ŴaLevi 21:10 - Tonga Bible 1986

¹⁰ “Mzukuru yo ndi mura pa ŵabali ŵake, yo pa mutu pake pakudirika mafuta ghakupaka kumupatuwa, yo wakupaturikiya kuvwara vivwaro, wakafwatuwanga sisi laku mutu wake cha, pamwenga kuparuwa vivwaro vyake;

ŴaLevi 21:10 Iomraidhean Croise

Chiyambo 37:34

Sono Yakobe wanguparuwa vyakuvwara vyake ndi wanguvwala vigudulu mu chiunu mwake, ndipo wangutenjere mwana wake mazuŵa ghanandi.

2 Samuele 15:30

Kweni Davidi wangukwera mu phiri la ma Olive, uku waliya masozi wachenda, wambura skapato ku marundi wangufuka mutu wake; ndipo ŵanthu wose wo ŵanguŵa nayo pamoza ŵangufuka mitu yawo, ŵaliyanga uku ŵakwera.

Estere 6:12

Ndipo Mordikayi wanguza so ku likomo la karonga. Kweni Hamani wangutinthimika kuruta ku nyumba yake wakuliya ndi wakuvunikiriya mutu wake.

Jobu 1:20

Penipo Jobu wangusoka ndi wanguparuwa munjirira wake ndi wangumeta sisi la mutu wake, ndi kuwa pasi ndi kuromba,

Sumu 133:2

Kwenga ndi mafuta ghakuzirwa pa mutughakusikiya pa mwembe, mwembe waku Aroni; gha kusikiya mu mkanu wa maraya ghake.

Chituwa 29:7

Ndipo mukatonga mafuta ghakupakiya, ndi mukaghadiranga pa mutu wake ndi kumupaka.

Ezekiele 24:17

Fwifwinthiya, kweni kwakuvwika cha; kuchita kutenjere wakufwa cha. Manga chilemba chako, vwara viyato vyako; ungajaranga milomo yako cha, nanga nkhurgha chiŵande cha ŵakutenje.”

ŴaLevi 13:45

“Yo we ndi nthenda ya makhate wavwarenge malizwazwa, sisi laku mutu wake liŵenge lambura kumanga, ndipo wabenekeriyenge mlomo wake wanena, ndi kukambura kuti, ‘Wambura kutozgeka, wambura kutozgeka’;

ŴaLevi 16:32

Ndipo mzukuru yo wapakika ndi kupaturiskikiya ku uzukuru mu malo gha awiske, ndiyo wakachitanga mphepeska, wakavwaranga vivwaro vya bafuta vyakupaturika,

ŴaLevi 4:3

asani ndi mzukuru wakupakika mafuta, mweniyo walakwa pakuti watole vyo vyakususkika pa ŵanthu, iku wapereke ku Ambuya kankhuzi kampupuka kambura kalema chifukwa chakulakwa kwake kuŵa mpasku wapa ulakwi.

ŴaLevi 8:12

Ndipo wangudira mafuta ghanyake pa mutu waku Aroni kumupaka ndi kumupatuwa.

Maŵerengedu 35:25

ndipo wumba ukataskanga mubaya munthu yo mu janja laku muwezge nduzga ndopa, ndipo wumba umuwezgiyenge ku muzi wake wakupozomokiyamo, ko wangathaŵiya, ndipo wakajanga mwenimuwa mpaka penipo mzukuru mura yo wangupakika ndi mafuta ghakupaturika wafwa.

Maŵerengedu 6:7

Wareke kujikazuzga chifukwa cha awiske manyi mba nyina, manyi ndi mwana munyake, pamwenga mzichi asani wafwa, chifukwa kujipaturiya kwaku Chiuta kwe pa mutu wake.

Mateyu 26:65

Sono mzukuru mura wanguparuwa minjirira yake, wakuti, “Watokota: na, tikavukiyanji so ŵakaboni ŵanyake? Awonani, mwavwa kutokota kwake?