ŴaLevi 26:25 - Tonga Bible 1986

²⁵ Ndipo nkhatolenga nkhondo paku imwe yo yikatayiyanga thayu phanganu lo. Asani mukawungananga mu misumba yinu nkhatumanga zinthenda mukati mwinu, ndipo mukaperekekanga mu janja la murwani winu.

ŴaLevi 26:25 Iomraidhean Croise

2 Samuele 24:15

Viyo Ambuya angutuma chideru pa ŵaYisraele kutuwa ndi mlenji mpaka pa nyengo yakutemeka; ndipo ŵangufwa ŵanthu vikwi machumi ghankhonde ndi ghaŵi (70,000) kutuliya ku Dani mpaka ku Beresheba.

1 ŴaKaronga 8:33

“Asani khamu linu Yisraele lapundika ndi ŵarwani chifukwa chakuti ŵakulakwiyani imwe, asani ŵawere so kwinu, ndi kuzomera zina linu, ndipo ŵaromba ndi kuŵeyere imwe mu nyumba iyi,

1 ŴaKaronga 8:37

“Asani mwe chilala mu charu, asani mwe chiwowota pamwenga vitupatupa pamwenga chideru, pamwenga zombe pamwenga matondo; asani ŵakupindikana ŵawo ŵatuŵazinga msumba wawo we wose, manyi nchideru chakutinji, manyi ndi matenda gha mtundu uli gho ghalimo.

2 ŴaKaronga 17:3

Shalmanezara karonga wa Asiriya, wanguza kulimbana nayo; ndipo Hosheya wanguŵa nduna yake ya charu, ndipo wangupereka msonkho.

2 Mikoka 24:24

Chingana nkhondo ya ŵaSiriya yinguza ndi ŵanthu ŵamanavi, kweni Ambuya angupereka mu manja ghawo mzinda ukuru wa nkhondo chifukwa ŵanguŵasiya Ambuya, Chiuta wa auskeu. Viyo ndimo ŵangufiskiya cheruzgu paku Yoashi.

Sumu 94:1

Ambuya, ndimwe Chiuta wakutaya thayu, vumbuwani ukari winu!

Chituwa 5:3

Sono iwo ŵanguti, “Chiuta wa ŵaHebere wakumana nafwe. Timupemphani tirekeni tirutenge lwendo la mazuŵa ghatatu kuja mu bozwa, ndi kwachisopa Ambuya Chiuta widu, kopa kuti wangaza paku ifwe ndi chideru pamwenga ndi lipanga.”

Yesaya 1:20

Kweni asani mukana ndi kugaruka, mukamaranga ndi lipanga, pakuti mlomo wa Ambuya wakamba.”

Yesaya 65:12

ine ndikakurongosoliyaninga ku lipanga, ndipo imwe mose mukakotamiyanga pasi kubayika; chifukwa, penipo ndingudana, kuti mungwamuka cha, po ndingurongoro, kuti mungutegherezga cha, kweni mukuchita cho chenga uheni mu maso ghangu, mungusankha cho ine ndengavi kukondwa nacho.”

Yeremiya 19:7

Ndipo mu malo ghenigha ndikamariskanga vinjeru vyaku Yuda ndi Yerusalemu, ndikabayiskanga ŵanthu ŵawo ndi lipanga paurongo pa ŵakupindikana ŵawo, ndi janja laku wo ŵapenja kuŵabaya. Ndikapaskanga viŵanda vyawo ku viyuni vya mude ndi ku nyama za charu chapasi kuti zirghenge.

Yeremiya 24:10

Ndipo ndikatumanga lipanga, chilala, ndi chideru paku wo, mpaka ŵakamaranga tetete mu charu chenicho ndinguŵapaska iwo ndi auskeu.”

Yeremiya 50:28

“Avwani! Ŵathaŵa ndi kunyeremuka ku charu cha Babiloni, kwachitaula mu Zioni thayu la Ambuya Chiuta widu, thayu lapa kasopi wake.

Yeremiya 51:11

“Norani mivwi! Toni zinguru! Ambuya ayuska ŵakaronga ŵa ŵaMede, kuti ŵabwanganduwe Babiloni, pakuti lenilo ndilo thayu la Ambuya, thayu lapa kasopi wawo.

Yeremiya 9:16

Ndiŵambininiskiyenge mukati mu mitundu yeniyo iwo pamwenga auskeu kuti akuyiziŵapo cha; ndipo ndikatumanga lipanga pa ku iwo, mpaka penipo ndaŵamara.”

Chitenje 2:21

Mu fuvu la mu ŵagurwi mwagona ŵaŵisi ndi ŵakukota; ŵamwali ŵangu ndi ŵanyamata ŵangu ŵabayika ndi lipanga; mu zuŵa la ukari winu mwaŵabaya, kubaya kwambura lisungu.

