ŴaLevi 26:41 - Tonga Bible 1986

⁴¹ viyo kuti nane so ndingwenda kwakupambana nawo, ndi kuŵatole mu charu cha ŵamawongo ŵawo, asani mtima wawo wambura kuchinjika ukajiyuyuwanga ndi kuchita umampha mu malo gha uheni wawo;

ŴaLevi 26:41 Iomraidhean Croise

1 ŴaKaronga 21:29

“Kumbi wawona mo wajiyuyuliya Ahabu paurongo pangu? Chifukwa chakuti wajiyuyuwa, kuti ndikatolenga suzgu yo mu mazuŵa ghake cha, kweni mu mazuŵa gha ŵana ŵake ndikatolenga suzgu yo pa nyumba yake.”

2 Mikoka 12:12

Ndipo wanguti wajiyuyuwa, ukari waku Chiuta ungugowoka kwaku iyo kuti wareke kumparghang'iya limu; ndipo vinthu vingwenda so umampha mwaku Yuda.

2 Mikoka 32:26

Kweni Hezekiya wanguti wajithereska, iyo ndi ŵamu Yerusalemu kandundu kaku chiuta kangureka mu mazuŵa ghose ghaku Hezekiya.

2 Mikoka 33:19

Kuromba kwake naku so, ndi mo Chiuta wanguŵeyereke ndi iyo, ndi maulakwi ghake ghose ndi ubendezi wake, ndi malo mo wanguzenga malo gha pachanya, ndi kuŵika Ashera, ndi vikozgo vya kusema, wenga wandape; ehe, vikulembeka mukati mu Makani gha Ŵamchimi.

2 Mikoka 33:23

Kweni kuti wangujiyuyuwa cha pa maso ghaku Chiuta nge ndimo Manase awiske ŵangujiyuyuliya, kweni Amoni wanangiyanga-nangiyanga.

Ezra 9:13

Ndipo vyose ivi vyatiŵiya chifukwa cha nchitu zidu ziheni ndi chifukwa cha ulakwi widu ukuru, pakuwona kuti imwe Chiuta widu kuti mwatilanga ukongwa cha kwakuyana ndi kunanga kwidu kukuru, ndipo so mwatipaska uŵapo ukuru nge ndi uwu,

Ezra 9:15

Ambuya Chiuta waku Yisraele, imwe mwe ŵakunyoroka, pakuti tajako ifwe takutaskika, mo kulili msana wale. Wonani, tijichepeska pauronga pinu chifukwa cha matewu ghidu; palivi yumoza waziŵa kuma paurongo pinu chifukwa chaku gho.”

Nehemiya 9:33

Imwe mwaŵa ŵakongolekwa mwaku cho chatiziya ifwe, pakuti imwe mwachita kwamagomekezgeka ndipo ifwe tachita kwakunanga;

Sumu 39:9

Nde mbuwu, kuti ndibanuwa mlomo wangu cha; chifukwa imwe ndimwe mukuchichita.

Chituwa 10:3

Viyo Mosese ndi Aroni ŵangwachisere kwaku Farao ndi ŵanguti kwaku iyo, “Viyo atiti Ambuya, Chiuta wa ŵaHebere, ‘Mpaka zuŵanji ukakananga kujiyuyuwa paurongo pangu? Ŵazomerezge ŵarutenge ŵanthu ŵangu, alinga kuti ŵakanditataliyenge.

Yeremiya 4:4

Jichinjiyeni ku Ambuya tuzganipo khungu la mitima yinu, mwa ŵanthu ŵaku Yuda ndi ŵakuja mu Yerusalemu, vinu ukari wangu ungaruta nge ndi moto, ndi kocha penipo palivi wakuwuzimwa chifukwa cha uheni wa machitidu ghinu.”

Yeremiya 6:10

Njani yo ndikakambanga nayo ndi kumuncheŵeska, alinga kuti ŵavwenge. Ehe, makutu ghawo ghakujara, ŵatondeka kutegherezga; ehe, mazu gha Ambuya kwaku iwo nchinthu chakutozeka, kuti ŵatighakhumba cha.

Ezekiele 14:23

Wakakusangaruskaninga, po muwona nthowa zawo ndi nchitu zawo; ndipo mukaziŵanga kuti ndichita ŵaka cha kwambura chifukwa vyose vyo ndichita, atiti Ambuya Chiuta.”

