ŴaLevi 20:8 - Tonga Bible 1986

⁸ Sungani malangulu ghangu ndipo mughachitenge. Ndine Ambuya mweniyo watukupatuwani pa kumutoweskani.

ŴaLevi 20:8 Iomraidhean Croise

Chituwa 31:13

“Ukambe ku ŵaYisraele, ‘Mukasunganga masabata ghangu, pakuti ichi nchisimikizgu pakati pangu ndi imwe, mu migonezi yinu yose, alinga kuti muziŵe kuti ine, Mbuya nditumupatuwani.

Ezekiele 20:12

Ndipo so ndinguŵapaska masabata ghangu, nge nchisimikizgu pakati paku ine ndi iwo, mwakuti ŵaziŵe kuti ine Ambuya ndaŵatoweska kuŵapatuwa.

Ezekiele 37:28

Sono penipo ndipo mitundu yikaziŵanga kuti ine Ambuya ndaphoto ndi kupatuwa Yisraele, po malo ghangu ghakupaturika ghaŵa mukati mwawo muyaya.”

ŴaLevi 19:19

“Musungenge malangulu ghangu. Mungazomerezganga ng'ombe zinu kwandana ndi ng'ombe za mitundu yinyake. Mungapandanga munda winu ndi za mitundu yiŵi cha; chingana nkhuti muvwarenge chakuvwara cha saru yakuŵa ndi mitundu yiŵi.

ŴaLevi 19:37

Ndipo musungenge malangulu ghangu ghose ndi vyeruzgu vyangu vyose, ndi kuvichita. Ndine Ambuya.”

ŴaLevi 20:26

Imwe mukaŵanga ŵakupaturika kwangu; pakuti ine Mbuyamwe nde wakupaturika ndipo ndakupatuwaniko ku mitundu ya ŵanthu, alinga kuti muŵenge ŵangu.

ŴaLevi 21:8

Mukamupatuwanga pakuti iyo wapereka chiŵande chaku Chiuta winu; kwaku imwe wakaŵanga wakupaturika, pakuti Ine mbuyamwe yo wapatuwa ndi kutoweska imwe, nde wakupaturika.

ŴaLevi 22:32

Mungakazuzganga zine langu lakupaturika cha, kweni ŵaYisraele ŵakandipatuwanga ine; Ine Ndine Ambuya wo atimupatuwani;

Mateyu 12:50

Chifukwa yose yo wachita khumbo la Ada ŵakuchanya mweniyo ndi mbali wangu, ndi mzichi ndi ama.”

Mateyu 23:17

Mwaŵakupusa ndi ŵachiburumutiya chifukwa ndi nichi chikuru, golide, pamwenga kasopi yo wapatuliska golide lo?

Mateyu 5:19

Viyo yose yo wangaswa kamoza ka marangu yagha ghamanako, ndipo wangasambizga ŵanthu viyo, wadanikenge mumanako ukongwa mu Ufumu wa kuchanya: kweni yose yo wangachita ndi wangasambizga gho, mweniyo wadanikenge mura mu Ufumu wa kuchanya.

Mateyu 7:24

“Viyo yose yo watuvwa mazu ghangu ghenagha, ndi waghachita, walinganizgikenge ku munthu wazeru, mweniyo wanguzenga nyumba yake pa jarawe:

Yohane 13:17

Asani muziŵa vyenivi, mwe ŵamwaŵi asani mutivichita.

1 ŴaKorinte 1:30

Mweniyo ndi funda ya umoyo winu mwaku Kristu Yesu, mweniyo Chiuta wamuchita kuŵa vinjeru vidu, urunji widu, utozi widu ndi uwombozi widu;

1 ŴaTesalonika 5:23

Ndipo mweneko Chiuta wa chimangu wakuphotoni kosekose; ndipo mzimu winu ndi vinjeru vinu ndi liŵavu visungike vizirima, kwambura kalema pa chiwoneka cha Ambuyafwe Yesu Kristu.

2 ŴaTesalonika 2:13

Kweni titenere ifwe kumwonga Chiuta nyengo zose pa chifukwa chinu, mwa ŵabali ŵakwanjika ndi Mbuya, pakuti Chiuta wakumusankhani pa mteneku kuti mutaskike, mukuphotoreka ndi Mzimu ndi mu chivwanu chamu uneneska.

Yakobe 1:22

Ndipo muŵe ŵakuchita mazu, ndi ŵakughavwa pe cha, ndi kujifuvya.

Chivumbuzi 22:14

Mbakutumbikika wo ŵasuka minjirira yawo, viyo kuti ŵaŵenge ndi mtufu pa muti wo wa umoyo, ndi kuti pamalikomo ŵaserenge kuya mu msumba wo.