ŴaLevi 21:9 - Tonga Bible 1986

⁹ Ndipo mwana munthukazi wa mzukuru we yose, asani wakajikazuzganga pakuchita ureŵi wakazuzga awiske; yo wakawochekanga ndi moto.

ŴaLevi 21:9 Iomraidhean Croise

Chiyambo 38:24

Akhumba pavuli pa myezi yitatu Yuda ŵangumunene, “Tamara, mukumwana wako wachita ureŵi; ndipo so wazuwuka mu ureŵi wake.” Ndipo Yuda wanguti, “Mutuzgiyeni kubwalo, ndipo wawocheke.”

Chituwa 31:14

Mukasunganga sabata, chifukwa ndakulanguliyani kuti ndakupaturika, we yose wakulikazuzga wakabayikanga; we yose wakuchita mlimu mwaku lo, wakadumulikangako ku ŵanthu ŵake.

Yesaya 33:14

Ŵakulakwa mu Zioni ŵatopa; kunjenjeme kwakunga ŵambura uchiuta: “Njani mukati mwidu yo wangaja pamoza ndi moto wakocha? Njani mukati mwidu yo wangaja pamoza ndi kunyeka kwa muyaya?”

Ezekiele 9:6

kosoni ŵanthu, ŵara, ŵanyamata, ŵamwali, ŵana ndi ŵanthukazi, kweni rekani kukwaska nanga njumoza wa ŵakuŵa ndi chisimikizgu wo. Ndipo mwambe pa malo ghangu ghakupaturika.” Viyo ŵangwamba pa ŵaraŵara wo ŵenga pa khomo la nyumba.

ŴaLevi 19:29

“Mungawozganga mwana winu munthukazi ndi uhuli cha, vinu charu chingasanduka chireŵi, ndi chingazaza utimbanizi.

ŴaLevi 20:14

Asari munthu wato muwoli wake kusazgapo so nyina wa munthukazi; mbutimbanizi wawocheke ndi moto, munthurumi ndi ŵanthukazi wo alinga kuti muwulevi utimbanizi mukati mwinu.

Malaki 2:3

Ehe, nkhachenyanga mphapu yinu, ndi kupaka ulambwe pa visku vinu, ndipo ndimutuzgeningipo pa maso pangu.

Marangu 22:21

po ndipo wakatolenga mwali yo ku khomo la nyumba ya wiske. Ndipo ŵanthurumi ŵamu msumba wake ŵakamudinanga ndi mya mpaka wafwe, chifukwa wachita cha lilengu mu Yisraele pakuchita ureŵi mu nyumba ya wiske. Viyo mukapeyanga uheni mukati mwinu.

Tito 1:6

asani munthu ngwambura masumulika, mrumi wa munthukazi yumoza, wakuŵa ndi ŵana ŵakuvwana, oŵakusumulika utayisi pamwenga uzira uthera cha.

Yoswa 7:15

Ndipo yo wakakorekanga ndi vinthu vyakukanizgika wakawochekanga ndi moto, iyo mweneko pamoza ndi vyose vyo wenavyo, chifukwa waswa phanganu la Ambuya, ndi chifukwa chakuti wachita chinthu chachilengesku mu Yisraele.’ ”

Yoswa 7:25

Yoswa wanguti, “Chifukwa nchine ungutitore suzgu ifwe? Ambuya atore suzgu paku iwe zuŵa lino.” Ndipo ŵaYisraele wose ŵanguŵadina ndi mya ndi kuŵawocha ndi moto,

1 Samuele 2:17

Chifukwa ichi uheni wa ŵanyamata yaŵa wenga ukuru mu maso gha Ambuya, pakuti ŵangupereka sembe ya Ambuya munthowa yambura kwenere.

1 Samuele 2:34

Ndipo chinthu cho chikaŵiyanga ŵana ŵako ŵaŵi, Hofini ndi Finehasi, chikaŵanga chisimikizgu kwaku iwe: wose ŵaŵi ŵakafwanga zuŵa limoza.