ŴaLevi 24:9 - Tonga Bible 1986

⁹ Ivi vikaŵanga vyaku Aroni ndi ŵana ŵake, ndipo ŵakavirghiyanga mu malo ghakupaturika, pakuti kwaku iyo, nchigaŵa chakupaturika, kutuwa pa vyakupereka vyapa moto ku Ambuya. Ili ndi phanganu la muyaya.”

ŴaLevi 24:9 Iomraidhean Croise

Chituwa 27:21

Mu chihema chakuwunganamo ku bwalo kwa chivwinkhu chenicho che paurongo pa phanganu, Aroni ndi ŵana ŵake ŵanthurumi ŵatakatake ndicho, kwamba ndi mazulo mpaka mlenji paurongo pa Ambuya. Likaŵanga lamulu lakulembeka muyayo kulikoleze mu migonezi yawo ŵaYisraele.

ŴaLevi 10:12

Mosese wangunena ndi Aroni, Eleazara, ndi Itamara, ŵana ŵake wo ŵangujapo, “Toni mpasku wa ufwa wo wajoko wakuperekeka wapa moto ku Ambuya, ndi muwurghe wambura mtupu pafupi ndi jochero, chifukwa ngwakupaturika.

ŴaLevi 10:17

“Chifukwa chine mulivi kurghiya mpasku wapa ulakwi mu malo ghakupaturika pakuwona kuti nchinthu chakupaturika ukongwa, ndipo chikupaskika kwaku imwe alinga kuti munyamuwe ulakwi wa mpingu, kuchitiya mphepeska paku wo paurongo pa Ambuya?

ŴaLevi 21:22

Wangaziŵa kurgha chiŵande chaku Chiuta, nanga nchakupaturika ukongwa ndi cha vinthu vyakupaturika;

ŴaLevi 24:10

Sono mwana munthurumi wa munthukazi muYisraele, yo wiske wake wenga mwina Egipiti, wanguruta mukati mu ŵaYisraele. Sono iyo ndi munyake muYisraele ŵangubayana mu ugoŵi,

ŴaLevi 3:17

Ili likaŵanga dangu la muyaya mu migonezi yinu yose, mu malo ghinu ghose ghakujamo, lakuti mureke kurgha mafuta chingana ndi ndopa.”

ŴaLevi 6:11

Pavuli wakazuwanga vyakuvwara vyake ndi kuvwara vivwalo vinyake, ndi kutuzgiya vyoto kubwalo kwa ugoŵi pa malo ghamampha.

ŴaLevi 6:16

Ndipo chakujako chose Aroni ndi ŵana ŵake ŵakachirghanga, chikarghikanga chambura mtupu mu malo ghakupaturika; mu bwalo la hema lakuwunganamo.

ŴaLevi 6:9

“Languliya Aroni ndi ŵana ŵake, kuti ili ndilo dango la sembe yakocha Sembe yakocha yikaŵanga pa chipa pa jochero mpaka mlenji ndipo moto ukakolenga penipo.

ŴaLevi 8:3

Ndipo uwunjikiske mpingu wose pa khomo la hema lakuwunganamo.”

ŴaLevi 8:31

Ndipo Mosese wanguti kwaku Aroni ndi ŵana ŵake, “Bikani nyama pa khomo la hema lakuwunganamo, muyirghiye penipa ndi chiŵande cho che mu sokora ya mpasku wakumikiya, uli ndimo ndingulanguliya, kuti, ‘Aroni ndi ŵana ŵake ŵakayirghanga.’

Malaki 1:12

Kweni imwe mulipepuwa pakukamba kuti gome la Ambuya ndakufipa ndipo kurgha kwa paku lo kutenere kuyeyeka.

Mateyu 12:4

mo wanguserere mu nyumba yaku Chiuta, ndi kurgha viŵandi vyakujarikika, vyenivyo kuti kungwenere iyo cha kurgha, chingana mbeniwo ŵenga nayo, kweni ŵazukuru pe ŵija?

Marko 2:26

mo wanguserere mu nyumba yaku Chiuta, po Abiatara wenga mzukuru mura, ndipo wangurgha viŵande vyakujarika, vyenivyo kuti kunguyiyamu kurgha cha, kweni ku ŵazukuru pe, ndipo so wangupaska kwaku wo ŵapamoza nayo?”

Luka 6:4

mo wanguserere mu nyumba yaku Chiuta, ndi mo wangutole ndi wangurghiya viŵande vyakujarika, ndi wangupaskiyako ŵapamoza nayo; vyenivyo kuti nchakuyamu cha kurgha kweni ku ŵazukuru pe ŵija?”

1 Samuele 21:6

Viyo mzukuru wangumpaska chiŵande chakupaturika; pakuti chiŵande chinyake pengavi kweni chiŵande cha pa maso, cho chatuzgika paurongo pa Ambuya, kuti chisinthane ndi chakocha sono pa zuŵa lo ŵatuzgiyapo chinyake.