ŴaLevi 26:13 - Tonga Bible 1986

¹³ Ndine Ambuya Chiuta winu, yo wangukutuzgani mu charu cha Egipiti kuti mureke kuŵa ŵaŵanda ŵawo. Ine ndafyo mpiringizgu ya gori linu kuti mwende kwakunyoroka.

ŴaLevi 26:13 Iomraidhean Croise

Sumu 116:16

Ambuya mwe, ndine mteŵeti winu, nditeŵete imwe, nge ndimo ama anguchitiya. Mwandijarika muwanangwa.

Chituwa 14:8

Ndipo Ambuya angunonopeska mtima waku Farao karonga wa Egipiti ndipo wangundondoloska ŵaYisraele ŵachiruta ndi kugiya.

Chituwa 20:2

“Ine ndine Ambuya Chiuta wako, mweniyo wangukutuzga mu charu cha Egipiti kutuwa mu nyumba ya uŵanda.

Chituwa 6:7

ndipo ndikakuchitaninga kuŵa mtundu wakundamweni, ndipo ndikaŵanga Chiuta winu, ndipo mukaziŵanga kuti ndine Ambuya Chiuta winu, mweniyo wakutuzgani kusi ku mphingu za ŵa Egipiti.

Yesaya 51:23

ndipo ndikachiŵikanga mu janja la ŵakumusuzgani, wo ŵarongoro kwaku imwe, kuti, ‘Gwadani pasi kuti tikeko’, ndipo imwe mwachita msana winu nge mphasi, ndi uli ndi museu wakukamo.”

Yesaya 9:3

Imwe mwandaniska mtundu, mwandaniska likondwa lake, ŵakondwa paurongo pinu, uli ndi likondwa la pakuvuna, uli ndi po ŵakondwe ŵanthu ŵachigaŵana vyakuskoŵa.

Yeremiya 2:20

“Pakuti ndikale ukongwa mungufyo gori linu ndipo munguphwatuwa vimangiro vinu, ndipo munguti, ‘Kuti nditataliyenge cha!’ Inya, pa phiri lose litali ndi msina muti wose uŵisi mungujikaniya nge ndi munthukazi mureŵi.

Yeremiya 28:2

“Viyo atiti Ambuya ŵa maŵanja, Chiuta waku Yisraele: Ndafyo gori la karonga wa Babiloni.

Yeremiya 28:4

Ndikawezgiyanga so Yekoniya mwana waku Yehoyakimu, karonga waku Yuda, ku malo yagha ndi ŵamikoli wose ŵakutuwa mwaku Yuda wo ŵanguruta ku Babiloni atiti Ambuya, pakuti ndikafyonga gori la karonga wa Babiloni.”

Ezekiele 30:18

Pa Tehafenesi lumwi likaŵanga mdima, po ndiphwanya ufumu wa Egipiti kwenikuwa, ndipo nthazi ya kujikuzga kwake yikamaranga; wakabenekerekanga ndi mtambo, ŵana ŵake ŵanthukazi ŵakarutanga ku umkoli.

Ezekiele 34:27

Miti ya mudondo yipasenge vipasi vyawo, ndipo charu chapasi chipaskenge mwandanu wake, ndipo zikajanga kwakufwasa mu charu chawo, ndipo zikaziŵanga kuti ine ndine Ambuya, penipo ndikafyonga minthambi gori lawo, ndikuzipozomoska mu janja laku wo ŵanguziko umkoli.

Hoseya 11:4

Ndinguŵaguza ndi vingwe vya lisungu, ndi maruzi gha chanju. Ndinguŵa kwaku iwo, nge ndi munthu yo watuzgamo matangaja mu matakama ghawo, ndipo ndingukotamiya kwaku iwo, ndi kuŵapaska kurgha.

ŴaLevi 25:38

Ine ndine Ambuya Chiuta winu, yo wangukutuzgani mu charu cha Egipiti kuti ndikupaskeni charu cha Kanani, ndi kuti ndiŵe Chiuta winu.

ŴaLevi 25:42

Pakuti ŵana ŵanyako mbateŵeti ŵangu wo ndingutuzga mu charu cha Egipiti; Wangaguliskikanga nge mba ŵanda cha.

ŴaLevi 25:55

Pakuti kwaku ine ŵaYisraele mbateŵete ŵangu wo ndinguŵatuzga mu charu cha Egipiti, Ndine Ambuya Chiuta winu.

Nahumu 1:13

Ndipo sono ndiswenge goŵa lake lituweko kwako, ndi ndidumuwenge vimangilo vyako pakati.”