ŴaLevi 21:5 - Tonga Bible 1986

⁵ Wareke kumeta chimbembezuli pa mutu yawo, chingana nkhumetere kurwandi myembe yawo, chingana nkhutema simbo ya maliŵavu ghawo.

ŴaLevi 21:5 Iomraidhean Croise

Yesaya 15:2

Ŵanthu ŵaku Diboni ŵakwere ku malo gha visopo kwachitenje, paku Nebo ndi paku Medeba, Moabu watenje. Pa mutu wose pe phara, mwembe wose wameteka,

Yesaya 22:12

Mu zuŵa liya Ambuya Chiuta wa maŵanja wangulangula kuliya ndi kutenje, kumeta maphara ndi kuvwara vigudulu;

Yeremiya 16:6

Wose ŵara ndi ŵamana ŵakafwiyanga mu charu ichi; kuti ŵakaŵikikanga cha, ndipo paulengevi yumoza wakuŵatenje nanga nkhujicheka pamwenga kumeta phala chifukwa chawo.

Yeremiya 48:37

“Pakuti mutu wose wasengeka ndi mwembe wose wameteka; pa manja ghose pa temekatemeka ndipo mu viunu mwe vigudulu.

Ezekiele 44:20

Ŵareke kumeta mitu yawo pamwenga kuzomerezga sisi lawo kuti likuwe lisikiyenge mukhosi; kweni walimangenge ŵaka.

Ezekiele 5:1

“Ndipo iwe, mwana wa munthu, uto lipanga lakuthwa; ulichite nge ndi lwembe lakumete lijumphiske pachanya pa mutu wako ndi pa mwembe wako; ndipo uto chakupimiya uzitu, upatuwe sisi.

ŴaLevi 10:6

Mosese wanguti kwaku Aroni ndi Eleazara ndi Itamara ŵana ŵake, “Mungafwatuwanga sisi la mitu yinu cha, ndipo mungaparuwanga saru zinu cha, vinu mungafwa, ndi vinu ukari ungaza pa mpingu wose; kweni ŵana ŵanyinu, wose ŵamu nyumba yaku Yisraele, ŵatenjere pa moto wo Ambuya akozga.

ŴaLevi 21:4

Wareke kujikazuzga pakuŵa murumi mukati mu ŵanthu ŵake, kujikazuzga mwa viyo.

Amosi 8:10

Ndisanduskenge madghera ghinu kuŵa chitenje, ndi sumu zinu zose kuŵa chitenje; ndivwalikenge viwunu vinu vyose ndi vigudulu, ndi phara pa mutu wose; nkhachichitanga nge nchitenje chapa mwana yumoza pe munthurumi, ndi umari wake nge ndi zuŵa la urwirwi.

Mika 1:16

Mujimete phara ndimusunge sisi linu, chifukwa cha ŵana ŵinu wo mukondwa nawo; mujimete phara nge ndi nkhwazi chifukwa ŵatuwengeko kwaku imwe kuya ku uŵanda.

Marangu 14:1

“Ndimwe ŵana ŵa Ambuya Chiuta winu, mungajitemanga, pamwenga kumeta mupara pa maso pinu chifukwa cha ŵakufwa.