ŴaLevi 23:8 - Tonga Bible 1986

⁸ kweni mukaperekanga sembe yapa moto ku Ambuya mazuŵa ghankhonde ndi ghaŵi: pa zuŵa la chinkhonde ndi chiŵi mbunganu wakusopa, kuti mukachitanga nchitu yizitu cha.”

ŴaLevi 23:8 Iomraidhean Croise

Chituwa 12:16

Pa zuŵa lakudanga mukaŵanga ndi ungano wakupaturika, ndi pa zuŵa la chinkhonde ndi chiŵi ungano wakupaturika; palivi mlimu wo ukachitikanga pa mazuŵa gho; kweni chenicho we yose watenere kurgha, chenicho pe mungaziŵa kuchirongoso imwe.

Chituwa 13:6

Mazuŵa ghankhonde ndi ghaŵi mukarghanga chiŵande chambura mtupu, ndipo pa zuŵa la chinkhonde ndi chiŵi kukaŵanga dghera laku Ambuya.

Ezekiele 45:23

Ndipo pa zuŵa la chinkhonde ndi chiŵi la dghera, wakaperekanga nkhuzi nkhonde ndi ziŵi zampupuka zambura kalema, ndi ŵabira ŵankhonde ndi ŵaŵi ŵambura kalema, zuŵa ndi zuŵa mu mazuŵa ghankhonde ndi ghaŵi, nge ndi mpasku wakocha ku Ambuya; ndi chiphongo chimoza zuŵa ndi zuŵa nge ndi mpasku wapa ulakwi.

ŴaLevi 23:7

Pa zuŵa lakudanga mukawungananga ndi kusopa, kuti mukachitanga nchitu yikuru cha,

ŴaLevi 23:9

Ndipo Ambuya anguti kwaku Mosese,

Maŵerengedu 28:18

Pa zuŵa la kudanga pakaŵanga ungano wakupaturika: mureke kuchita nchitu ya mazuŵa ghose,

Maŵerengedu 28:25

Ndipo pa zuŵa la chinkhonde ndi chiŵi mukaŵanga ndi unganu wakupaturika; mungachitanga nchitu ya mazuŵa ghose cha.

Maŵerengedu 28:26

“Pa zuŵa la vipasi vyakudanga, po mupereka mpasku wa ufwa wa mbeu yifya ku Ambuya pa madghera ghinu gha masabata, mukaŵanga ndi unganu wakupaturika; mungachitanga nchitu ya mazuŵa ghose cha.

Marangu 16:8

Mu mazuŵa ghankhonde ndi limoza mukarghanga chiŵande chambura mtupu ndipo pa zuŵa la chinkhonde ndi chiŵi kukaŵanga ungano wakupaturika wa Ambuya Chiuta winu; mungachitanga mlimu cha mwaku lo.