ŴaLevi 26:3 - Tonga Bible 1986

³ “Asani muvwenge malangulu ghangu ndi kuphwere marangu ghangu kughachita,

ŴaLevi 26:3 Iomraidhean Croise

Nehemiya 1:9

kweni asani mukaweriyanga kwangu ndi kusunga marangu ndi kughachita, chingana kumbininiskika kwinu kungalutiriya ku midengwendi yakutali ndikaŵawunjikanga pamoza kutuwa kweniko ndi kuza nawo ku malo gho ndasankha kuwandiska zina langu kweniko?’

Chituwa 23:25

Mukatataliyanga Ambuya Chiuta winu, ndipo ine ndikatumbikanga chiŵandi chinu ndi maji ghinu; ndipo ndikatuzgangamo matenda mukati mwinu.

Yesaya 1:19

Asani mwe ŵakunweka ndiŵakuvwiya, mukarghanga vyamampha vya charu cho.

Yesaya 30:23

Ndipo akapaskanga vuwa pa mbutu yo mumija pa nyata, ndi vyakurgha, vyakume mu nyata, vyo vikaŵanga vyakunozga ndi vyakuzara. Mu zuŵa liya viŵetu vinu vikarghanga mu vipozwa vikuru;

Yeremiya 11:4

lenilo ndingulanguliya auskemwe pa nyengo yo ndinguŵatuzgiya mu charu cha Egipiti, kutuwa mu ng'anjo ya chisulo, ndinguti, Tegherezgani ku mazu ghangu, ndipo chitani chose cho nditumulanguliyani. Po ndipo mukaŵanga ŵanthu ŵangu, ndipo ine ndikaŵanga Chiuta winu,

ŴaLevi 19:25

Kweni mu chirimika cha chinkhonde murghenge vipasi vyawo, alinga kuti miti yimupasiyeninge vyakuzala: Ndine Ambuya Chiuta winu.

Zekariya 8:12

Pakuti kuŵenge kumija kwa chimangu; mphereska yipasenge vipasi vyake, ndipo nyata yiperekenge kwandana kwake, machanya nagho ghakaperekanga dungwi lake; ndipo nkhachitanga kuti ŵakujako ŵa ŵanthu yaŵa, ŵaŵe ndi vyose ivi.

Malaki 3:10

Zina ndi vyachichumi vyamphumphu ku nyumba yakusungiyamo, mwakuti muŵe vyakurgha mu nyumba yangu. Po ndipo mudese, atiti Ambuya ŵa maŵanja, asani kuti nkhamujuliyaninga cha madangazi gha kuchanya, ndi kumupunguliyani vitumbiku vyakuzara.

Marangu 7:12

“Ndipo chifukwa mwamuvwiya vyeruzgu vyo ndi kuvisunga, Ambuya Chiuta winu wakasunganga kwaku imwe phanganu ndi lisungu lenilo wangurapa kwa auskemwe.

Chivumbuzi 22:14

Mbakutumbikika wo ŵasuka minjirira yawo, viyo kuti ŵaŵenge ndi mtufu pa muti wo wa umoyo, ndi kuti pamalikomo ŵaserenge kuya mu msumba wo.