ŴaLevi 26:7 - Tonga Bible 1986

⁷ Mukadikiskanga ŵarwani ŵinu ndipo ŵakafwanga ndi lipanga linu.

ŴaLevi 26:7 Iomraidhean Croise

1 Mikoka 19:15

Ndipo penipo ŵaAmoni ŵanguwona kuti ŵaSiriya ŵathaŵa nawo viyo ŵanguthaŵa pa maso paku Abishai, mbali waku Yoabu, ndi ŵangusere mu msumba. Viyo Yoabu wanguza ku Yerusalemu.

Estere 9:16

Kweni ŵaYuda ŵanyake wo wenga mu vyaru vinyake vya karonga ŵanguwungana pamoza kuvikiriya umoyo wawo ndipo ŵangupumuwa ku ŵarwani ŵawo, ŵangukosopo, vikwi machumi ghankhonde ndi ghaŵi pachanya vinkhonde vyaku wo ŵanguŵaŵemba, kweni vyawo kuti ŵanguskoŵa cha.

Sumu 81:15

Wose ŵakutinkha Ambuya mphanyi ŵangugwada paurongo pawo; kulangika kwawo kurutiliye mpaka muyaya.

ŴaLevi 26:36

Ndipo ndikatumanga kulakatuka mu mitima yaku wo ŵaku imwe, wo ŵakasiyikangamo po ŵe mu vyaru vya ŵamawongo ŵawo; ŵakathaŵanga pakuvwa muswayo wa jani lakuputa, ŵakathaŵanga ulaka ndi yo wathaŵa lipanga, ndipo ŵakawanga pasi penipo palivi wakuŵandondoloska.

ŴaLevi 26:6

Ndikapaskanga chimangu mu charu mwakuti mukaranga pasi kwakufwasa, ndipo paulengevi nanga njumoza wakumofyani. Ndikatuzgangamo vikoko vyakofya mu charu ndipo lipanga kuti likaporotanga mu charu chinu cha.

ŴaLevi 26:8

Ŵankhondo ŵaku imwe ŵakadikiskanga machumi pe chumi (100) machumi pe chumi (100) ŵaku imwe ŵakadikiskanga vikwi chumi (10,000); ndipo ŵamawongo ŵinu ŵakawanga ndi lipanga paurongo pinu.

Marangu 28:7

“Ambuya akachitanga kuti ŵamawongo ŵinu ŵapundike paurongo pinu; ŵakazanga kumikana namwe nthowa yimoza, ndipo ŵazamuthaŵa paurongo pinu nthowa zinkhonde ndi ziŵi.

Marangu 32:30

Kumbi yumoza waziŵa uli kudikiska chikwi chimoza, ndi ŵaŵi kudikiska vikwi chumi kwambura kuti jarawe lawo lingaŵaguliska, ndipo Ambuya angaŵapereka?

Yoswa 23:10

Munthu yumoza waku imwe wadikiska ŵanthu chikwi, pakuti mba Mbuya Chiuta winu yo watikurwiyani nge ndimo wangupangirana namwe.

Ŵeruzgi 15:15

Ndipo wangubowozga chiwanga cha chibwanyo cha mbunda ndi wanguchito, ndipo ndi chenichi wangubaya ŵanthu chikwi (1,000).

Ŵeruzgi 4:16

Baraki wangudondoloska magareta ndi liŵanja la nkhondo ku Haroshetihagoimu ndipo liŵanja lankhondo lingumara ndi lipanga; kuti wangujapo cha munthu nanga njumoza.

Ŵeruzgi 7:23

ŴaYisraele ŵangudanika kutuwa kwaku Naftali, Ashere, ndi kwaku Manase, ndipo ŵangundondoloska ŵaMidiyani.

1 Samuele 14:13

Jonafani wangukwere manja ndi marundi, ndi wakupinga vidya pavuli pake. Ndipo ŵanguwa pa nthazi paku Jonafani, sono wakupinga vidya vyake wanguŵabaya.