ŴaLevi 24:7 - Tonga Bible 1986

⁷ Ndipo mukaŵikangapo vya chema vyakufikapo mu mzere ndi mzere, alinga kuti vikiyenge pamoza ndi chiŵande nge nchigaŵa cha chikumbusku cha mpasku wapa moto ku Ambuya.

ŴaLevi 24:7 Iomraidhean Croise

Chiyambo 9:16

Panipo chiŵingavuwa chemu mitambo, ndichilereskenge ndi nkhakumbukanga phanganu la muyaya pakati paku Chiuta ndi vyose vyo vye pa charu.”

Chituwa 12:14

“Zuŵa ili kwaku imwe likaŵanga la chikumbusku, ndipo mukalisunganga nge ndi dghera ku Ambuya; mu migonezi yinu mukalisunganga kuŵa dangu muyaya.

Chituwa 13:9

Ndipo chikaŵanga kwaku imwe nge nchisimikizgu pa janja linu ndipo nge nchikumbusku pakati pa maso ghinu, alinga kuti dangu la Ambuya liŵenge mu mlomo winu; pakuti ndi janja la nthazi Ambuya akutuzgani mu Egipiti.

Chituwa 17:14

Ndipo Ambuya anguti kwaku Mosese, “Lemba ichi nge nchikumbusku mu buku, ndipo uchikambe mu makutu ghaku Yoswa kuti ndisisistiyanga limu chikumbusku chaku Amaleke mu charu chose chapasi.”

Chituwa 28:12

Ndipo ukaŵikanga mya yo yiŵi pachanya pa twapamamphewa twa efodo, kuŵa mya ya chikumbuska cha ŵana ŵanthurumi ŵaku Yisraele ndipo Aroni wakatoliyanga mazina ghawo paurongo pa Ambuya pa maphewa ghake ghaŵi, kuŵa chikumbusku.

Yesaya 43:23

Mulivi kundiziya ndi mberere za visopo vya kocha, pamwenga kundipaska thumbiku ndi mipasku yinu. Ndilivi kukupingizgani ndi mipasku, pamwenga kumuvuskani ndi vyachema.

ŴaLevi 2:1

“Kweni we yose wakuza ndi mpasku wa ufwa kwachipereka ku Ambuya, mpasku wake ukaŵanga wa ufwa wamampha; wakadanga mafuta paku wo, ndi kuŵikapo vyachema,

ŴaLevi 2:2

Ndi kuza nawo ku ŵana ŵaku Aroni ŵazukuru wo. Ndipo iyo wakatongapo ufwa wamampha wakuzaza janja, ndi mafuta ndi vyachema vyake vyose. Mzukuru wakawochanga pa jochero kuŵa chigaŵa chake cha chikumbusku chake cha mpasku wapa moto, fungu lakukondweska Ambuya.

ŴaLevi 2:9

Ndipo mzukuru wakatongako ku mpasku wa ufwa phande lake la chikumbusku ndi wakaliwochanga pa jochero, mpasku wapa moto, wa fungu lakukondweska Ambuya.

Yohane 6:35

Wanguŵanene Yesu, “Ine ndine Chiŵande cho cha umoyo yo watuza kwaku ine kuti waŵenge wanja cha, ndipo wakuvwana mwaku ine kuti waŵenge so wanyota cha muyaya.

Yohane 6:51

Ine ndine Chiŵande chamoyo, cho chasoromoka kuchanya: asani yumoza wangarghapo chiŵande chenichi, wajaririyenge wamoyo ku muyaya: ndipo chiŵande nacho cho ine ndipaskenge pa chifwa cha umoyo wa charu ndi liŵavu langu.”

Machitidu gha Ŵakutumika 10:31

ndipo wali, ‘Kornelio, niniziku lako lavwika, ndipo vyakumbukika paurongo paku Chiuta vyalisungu vyako.

Machitidu gha Ŵakutumika 10:4

Ndipo iyo, pakumlereska dodoli, ndi pakuŵa wachitenthe, wanguti, “Nchine, Ambuya?” Ndipo wangumunene, “Maniniziku ghako ndi vyalisungu vyako vyakwera uli nchikumbusku paurongo paku Chiuta.

ŴaEfeso 1:6

kuti urumbike unkhankhu wa wezi wake, mwaku weniwo watisambasiskiya kwawanangwa mu Nkhwanjiwa yo.

ŴaHebere 7:25

Viyo ndimo ngwanthazi kukutaskiya kose limu wo ŵatuziya kwaku Chiuta mwaku iyo, pakuŵa wamoyo nyengo zose kwachiŵeyere pa chifwa chawo.