ŴaLevi 19:12 - Tonga Bible 1986

¹² Mungarapanga ndi zina langu kwakupusika cha, kukazuzga zina laku Chiuta winu: Ndine Ambuya.

ŴaLevi 19:12 Iomraidhean Croise

Sumu 15:4

mweniyo ngwakuyeyeka mu maso ghake ndingwakuyuyulika, kweni watumbika wo ŵatopa Ambuya; wakujirapiya ku kusuzgika kweni kuti wasintha cha;

Chituwa 20:7

“Ungazumbuwanga sina la Ambuya Chiuta wako kwa ŵaka cha; pakuti Ambuya kuti akamurekanga wambura kalema cha yo wazumbuwa ŵaka zina la wo.

Yesaya 48:1

Ivwa ichi, wa nyumba yaku Yakobe we, imwe mudanika ndi zina laku Yisraele, ndi imwe mungutuwa mu viunu vyake Yuda, imwe murapa pa zina la Ambuya, ndi kuzomera Chiuta waku Yisraele, kweni mu uneneska pamwenga kwakurunjika cha.

Yeremiya 34:16

kweni pavuli mungugadabuka so ndi mungukazuzga zina langu, penipo we yose waku imwe wanguko so muŵanda wake munthurumi ndi munthukazi; ŵeniwo munguŵafwatuwa kwakuyana ndi kukhumba kwawo, ndipo munguŵawezga kuŵa ŵaŵanda ŵinu.

Yeremiya 4:2

ndipo asani mukarapanga, ‘Mo ŵajaliya Ambuya ŵamoyo,’ mu uneneska, mu urunji, ndi mu kunyoroka, sono ndipo mitundu yikatumbikikiyanga mwaku imwe, ndipo mwaku imwe yikatumbwiyanga.”

Yeremiya 5:2

Chingana ŵatiti, “Nge ndimo aliri amoyo Ambuya,” kweni ŵarapa kwakupusika.

Yeremiya 7:9

Kumbi mukabanga, mukabayanga, mukareŵanga, mukarapanga kwa utesi, mukawochiyanga Bala sembe, ndi kurondo ŵachiuta ŵanyake wo mulivi kuŵaziŵapo,

ŴaLevi 18:21

Ungaperekangapo nanga njimoza wa ŵana ŵako, kuŵapereka mu moto kwaku Moleke cha; ndi kuwozga zina laku Chiuta winu. Ndine Ambuya.

ŴaLevi 20:3

Ine ndamweni ndikarwananga nayo ndipo ndikamudumuwangako ku ŵanthu ŵake, chifukwa wapereka yumoza wa ŵana ŵake kwaku Moleke kufipiska nyumba yangu yakupaturika, ndi kunanga zina langu lakupaturika.

ŴaLevi 24:11

ndipo mwana wa munthukazi yo muYisraele wangusakaza zina la Ambuya ndi wangutemba. Viyo wanguza nayo kwaku Mosese. Zina la nyina wake lenga Shelomiti mwana munthukazi waku Dibri wa fuko laku Dani.

ŴaLevi 6:3

Pamwenga asani pakubowozga cho chingusoŵa ndipo iyo wakambiyapo utesi ndi kurapa kwakupusika, mu vinthu vyose vyo ŵanthu ŵachita ndi walakwa.

Zekariya 5:3

Ndipo wanguti kwaku ine, “Ili ndi thembo lakutuwiya pa chisku cha charu chose chapasi, chifukwa yose yo watuba wakadumulikanga, kwamba sono kwakuyana ndilo, ndipo yose yo warapa utesi wakadumulikangako sono kwakuyana ndilo.

Zekariya 5:4

Ndilitumizgenge, atiti Ambuya ŵa maŵanja, ndipo liserenge mu nyumba ya munkhungu, ndi mu nyumba yaku yo warapa utesi mu zina langu; ndipo lijenge mu nyumba yake ndi kuyimara, miti yake ndi mya yake pamoza.”

Malaki 3:5

“Viyo ndinderenge kufupi kwaku imwe kuzacheruzga, ndiŵenge kaboni wamwamphu kususka ŵakuwukwa, ŵareŵi, ndi ŵakurimbira kwautesi; ndi wo ŵapusika wanchitu mu malipilo ghake, choko ndi mranda wambura awiske; ndi wo ŵadika mlendo, ndi kureka kundopa ine, atiti Ambuya ŵa maŵanja.

Marangu 5:11

“ ‘Ungazumbuwanga waka zina la Ambuya Chiuta wako, chifukwa Chiuta wampimenge wambura kalema cha, yo wazumbuwa waka zina lake.

Yakobe 5:12

Kwakuruska vyose, mwa ŵabali, mungarapanga cha, chingana ndi kuchanya, chingana ndi charu, chingana ndi rapu lose lamwenga: kweni inya winu wawe inya mbwenu, ndi cha winu, cha; kuti mungawanga pasi pa cheruzgu cha.