ŴaLevi 24:5 - Tonga Bible 1986

⁵ “Ndipo mukatonga ufwa wamampha, ndi kocha tuviŵande chumi ndi tuŵi, ke kose ka ufwa wa vigaŵa viŵi vya vigaŵa chumi vya mweso wa sokora.

ŴaLevi 24:5 Iomraidhean Croise

1 ŴaKaronga 18:31

Eliya wanguto mya chumi ndi yiŵi, kwakuyana ndi unandi wa mafuku gha ŵana ŵaku Yakobe, kwaku mweniyo mazu gha Ambuya ghanguza, ghakuti, “Yisraele likaŵanga zina lako.”

1 Mikoka 23:29

kovya so kurongoso chiŵande ndi ufwa wa mpasku, ndi tumabulunga twa chiŵande chambura mtupu, mpasku wakubika, mpasku wakusazgika ndi mafuta, ndi vyakupimiya vyose vya unandi pamwenga ukuru.

1 Mikoka 9:32

Ndipo so ŵanyake ŵa wabali ŵawo ŵaKohati ŵenga ŵakulereska mlimu wa chiŵande chakupaturika, kuchinozga sabata ndi sabata.

2 Mikoka 13:11

Ŵatumoche Chiuta sembe zakocha ndi vyachema vyamampha mlenji wose ndi mazulo ghose ndipo chikoleru nyali cha golide ndi nyali zake ŵatizilongo kuti zikolenge mazulo ghose; chifukwa ifwe tisungirizga chilangulu chaku Chiuta widu kweni imwe mwamjowo.

Nehemiya 10:33

kuchipereka chiŵande chakuwoneke ndi mpasku wa ufwa wa nyengo zose, sembe yakocha ya nyengo zose, masabata, kuŵalika kwa mwezi, madghera ghadutemeka, vinthu vyakupaturika, ndi sembe zapa ulakwi, kuchitiya Yisraele mphepeska, ndi ku nchitu ya nyumba yaku Chiuta widu.

Nehemiya 10:34

Ndipo tinguchita mphenduzga pa ŵazukuru, ŵaLevi, ndi pa ŵanthu kwachichita sembe ya nkhuni, kuza nayo mu nyumba yaku Chiuta, mwenimo zikuŵiya nyumba za auskefwe, pa nyengo zakutemeka, chirimika ndi chirimika, kuzachocha pa jochero la sembe la Ambuya Chiuta widu, kwakuyana ndimo kukulembeke mu dangu.

Chituwa 25:30

Ndipo mukaŵikanga chiŵandi chakuŵapo pa gome paurongo pangu nyengo zose.

Chituwa 39:36

gome ndi viyaŵi vyake vyose, ndi chiŵandi cha kuŵapo;

Chituwa 40:23

ndipo wanguŵikapo chiŵandi paku lo mwakwene paurongo pa Ambuya; uli ndimo Ambuya angulanguliya Mosese.

Chituwa 40:4

Ndipo mukaserezgangamo gome, ndi kuyalika umampha; ndipo mukaserezganga chakuŵikapo nyali, ndi kuŵikapo nyali zake.

Maŵerengedu 4:7

Ndipo pa gome la viŵande vya pamaso paku Chiuta ŵatandikengepo saru ya bulu, ndi kujarikapo zimbali, ndelema za kochapo chema, twabalasuma, ndi nkhombo zakupereke vyakumwa; viŵande vya mazuŵa ghose navyo viŵenge penipo;

Mateyu 12:4

mo wanguserere mu nyumba yaku Chiuta, ndi kurgha viŵandi vyakujarikika, vyenivyo kuti kungwenere iyo cha kurgha, chingana mbeniwo ŵenga nayo, kweni ŵazukuru pe ŵija?

Machitidu gha Ŵakutumika 26:7

kwaku lenilo mafuku ghidu chumi ndi ghaŵi (12) ghagomezga kufikapo, nge ndimo watakatakiya usiku ndi msana. Ndipo pa chigomezgu chenichi ndi pachika ndi ŵaYuda, aKaronga.

ŴaHebere 9:2

Chifukwa chingurongosoleka chihema, chakubwaro cho, mwenimo mwenga chikoleru-nyali cho, ndi gome lo, ndi viŵande vyo vyasembe; ndicho chizumbulika Malo Ghakupaturika.

Yakobe 1:1

Kalata wakutuwa kwaku Yakobe, mteŵeti waku Chiuta ndi wa Mbuya Yesu Kristu, ku mafuku gho chumi ndi ghaŵi gha kuchapariya, moni.

1 Samuele 21:6

Viyo mzukuru wangumpaska chiŵande chakupaturika; pakuti chiŵande chinyake pengavi kweni chiŵande cha pa maso, cho chatuzgika paurongo pa Ambuya, kuti chisinthane ndi chakocha sono pa zuŵa lo ŵatuzgiyapo chinyake.

1 Samuele 21:7

Sono munthu munyake wa ŵateŵeti ŵaku Sauli wenga penipa zuŵa liya, kumulindika paurongo pa Ambuya; zina lake lenga Doege waku Edomu nduna ya ŵaliska ŵa vyakuŵeta vyaku Sauli.