ŴaLevi 2:16 - Tonga Bible 1986

¹⁶ Ndipo mzukuru wakawochanga kuŵa phande la mbeu yakuponda, ndi mafuta ndi vyachema vyose kuŵa chikumbusku cha kupereka mpasku wapa moto ku Ambuya.”

ŴaLevi 2:16 Iomraidhean Croise

Sumu 141:2

Rondeni rombu langu nge nchakusunkhizga paurongo pinu, ndi kusoska kwa manja ghangu ngendi sembe ya mazulo.

Yesaya 61:1

Mzimu wa Ambuya Chiuta wa paku ine, chifukwa Ambuya andipaka ine kutole makani ghamampha mu ŵakuyuzgika; andituma kwachimanga ŵakusweka mtima, kumemeza chifwatuwa ku ŵamagoŵa, ndi kujurika kwa nyumba ya magoŵa kwaku wo ŵakumangika;

ŴaLevi 1:9

kweni vya mukati mwake ndi marundi ghake ŵakasukanga ndi maji. Ndipo mzukuru wakawochanga vyose pa jochero kuŵa mpasku wakocha, mpasku wakupereka wapa moto, fungu lakukondweska Ambuya.

ŴaLevi 2:12

Mpasku wa vipasi vyakudanga, mukaperekanga ku Ambuya; kweni kuti vikaperekekanga pa jochero cha, kuŵa fungu lakukondweska.

ŴaLevi 2:14

“Asani mupereka mpasku wa mbeu zinu zakudanga ku Ambuya, mukaperekanga mbeu zakupanda zifya za masoyo gha sono zakumizgika ndi moto.

ŴaLevi 2:15

Ndipo mukaŵikangapo mafuta ndi kulalikapo vya chema pachanya pake; ndi mpasku wa ufwa.

ŴaLevi 2:9

Ndipo mzukuru wakatongako ku mpasku wa ufwa phande lake la chikumbusku ndi wakaliwochanga pa jochero, mpasku wapa moto, wa fungu lakukondweska Ambuya.

ŴaHebere 5:7

Mweniyo mu mazuŵa ghake ghaliŵavu, wanguti wapereke, ndi Mubobotu wanthazi ndi masozi, maniniziku, maŵeyerero, kwaku yo wenga ndi nthazi kumtaska kunyifwa, ndipo wanguvwika pa chifwa cha uwopa Chiuta wake.