ŴaLevi 19:3 - Tonga Bible 1986

³ Munthu yose waku imwe watumbike nyina ndi wiske, ndipo musungenge masabata ghangu. Ndine Ambuya Chiuta winu.

ŴaLevi 19:3 Iomraidhean Croise

Chiyambo 48:12

Sono Yosefe wanguŵatuzgapo pa makongono ghake, ndipo wangukotama kurazga chisku chake pasi.

Nehemiya 9:14

ndipo munguŵaziŵiska sabata linu lakupaturika ndi munguŵalamuliya malamulu ndi vyeruzgu ndi dangu mu mteŵeti winu Mosese.

Chituwa 16:29

Wonani! Ambuya akupaskani Sabata lo, chifukwa cho pa zuŵa la chinkhonde ndi chimoza atukupaskani chiŵandi cha mazuŵa ghaŵi; we yose waku imwe waje mu malo ghake, paulevi munthu watuwepo pa zuŵa la chinkhonde ndi chiŵi.”

Chituwa 20:12

“Tumbika ausu ndi anyoko, kuti mazuŵa ghako ghaŵenge ghanandi pa charu cho Ambuya Chiuta wako watukupaska.

Chituwa 20:8

“Kumbuka zuŵa la sabata kulisunga lakupaturika.

Chituwa 21:15

“We yose wakukoso awiske pamwenga anyina, wabayikenge.

Chituwa 21:17

“We yose wakutemba awiske pamwenga anyina, wabayikenge.

Nthanthi 1:8

Yivwa wa mwana wangu chisambizgu cha ausu; ndipo ungakananga kusambizga kwa anyoko;

Nthanthi 23:22

Tegherezga ku usu mweniyo wangukupapa, ndipo reka kunyoza nyoko penipo wakota.

Nthanthi 30:11

Ŵalipo ŵeniwo ŵatemba auskeu, ndi kuti ŵatumbika ŵanyinawo cha.

Nthanthi 30:17

Jiso lenilo liyeya awiske ndi kutukana kuvwiya anyina, likatondorekanga ndi ŵakaholi ŵamu dambo ndi kurghika ndi makuŵi.

Yesaya 58:13

“Asani mukanizga rundi linu kusabata, kutuwako kukuchita vyakumukondweskani mu zuŵa langu lakupaturika, kudana sabata zuŵa lakukondweska ndi zuŵa lakupaturika la Ambuya kuŵa lakutumbikika; asani mutilitumbika, ndi kureka kwenda mu nthowa zapa mtima winu, pamwenga kupenja vya pa mtima winu vyakumkondweskani, pamwenga kurongoro vyaukata;

Ezekiele 20:12

Ndipo so ndinguŵapaska masabata ghangu, nge nchisimikizgu pakati paku ine ndi iwo, mwakuti ŵaziŵe kuti ine Ambuya ndaŵatoweska kuŵapatuwa.

ŴaLevi 11:44

Pakuti Ine nde Ambuya Chiuta winu; viyo mujipatuwe mwija, muŵe ŵatuŵa pakuti Ine nde mtuŵa. Mureke kujikazuzga ndi chinthu chose chakukwaŵa cho chikwaŵa pa charu chapasi.

ŴaLevi 19:25

Kweni mu chirimika cha chinkhonde murghenge vipasi vyawo, alinga kuti miti yimupasiyeninge vyakuzala: Ndine Ambuya Chiuta winu.

ŴaLevi 19:30

Mu sungenge masabata ndi kutumbika nyumba yangu: Ndine Ambuya.

ŴaLevi 19:31

Mungawombezanga pamwenga kuchita vyanusi, mungavipenjanga ivi cha vinu vingamukazuzgani: Ndine Chiuta winu.

ŴaLevi 19:34

Mlendo wakutandala namwe, wakaŵanga namwe uli ndi mweni charu, mukamwanjanga uli ndimo mutanjirana mwaŵeni. Pakuti imwe mwenga ŵalendo mu charu cha Egipiti. Ndine Ambuya.

ŴaLevi 23:3

Mazuŵa ghankhonde ndi limoza ghakuchitiya nchitu: kweni pa zuŵa la chinkhonde ndi chiŵi ndi sabata la chipumulu chakupaturika, kuwungana pamoza kusopa; kuti mukachitanga nchitu cha; ndi sabata ku Ambuya mu malo ghinu ghose ghakujamo.

ŴaLevi 26:2

Musungenge masabata ghangu ndi kutumbika malo ghangu ghakupaturika. Ndine Ambuya.

Malaki 1:6

“Mwana watumbika wiske, ndipo wanchitu watumbika mbuyake, viyo asani ine nde wiske, chepani chitumbiku chanu? Ndipo asani ndine mbuya wa nchitu, kopeka kwangu kwepani? atiti Ambuya ŵa maŵanja kwaku imwe, mwa ŵazukuru, imwe muyuyuwa zina langu. Mutiti, ‘Tiliyuyuwa uli zina linu?’

Marangu 27:16

“ ‘Watembeke yo wayuyuwa wiske pamwenga nyina.’ Ndipo ŵanthu wose wanenenge, ‘Ameni.’

Marangu 5:16

“ ‘Tumbika ausu ndi anyoko, nge ndimo Ambuya Chiuta wako wakukulanguliya, kuti mazuŵa ghako ghaŵenge ghanandi, kuti kukuŵiye umampha mu charu chenicho Ambuya Chiuta wako watikupaska.

ŴaHebere 12:9

Ndipo so, taŵanga nawo auskefwe ŵakuchiri ku liŵavu lidu, wo ŵangutilanga, ndipo taŵaphwerenga: asi ukongwa viŵi tikatheranga ku Tate wa ŵazimu, ndi kuŵa ndi umoyo?