ŴaLevi 26:9 - Tonga Bible 1986

⁹ Ndikaphwerenga imwe pa kumupaskani mphapu ndi kumwandaniskani, ndipo ndikafiskanga phanganu langu ndi imwe.

ŴaLevi 26:9 Iomraidhean Croise

Chiyambo 1:28

Ndipo Chiuta wanguŵatumbika, ndi wanguti kwaku wo, “Papanane ndi mwandane, ndi muzaze charu ndi muchithereske, ndipo muŵe ndi mtufu pa somba zamu nyanja, ndi pa viyuni vya mude, ndi pa chamoyo chose cho chitenda pa charu chapasi.”

Chiyambo 17:20

Gha paku Yishumaele, ndavwa; ehe, ndikamutumbikanga ndi nkhamupaskanga mphapu ndi nkhamwandaniskanga ukongwa limu; wakaŵanga uskeu wa mafumu chumi pachanya ghaŵi, ndipo nkhamuchitanga kuŵa mtundu ukuru.

Chiyambo 22:17

kwakuneneska ndikakutumbikanga ndipo ndikandaniskanga mphapu yako uli ndi nyenyezi za kuchanya, ndipo uli ndi muchenga wo wepa likumba la nyanja. Mphapu yako yikaharanga malikomo gha ŵakupindikana nayo.

Chiyambo 26:4

Ndikandaniskanga mphapu yako uli ndi nyenyezi za kuchanya, ndipo ndiapaskanga ku mphapu yako uli ndi nyenyezi za kuchanya, ndipo ndikapaskanga ku mphapu yako ivi vyaru vyose; ndipo mu mphapu yako mitundu yose ya charu chapasi yitumbikikenge.

Chiyambo 28:14

ndipo mphapu yako yikawanga uli ndi fuvu lapa charu, ndipo mukasapatiyanga kutali ku zambwe ndi ku vuma ndi ku nkhonde ndi ku mwera; ndipo mwaku iwe ndi mphapu yako mitundu yose ya pano pasi yitumbikikenge.

Chiyambo 28:3

Chiuta wanthazi zose wakutumbike ndipo wakupaske mphapu ndi kukwandaniska, alinga kuti uŵe mpingu wa ŵanthu.

Chiyambo 48:4

ndipo wanguti kwangu, ‘Ehe, ndikakupaskanga mphapu, ndi kukwandaniska, ndipo ndikakuchitanga makhamu gha ŵanthu, ndipo ndikapaskanga charu ichi ku mphapu yako ya pavuli pako kuŵa chihara cha muyaya.’

Chiyambo 6:18

Kweni nkhachitanga phanganu langu ndi iwe. Ukaserenga mu chombo ndi ŵana ŵako, muwoli wako, ndi ŵawoli ŵa ŵana ŵako.

1 ŴaKaronga 3:8

Ndipo muŵanda winu we mukati mu khamu linu lenilo mukusankha, khamu likuru ukongwa, la mbura maŵerengeka mu unandi.

2 ŴaKaronga 13:23

Kweni Ambuya ŵenga ŵa wezi kwaku wo, ŵenga nawo ndi chifundu, ndipo angung'anamukiya kuchiri kwawo, chifukwa cha phanganu ndi Abrahamu, Yisaki ndi Yakobe, ndipo kuti angukhumba kuŵaphwanya cha, chingana akuŵadika pa maso pawo mpaka ku zuŵa lino.

Nehemiya 2:20

Sono ine ndinguŵamuka, “Chiuta wakuchanya wakatipundiskanga ndipo ifwe taŵateŵeti ŵake tikapamphukanga nditikazenganga: kweni imwe mulivi phande pamwenga mazaza pamwenga chikumbusku mu Yerusalemu.”

Nehemiya 9:23

Mungwandaniska mphapu zawo uli ndi nyenyezi za kuchanya, ndipo munguŵatole mu charu chenicho mungunene auskeu kwachiseremo ndi kuchihara.