Ezekiele 20:43

Kwenikuwa ndiko mukakumbukanga nthowa zinu ndi nchitu zinu zose zo mukujikazuzga nazo; ndipo mukajisuskanga imwe mwaŵeni pa chifukwa cha mauheni ghose gho mwachita.

Ezekiele 44:7

pakuti mwazomerezga ŵalendo, ŵambura kuchinjika mu mtima ndi liŵavu, kusere mu malo ghangu ghatuŵa, kughafipiska, po mutindipaska kurgha kwangu, mafuta ndi ndopa. Mwaswa phanganu langu, mukusazgiyako ku maunyakazi ghinu ghose.

Ezekiele 44:9

“Chifukwa cho atiti Ambuya Chiuta; Mlendo cha, wambura kuchinjika mu mtima ndi liŵavu cha kuti wasere mu malo ghangu ghatuŵa, inya, chingana ndi mlendo yo waja mukati mu ŵaYisraele.

Ezekiele 6:9

po ndipo ŵakupozomoka mwaku imwe ŵakandikumbukanga mukati mu ŵamitundu ko ŵatoreke umkoli, nditakuti ndaphwanya mtima wawo wa ureŵi wo wapatuka kwaku ine, ndi kujara maso ghawo gho ghang'anamukiya ku ureŵi ndi ŵangoza ŵawo; ndipo ŵachitenge mselu mu maso ghaku iwo ŵeneko pa mauheni gho ŵachita, pa maunyakazi ghawu ghose.

ŴaLevi 26:24

iku ine nane nkhayendanga kwakupambana namwe, ndipo ine ndamweni ndikamupumaninga kuwerezgapo so kankhonde ndi kaŵi, chifukwa cha maulakwi ghinu.

ŴaLevi 26:28

iku ine nane ndikayendanga kwakupambana namwe ndi ukari, ndimulangeninge ndamweni kuwerezgapo kankhonde ndi kaŵi chifukwa cha maulakwi ghinu.

Maŵerengedu 5:7

wakazomeranga uheni wo wachita; ndipo walipe mtengo waku cho wachita, ndikusazgiyapo chimoza cha vigaŵa vinkhonde vya mtengo wo, ndi kupereka kwaku yo wamunangiya.

Mateyu 23:12

Ndipo yose yo wajikuzgenge, wayuyulikenge; ndipo yose yo wajiyuyuwenge, wakuzgikenge.

Luka 14:11

Pakuti yose wakujikuzga wayuyulikenge; ndipo yo ngwakujiuyuwa wakuzgikenge.”

Luka 18:14

Ndikuneniyani, wangusikiya uyu wakurunjiskika ku nyumba yake, kwakuruska yuwa; pakuti yose wakujikuzga wayuyulikenge; kweni wakujiyuyuwa wakuzgikenge.”

Machitidu gha Ŵakutumika 7:51

“Mwanononu ku singu, ndi mwambura kuchinjika ku mtima ndi makutu, nyengo zose mumikana ndi Mzimu Wakupaturika: nge mbauskemwe, namwe viyo.

ŴaGalatia 5:6

Chifukwa mwaku Kristu Yesu chingana ndi mchinju kuti ngwakovya kanthu cha, chingana nkhuwura mchinju; kweni chivwanu chakutataliya mu chanju.

Marangu 10:16

Viyo dumuwani khungu laku mitima yinu, ndipo so mureke kuŵa so ŵanonono mu mitima.

Marangu 30:6

Ndipo Ambuya Chiuta winu wakachinjanga mtima winu ndi mtima wa mphapu yinu, alinga kuti mukanjanga Ambuya Chiuta winu ndi mtima winu wose, ndi mzimu winu wose, kuti muŵenge ŵamoyo.

Marangu 31:21

Ndipo penipo viheni vinandi ndi masuzgu vyaza paku wo, sumu iyi yikazanga paurongo pawo nge mbukaboni (pakuti yikaŵanga yambura kuruwika mu milomo ya mphapu zawo), pakuti ndiziŵa vifukwa vyenivyo ŵachita kwamba kale, ine ndenga ndindaŵatole mu charu cho ndingurapiya kuŵapaska.”

ŴaFilipi 3:3

chifukwa ifwe te ŵamchinju ŵa uneneska wo mbakusopa Chiuta mu Mzimu, ndi mbakutumbwiya mwaku Kristu Yesu, ndi ŵambura kugomekezga mu liŵavu.

ŴaKolose 2:11

Mwaku mweniyo so mwachinjikiya ndi muchinju wakuchitika ndi manja cha, pa kuzuwa liŵavu la nyama, mu mchinju wo waku Kristu;