ŴaLevi 23:2 - Tonga Bible 1986

² “Kamba ku ŵaYisraele, kuti, Madghera ghakulangurika ndi Ambuya gho mukamemezanga, ndi maungano ghakupaturika, madghera ghangu ghakulangurika ndi yagha:

ŴaLevi 23:2 Iomraidhean Croise

2 ŴaKaronga 10:20

Ndipo Yehu wangulangula, “Tozgani unganu wakutemeka waku Bala.” Viyo ŵanguwumemaza.

1 Mikoka 23:31

ndipo pepose po sembe yakocha yiperekeka ku Ambuya pa masabata, mu maliŵali, ndi mu mazuŵa gha madghera, kwakulingana ndi unandi waku vyo vinkhumbikwa rutaruta pa maso pa Ambuya.

2 Mikoka 2:3

Solomoni wangutuma mazu kwaku Hiramu, karonga waku Turo kuti, “Nge ndimo munguchitiya ndi Davidi ada ndi kuŵatumiya miti ya milanji yakuzenge myumba yawo yakujamo, viyo ndimo muchitiye ndi ine.

2 Mikoka 30:5

Viyo ŵangukhozga fundu kumemeza mu Yisraele yose, kutuwa ku beresheba kufika ku Dani, kuti ŵanthu ŵaze ndi ŵazachichitiya phaska Ambuya, Chiuta waku Yisraele ku Yerusalemu pakuti ŵengavi kulichita pa mzinda ukuru nge ndimo likulangulikiya.

Ezra 3:5

Pavuli pake, ŵaperekanga sembe zakocha rutaruta, za myezi yifya, ndi madghera ghose gho Chiuta wakughapatuwa ndi vyawanangwa vya munthu yose vyo waperekanga kwaku Chiuta.

Sumu 81:3

Mbani mbata pa nyengo ya dghera; pa zuŵa la mwezi ufya, ndi pa baraŵara.

Chituwa 32:5

Penipo Aroni wanguwona ichi, wanguzenga jochero la sembe paurongo paku lo; ndipo Aroni wangumemeza ndi wanguti, “La mawa kukaŵanga dghera la Ambuya.”

Yesaya 33:20

Lereska pa Zioni muzi wakurghiyapo madghera ghakutemeka! Maso ghinu ghakawonanga Yerusalemu, malo ghakujamo gha chisisi, chihema chambura manderezgeka, cho mphandu zake kuti zikazulikanga cha, chingana nkhuti vingwe vyake vidomoke nako cha.

Chitenje 1:4

Miseu yakuya ku Zioni yitenje, pakuti palivi nanga njumoza wakuza ku madghera ghakutemeka; malikomo ghake ghose ghemu uyiku, ŵazukuru ŵake ŵatamantha; ŵamwali ŵake ŵanguguzikiya kutali, ndipo iwo ŵeneko ŵakomwa kwakuŵaŵa.

Ezekiele 44:24

Asani pe kususkana iwo ŵakaŵanga ŵeruzgi, ŵeruzgenge kwakulingana ndi cheruzgu changu. Ŵakasunganga marangu ghangu ndi virunguchizgu vyangu mu madghera ghangu ghose ghakutemeka, ndipo ŵasungenge ghatuŵa masabata ghangu.

Hoseya 2:11

Ndipo nkhalekeskanga kukondwa kwake kose; madghera ghake, myezi yake yifya, ŵasabata ŵake, ndi madghera ghake ghose ghakunozgeka.

Yoele 1:14

Patuwani zuŵa lakufunga kurgha mudane unganu wakupaturika. Unjikani ŵaraŵara ndi ŵakuja mu charu wose mu nyumba ya Ambuya Chiuta winu; ndi muliliye ku Ambuya.

Yoele 2:15

Mbani mbata mu Zioni; patuwani zuŵa la kufunga kurgha; danani unganu wakupaturika;

ŴaLevi 23:1

Ambuya anguti kwaku Mosese,

ŴaLevi 23:21

Ndipo zuŵa lenilo mukamemezanga ungano wakupaturika; kuti mukachitanga nchitu yanthazi cha. Ili ndilangulu muyaya mu malo ghinu ghakujamo mu migonezi yinu yose.

ŴaLevi 23:37

“Yagha ndigho madghera ghakutemeka gha Ambuya, gho mukamemezanga pa zinyengo za maungano ghakupaturika ghakuperekiyapo ku Ambuya sembe zapa moto, sembe zakocha ndi sembe za ufwa, sembe ndi mipasku ya kumwa, dghera lose pa zuwa lake ndi lake lakutemeka;

ŴaLevi 23:4

“Yagha ndigho madghera ghakulangurika gha Ambuya, kuwungana ndi kusopa kwakupaturika, gho mukamemezanga pa nyengo yake yakutemeka.

ŴaLevi 23:44

Viyo ndimo Mosese wangutauliya ku ŵaYisraele za madghera ghakutemeka gha Ambuya.

Nahumu 1:15

Wona, pa mapiri marundi ghaku yo watuza ndi uthenga wamampha, yo wawandiska chimangu! Sunga madghera ghako, Yuda, fiska marapu ghako, chifukwa wazenge so cha muheni kumikana nawe, wamalizgike teteti.

Maŵerengedu 10:10

Ndipo so mu zuŵa linu lalikondwa, ndi pa madghera ghakutemeka, ndi pa kwamba kwa myezi yinu, mukambanga zimbata pa mipasku yinu yakocha ndi pa sembe zinu za mipasku ya chimangu; vikuŵiyeni chikumbusku paurongo pa Ambuya: Ine ndine Ambuya Chiuta winu.”

Maŵerengedu 29:39

“Ivi ndivyo mukaperekanga ku Ambuya pa nyengo zakutemeka za madghera ghinu, pamoza ndi mipasku yinu ya marapu ndi mipasku yinu ya wanangwa, vya mipasku yinu yakocha, ndi ya ufwa, ndi ya vyakumwa, ndi mipasku yinu ya chimangu.”

Yohane 5:1

Pavuli paku ichi kwenga dghera la ŵaYuda; ndipo Yesu wanguruta ku Yerusalemu.

ŴaKolose 2:1

Chifukwa ndikhumba muziŵe mlimbalimba weni ukuru wo nde nawo chifukwa chinu, ndi chifukwa chaku wo ŵamu Laodikea, ndi chifukwa chaku wo wose ŵalive kuwona chisku changu,

ŴaKolose 2:16

Viyo wareke munthu kumweruzgiyani kuchiri ku kurgha, pamwenga kukumwa, pamwenga ku dghera, pamwenga ku mwezi ufya, pamwenga ku masabata.