ŴaLevi 22:8 - Tonga Bible 1986

⁸ Cho nchakufwa chija pamwenga chakupalurika ndi vikoko wangarghanga cha, kujikazuzga nacho: Ndine Ambuya.’

ŴaLevi 22:8 Iomraidhean Croise

Chituwa 22:30

Ng'ombe zako nazo ukachitanga kwakukozganga ndi mberere nazo viyo pe; mazuŵa ghankhonde ndi ghaŵi yikaŵanga ndi nyina; pa zuŵa la chinkhonde ndi chitatu ukayipaskanga kwaku ine.

Chituwa 22:31

“Mukaŵanga ŵanthu ŵakupaturikiya ine; chifukwa cho kuti mukarghanga nyama yakuparurika ndi chikoko cha mu dondo cha, muyitayiyenge ŵagaru.

Ezekiele 4:14

Ine ndinguti, “A, Ambuya Chiuta! Aawonani, ndilivi kujikazuzgapo kutuwa ku wana wangu mpaka kuno ku sono kuti ndarghapo chakufwa chija cha, pamwenga chakuthwazurika ndi vinyama, nanga ndi nyama yakuvunda kuti ndayesa mu mlomo wangu cha.”

Ezekiele 44:31

Ŵazukuru ŵareke kurgha chinthu chose, kaya nchiyuni pamwenga nyama, cho chachita kufwa chija pamwenga kuthwazurika.

ŴaLevi 17:15

Ndipo munthu yose yo wakarghanga chakufwa chija; pamwenga cho chabayika ndi vikoko manyi yo munthu ndi mwenicharu pamwenga ndi mwendathowa wakachapanga vivwaru vyake wakasambanga mu maji, ndi kuŵa wakunguzgika mpaka mazulo; pavuli wakatozgekanga.

ŴaLevi 7:24

Mafuta cha chinyama chakufwa chija, ndi mafuta ghaku cho chapalurika ndi vikoko, muchiti nagho mlimu we wose kweni mureke kughargha.

Marangu 14:21

“Mungarghanga cha kanthu kose ko kafwa kija. Mukapaske ku mlendo yo wemu mizi yinu, kuti warghe, pamwenga muguliske ku ŵalendo; pakuti imwe ndimwe ŵanthu ŵakupaturika ku Ambuya Chiuta winu. Mungabikanga mwana wa mbuzi mu mkaka wa nyina.