ŴaLevi 20:3 - Tonga Bible 1986

³ Ine ndamweni ndikarwananga nayo ndipo ndikamudumuwangako ku ŵanthu ŵake, chifukwa wapereka yumoza wa ŵana ŵake kwaku Moleke kufipiska nyumba yangu yakupaturika, ndi kunanga zina langu lakupaturika.

ŴaLevi 20:3 Iomraidhean Croise

Chituwa 30:33

We yose wakuchita ghe ghose kukozganiskana nagho pamwenga we yose yo wakaŵikanga ghanyake gha mafuta yagha pa wakubwalo wakadumulikangako ku ŵanthu ŵake.’ ”

Ezekiele 20:39

“Kwaku imwe, nyumba yaku Yisraele, Ambuya Chiuta watiti, Rutani yumoza ndi yumoza waku imwe watakatakiye ŵangoza ŵake, sono ndi kunthazi viyo, asani mukarekanga kundivwiya; ipo lireke kukazuzgika zina langulituŵa ndi vyawanangwa vinu ndi ŵangoza ŵinu.

Ezekiele 5:11

Viyo, mo ndiliri wamoyo, atiti Ambuya Chiuta, kwakuneneska, pakuti mwakazuzga malo ghangu ghakupaturika ndi vinthu vinu vyose vyakuchitiska soni ndi maunyakazi ghinu ghose, nadi ndikakudumuliyaninga pasi; jiso langu kuti lisiyengepo cha, ndikaŵangavi lisungu.

ŴaLevi 15:31

“Viyo ndimo mukaŵatuzgiyangako ŵaYisraele ku kukazuzgika kwawo vinu ŵangafwiya mu kuwura kutozgeka kwawo pakukazuzga chihema changu cho che mukati mwawo.”

ŴaLevi 17:10

“Asani munthu wa nyumba yaku Yisraele pamwenga ya ŵalendo ŵakutandara mukati mwawo waturgha ndopa ze zose, ndikamikananga nayo munthu yo, ndipo ndikamudumuwangako ku ŵanthu ŵake.

ŴaLevi 18:21

Ungaperekangapo nanga njimoza wa ŵana ŵako, kuŵapereka mu moto kwaku Moleke cha; ndi kuwozga zina laku Chiuta winu. Ndine Ambuya.

ŴaLevi 19:12

Mungarapanga ndi zina langu kwakupusika cha, kukazuzga zina laku Chiuta winu: Ndine Ambuya.

ŴaLevi 20:4

Ndipo asani ŵamu charu mo ŵakarekanga kumweruzga penipo wapereka yumoza wa ŵana ŵake kwaku Moleke ndipo kuti ŵantumubaya cha,

ŴaLevi 21:6

Ŵakaŵanga ŵakupaturika kwaku Chiuta wawo, kweni kukazuzga zina laku Chiuta wawo cha; pakuti iwo ŵapereka sembe zapa moto ku Ambuya, chiŵande chaku Chiuta wawo; chifukwa cho ŵakaŵanga ŵakupaturika.

ŴaLevi 7:20

wose wo mbakuphotoka ŵangargha nyama; kweni munthu yo ngwambura kuphotoka asani wargha nyama ya sembe yakuperekeke chifukwa cha chimangu cha Ambuya, muthu yo wakadumulikangako ku ŵanthu ŵake.

ŴaLevi 7:21

Ndipo asani we yose wakwaska chinthu chamwikhu, manyi nchamwikhu cho chituwa ku munthu pamwenga kuchinyama pamwenga ku ukazuzi we wose, sono waturgha so nyama ya sembe yakuperekeke chimangu ku Ambuya, munthu yo wakadumulikangako ku ŵanthu ŵake.”

Maŵerengedu 19:13

Yose wakukwaska chiŵanda, thupi la munthu wakufwa, ndipo wareka kujitozga, wakazuzga chihema chakupaturika cha Ambuya, munthu wa viyo wadumlikemo mu ŵaYisraele; chifukwa maji ghakuphotole ghengavi kuwazgika paku iyo, ngwambura kutozgeka, kureka kutozgeka kwake kukamujaliriyanga.

Maŵerengedu 19:20

“Kweni munthu yo wambura kuphotoka ndi kuti watijiphoto cha, munthu wa viyo wadumulikemo mukati mu unganu, chifukwa wakazuzga nyumba yakupaturika ya Ambuya; pakuti maji ghakuphotole ghalivi kuwazgike paku iyo, ngwakunguzgika.

2 ŴaKorinte 6:16

Ndipo ndine yanu lapa kasopi waku Chiuta ndi vyangoza? Chifukwa ndifwe kasopi waku Chiuta wamoyo; nge ndimo Chiuta wanene, “Nkhajariyanga mwaku wo, ndipo nkhendeyanga mwaku wo, ndipo nkhaŵanga Chiuta wawo, ndipo iwo ŵakaŵanga khamu langu.

1 Petro 3:12

Pakuti maso gha Mbuya ghe pa ŵarunji, ndi makutu ghake ku niniziku lawo; kweni chisku cha Mbuya chimikana ndi ŵakuchita uheni.”