Ezekiele 14:17

Pamwenga asani nditore lipanga pa charu chiya, ndi kuti, lipanga liporote mu charu; ndi kudumuwamo munthu ndi chakuŵeta;

Ezekiele 20:37

Ndikakuyendeskaninga kusi kwa ndodo, ndipo mukaserenga kwakuchita kuŵerenga.

Ezekiele 29:8

chifukwa ichi atiti Ambuya Chiuta: Ehe, ndikazanga ndi lipanga paku iwe, kudumuwako kwaku iwe munthu ndi nyama,

Ezekiele 33:2

“Mwana wa munthu, kamba ndi ŵanthu ŵako uŵanene kuti, Asani ndituza ndi lipanga pa charu, ndipo ŵeni-charu ŵato munthu mukati mwawo, ndi kumuŵika nge ndi mlonda wawo;

Ezekiele 5:17

Ndikatumanga chilala ndi vikoko vya mudondo paku imwe, vikakuphanganinga ŵana ŵinu; chiwowota ndi ndopa vikaporotanga mukati mwino; ndipo ndi kazanga ndi lipanga paku imwe. Ine, Ambuya, ndarongoro.”

Ezekiele 6:3

unene kuti, Mwa mapiri gha Yisraele, vwani mazu gha Ambuya Chiuta! Viyo atiti Ambuya Chiuta, ku mapiri ndi mitunthu, vinkhwawu ndi madambo: Ehe, ine, inya ine, ndikazanga ndi lipanga paku imwe, nkhapasuwanga malo ghinu gha pachanya.

Hoseya 11:6

Lipanga likaŵanga pa misumba yawo, kudumuwa mipiringizgu ya malikomo ghawo ndi kuŵamara mu malinga ghawo.

ŴaLevi 26:6

Ndikapaskanga chimangu mu charu mwakuti mukaranga pasi kwakufwasa, ndipo paulengevi nanga njumoza wakumofyani. Ndikatuzgangamo vikoko vyakofya mu charu ndipo lipanga kuti likaporotanga mu charu chinu cha.

Amosi 4:10

“Ndingutuma mukati mwinu chideru nge ndimo kunguŵiya ku Egipiti; ndingubaya ŵanyamata ŵinu ndi lipanga; ndinguto ŵakavalo ŵinu; ndipo ndingupereka fungu liheni mu misasa yinu kuti likwere mu mphunu zinu; ndipuuli kuti munguwere kwaku ine cha,” atiti Ambuya.

Habakuku 3:5

Paurongo pake panguka nthenda ya chideru, nthenda yo yamrondonga mvuli.

Maŵerengedu 14:12

Ndiŵapumenge ndi nthenda yakofya ndi kupoka chihara kwaku wo, kweni ndikakuchitaninga kuti muŵe mtundu ukuru ndi wanthazi kwakuruska iwo.”

Maŵerengedu 16:49

Sono wo ŵangufwa ndi nthenda wenga vikwi chumi ndi vinayi pachanya machumi pe chumi ghankhonde ndi ghaŵi, (14,700) yaŵa mba pade paku wo ŵangufwa chifukwa cha mrandu waku Kora.

Maŵerengedu 31:3

Ndipo Mosese wangunena ndi ŵanthu, “Jitoriyeni ŵanthurumi ŵankhonde mukati mwinu, kuti ŵakarwani ndi ŵaMidiani, ku wawezge nduzga Ambuya pa ŵaMidiani.

Luka 21:11

ndipo viŵengepo vyeuyeu vikuru, ndi mu malo ndi malo vilala ndi videru; ndipo viŵengepo vyakofya, ndi visimikizgu vikuru vyakutuliya kuchanya.

Marangu 28:21

Ambuya akatumanga nthenda ya chidelu kujaliriya paku imwe mpaka penipo amumarani mose mu charu chenicho museremo kuchironda kuŵa chinu.

Marangu 32:25

Pakweru lipanga lipaskenge chitenje, ndipo mu vipinda mukaŵanga mantha kubaya munyamata ndi mwali pamoza, litema lakonkha ndi munthu mura wa nyivu.

Marangu 32:35

Thayu ndangu, ndi kuwerezgiyapo, kwa nyengo penipo rundi lawo likateremukanga, pakuti zuŵa la soka lawo laŵandika, ndipo kubwanganduka kwawo kutuza ruŵi.

Marangu 32:41

Asani ndinora lipanga langu lakung'anima, ndipo janja langu liko cheruzgu, penipo ndikachitanga thayu pa ŵarwani ŵangu, ndipo ndikaŵawerezgiyangapo ŵakunditinkha.

Ŵeruzgi 15:11

Viyo vikwi vitatu (3,000) vya ŵanthurumi ŵaku Yuda ŵangusikiya ku sendemu la jarawi la Etamu, ndipo ŵanguti kwaku Samsoni, “Kumbi kuti uziŵa cha kuti ŵaFilisti ŵatitiwusa? Kumbi nchine ichi wachitiya ifwa?” Ndipo iyo wanguti kwaku iwo, “Mo iwo ŵanguchitiya ine ndimo nani ndinguŵachitiya.”