ŴaLevi 26:8 - Tonga Bible 1986

⁸ Ŵankhondo ŵaku imwe ŵakadikiskanga machumi pe chumi (100) machumi pe chumi (100) ŵaku imwe ŵakadikiskanga vikwi chumi (10,000); ndipo ŵamawongo ŵinu ŵakawanga ndi lipanga paurongo pinu.

ŴaLevi 26:8 Iomraidhean Croise

1 Mikoka 11:11

Yagha ndi makani ghapa ŵanthu ŵanthazi ŵaku Davidi: Yashobiyamu, mu Hakimoni, ndiyo wenga murongozgi pa ŵatatu; wanguzungung'a mkondo wake pakumikana ndi ŵanthu machumi pe chumi ghatatu (300) wo wangubaya pa nyengo yimoza.

1 Mikoka 11:20

Ndipo Abshayi, mbali waku Yoabu, wenga mura wa ŵanthu machumi ghatatu, wanguzungung'a mkondo wake pa ŵanthu machumi pe chumi ghatatu wo wangubaya, ndipo nayo wanguŵa walumbiri pamoza ndi ŵatatu wo.

Estere 9:16

Kweni ŵaYuda ŵanyake wo wenga mu vyaru vinyake vya karonga ŵanguwungana pamoza kuvikiriya umoyo wawo ndipo ŵangupumuwa ku ŵarwani ŵawo, ŵangukosopo, vikwi machumi ghankhonde ndi ghaŵi pachanya vinkhonde vyaku wo ŵanguŵaŵemba, kweni vyawo kuti ŵanguskoŵa cha.

ŴaLevi 26:7

Mukadikiskanga ŵarwani ŵinu ndipo ŵakafwanga ndi lipanga linu.

Zekariya 12:8

Mu zuŵa lo Ambuya avikiriyenge ŵakuja mu Yerusalemu, viyo kuti yo ngwakuvuka ukongwa mukati mwawo pa zuŵa lo waŵenge nge ndi Davidi, ndipo nyumba yaku Davidi yiŵenge nge ndi Chiuta, nge ndi mungelo wa Ambuya panthazi pawo.

Maŵerengedu 14:9

chimoza pe nchakuti, mureke kugalukiya Ambuya; ndipo mungawopanga ŵanthu ŵa charu chiya cha pakuti tikaŵarghanga nge nchiŵande ŵalivi kuvikirika sono, ndipo Ambuya ŵendi ifwe mungawopanga iwo cha.”

Maŵerengedu 31:4

Mu fuku la ŵaYisraele, ŵaruteko ŵanthu chikwi chimoza (1,000) ku nkhondo.”

Marangu 28:7

“Ambuya akachitanga kuti ŵamawongo ŵinu ŵapundike paurongo pinu; ŵakazanga kumikana namwe nthowa yimoza, ndipo ŵazamuthaŵa paurongo pinu nthowa zinkhonde ndi ziŵi.

Marangu 32:30

Kumbi yumoza waziŵa uli kudikiska chikwi chimoza, ndi ŵaŵi kudikiska vikwi chumi kwambura kuti jarawe lawo lingaŵaguliska, ndipo Ambuya angaŵapereka?

Yoswa 23:10

Munthu yumoza waku imwe wadikiska ŵanthu chikwi, pakuti mba Mbuya Chiuta winu yo watikurwiyani nge ndimo wangupangirana namwe.

Ŵeruzgi 15:15

Ndipo wangubowozga chiwanga cha chibwanyo cha mbunda ndi wanguchito, ndipo ndi chenichi wangubaya ŵanthu chikwi (1,000).