nkhunda, kamoza ka mpasku wakocha ndi kanyake ka mpasku wapa ulakwi, ndipo mzukuru wakamupepeskiyanga, viyo wakaŵanga wakuphotoka.”

ŴaLevi 27:7

Ndipo asani msinkhu wa munthu yo ngwa virimika machumi ghankhonde ndi limoza (60) pamwenga kuruska po, sono mtengo wa munthurumi ndi ndrama chumi pachanya zinkhonde (15); ndi wa munthukazi ndrama chumi.

ŴaLevi 27:9

“Asani nchinyama cha mtundu wo wapereka sembe ŵanthu ku Ambuya, chose cho munthu wapaska ku Ambuya nchakupaturika.

ŴaLevi 5:11

“Kweni asani walivi njiŵa ziŵi pamwenga tuviwunda twa nkhunda, iku wakazanga ndi ufwa wamampha wa chipimo cha chigaŵa cha chumi, kuŵa mpasku wake wapa kwananga ko wakuchita. Kuti waŵikengepo mafuta cha, ndipo kuti waŵikengepo vya chema cha, pakuti ndi mpasku wapa kwananga.

ŴaLevi 5:7

“Asani walivi mwana wa mberere, ike wakazanga ku Ambuya chifukwa cha mamphuru ghake, tunjiŵa tuŵi pamwenga tuviwunda twa nkhunda tuŵi, kamoza kuŵa mpasku wapa ulakwi, ndi kanyake kuŵa mpasku wakocha.

Marko 14:7

Pakuti nyengo zose mwe nawo ŵakavu pamoza namwe, ndipo penipo pose mukhumbiya muziŵa kuŵachitiya umampha; kweni kuti mwe ndi ine nyengo zose cha.

2 ŴaKorinte 8:12

Chifukwa asani upusuwo ulipo, mpasku ngwamarondeka uli ndimo munthu waliri nacho, uli ndimo wauriyavi cha.