Sumu 107:38

Angutumbika khamu lawo ndipo ŵenga ndi ŵana ŵanandi, ndipo angusunga ng'ombe zawo kuti zinguwutuka cha.

Sumu 89:3

Imwe munguti, Ndachita phanganu ndi munthu yo ndasankha; ndarapa kwaku Davidi mteŵeti wangu;

Chituwa 1:7

Kweni ŵana ŵaku Yisraele ŵangupapana ndi ŵangwandana ukongwa. Ŵangwandana ndi ŵangukuwa ndi nthazi kwakuruska, viyo charu chinguzazika ndi iwo.

Chituwa 2:25

Ndipo Chiuta wanguwona ŵaYisraele, ndipo Chiuta wanguziŵa mo ŵanguŵiya.

Chituwa 6:4

Ndinguchita so phanganu langu ndi iwo, kuŵapaska charu cha Kanani, charu cho ŵangujamo nge mbayinga.

Yesaya 55:3

Khazgani gutu linu, zani kwangu; vwani, alinga kuti mzimu winu uŵe wamoyo; ndipo ndikachitanga namwe phanganu la muyaya, chifundu changu, chanju changu nchakukho nadi paku Davidi.

Yeremiya 23:3

Pavuli ndikaunjikanga ŵakujapo ŵa mskambu wangu kutuwa ku vyaru vyose kweniko ndinguŵadikiskiya, sono ndikaŵawezgiyanga ku khora lawo, ndipo ŵakaŵanga ŵakupapana ndi ŵakwandana.

Yeremiya 23:4

Ndikamikanga ŵaliska ŵeniwo ŵakaŵaphwerenga, ndipo ndi kuti ŵakaŵanga ndi mantha cha, chingana nkhudika nthazi; chingana nkhusoŵapo nanga njumoza nako so cha, atiti Ambuya.

Yeremiya 33:3

Danani kwaku ine ndipo ndikwamukeninga, ndikuneniyeninga vinthu vikuru ndi vyakubisika vyo mulivi kuviziŵapo.

Ezekiele 16:62

Ndimikenge phanganu langu ndi iwe, ndipo ukaziŵanga kuti ine ndine Ambuya,

Ezekiele 36:9

Pakuti, awonani, ine nde pamoza namwe, ndipo ndizenge kwaku imwe, ndipo mukalimikanga ndi kupandika;

ŴaLevi 26:15

asani mukayeyanga malangulu ghangu, mtima winu ukakananga vyeruzgu vyangu, mwakuti, kuti mukachitanga marangu ghangu ghose cha kweni muswenge phanganu langu.

Luka 1:72

kwachichitiya lisungu ku auskefwe, ndi kwachikumbuka phanganu lake lakupaturika;

Marangu 28:11

Ndipo Ambuya akamusambaskaninga ndi vipasi vya liŵavu linu, ndi vipasi vya ng'ombe zinu, ndi vipasi vya nyata yinu, mu charu cho Ambuya angurapiya ku auskemwe kumupaskani.

Marangu 28:4

Vikatumbikikanga vipasi vyamu liŵavu linu, ndi vipasi vya nyata yinu, ndi vipasi vya viŵetu vinu, kwandana kwa ng'ombe zinu, ndi ŵana ŵa mberere zinu.

Marangu 7:13

Wakwanjeninge ndi kumutumbikani ndi kukwandaniskani. Ndiso watumbikenge ŵana ŵinu, vipasi vya mu minda yinu, trigu winu, vinyo winu, ndi mafuta ghinu, kwandana kwa ng'ombe zinu, ndi ŵana ŵa mberere zinu, mu charu cho wangurapa ku auskemwe kukupaskani.

ŴaHebere 8:9

kwakulingana ndi chipangano chenicho ndinguchita ndi auskeu cha mu zuŵa lo ndinguŵakole janja kwachiŵatuzga mu charu cha Egipiti, pakuti iwo ŵengavi kujaririya muchipanganu changu, ndipo ine ndingureka kuŵaphwere, atiti Ambuya.