ŴaLevi 16:2 - Tonga Bible 1986

² Ambuya anguti kwaku Mosese, “Umunene Aroni mwana munyako kuti wangazanga nyengo yose mu malo ghakupaturika cha wangaserenga kurutiliya chivwinkhu, kufika paurongo pa chitengo cha lisungu cho che pachanya pa bokosi la phanganu, vinu wangafwa; pakuti ndikawonekanga mu mtambo pachanya pa chitengo cha lisungu.

ŴaLevi 16:2 Iomraidhean Croise

1 ŴaKaronga 6:16

Wanguzenga mikono machumi ghaŵi (20) kuvuli kwa nyumba ndi mathabwa gha milanji kutuwa pasi kufika ku mapasu, ndipo wanguzenga ichi mukati nge ndi malo ghatuŵa, gha mukati ukongwa, nge ndi malo ghatuŵa kwakuruska.

1 ŴaKaronga 8:6

sono ŵazukuru ŵanguza ndi bokosi la phanganu la Ambuya ku malo ghake, mu malo ghakupaturika gha mukati ukongwa gha nyumba yo, mu malo ghatuŵa kwakuruska, kusi ku mapapa gha makerubi.

2 Mikoka 5:14

Viyo kuti ŵazukuru ŵanguziŵa kuma cha kuteŵeta chifukwa cha mtambo, pakuti unkhankhu wa Ambuya unguzaza nyumba yaku Chiuta.

Chituwa 30:10

Aroni wakapepeskanga pa masengwe ghake kamoza pa chirimika, ndi ndopa za mpasku wa uheni wa mphepeska wakapepeskiyanga wo kamoza mu chirimika mu migonezi yinu; nchakupaturika chakuruska ku Ambuya.”

ŴaLevi 16:13

ndi kuŵika vyakusunkhizga pa moto paurongo pa Ambuya alinga kuti mtambo wa vyakusunkhizga uvimbe chitengo cha lisungu, cho che pachanya pa bokosi la phanganu; vinu wangafwa

ŴaLevi 16:34

Ili likaŵanga langulu la muyaya kwaku imwe, kuti mphepeska yichitikiyenge pa ŵaYisraele chifukwa cha maulakwi ghawo ghose kamoza mu chirimika.” Ndipo Mosese wanguchita nge ndimo Ambuya angumulanguliya.

ŴaLevi 23:27

“Pa zuŵa la chumi la mwezi uwu wa chinkhonde ndi chiŵi ndi zuŵa la mphepeska; likaŵanga kwaku imwe nyengo yakuwunganirana kwakupaturika. Penipo mukajitangwaniskanga ndi kupereka sembe yapa moto ku Ambuya.

ŴaLevi 8:35

Mukajanga msana ndi usiku pa khomo la hema lakuwunganamo mazuŵa ghankhonde ndi ghaŵi kufiska vyo Ambuya alangula, vinu mungafwa; pakuti viyo ndimo ndalangulikiya.”

Maŵerengedu 17:10

Ambuya angunena ndi Mosese, “Wezgiyapo ndodo yaku Aroni paurongo pa chisimikizgu, yisungikiye kuŵa chakuwoniyapo ku ŵakugaruka, kuti umare madinginiku ghawo kumikana ndi ine, vinu ŵangafwa.”

Maŵerengedu 18:7

Kweni iwe pamoza ndi ŵana ŵako mukalereskanga ku mlimu winu wa uzukuru pa vinthu vyose vya jochero ndi vya mukati mwa saru yakuchinga, ndi vyo mukateŵetanga. Ndakupaskani nchitu yinu ya uzukuru nge nchawanangwa, ndipo we yose yo wanderenge kufupi wakabayikanga.”

Maŵerengedu 4:19

kweni cho mungaŵachitiya alinga kuti ŵareke kufwa ŵaŵe ŵamoyo ŵachiza kufupi ku vinthu vyakupaturika kwakuruska; dangu ndakuti Aroni ndi ŵana ŵake ŵakaserenga mukati ndikuŵapaska uyu ndi uyu milmu wake ndi mphingu yake,

Maŵerengedu 4:5

Pakusoka ugoŵi, Aroni ndi ŵana ŵake ŵaserenge mukati kusiskiya pasi saru ya chivwinkhu, ndi kuvunikiriya nayo Bokosi la phanganu.

Mateyu 27:51

Ndipo onani, chijaru cha kasopi chinguparuka pakati, kutuwa pachanya pasi mbwitu. Ndipo charu chingundengandenga; ndi majarawi ghangusweka,

ŴaHebere 6:19

chigomekezgu chenicho te nacho nge ndi ndondowa ya mzimu, chakuneneska ndi chakukho, ndi chakuserere mwaku cho che mukati mu chijaru cho;

ŴaHebere 9:25

chingana nkhuti panandi wangujipereka cha; uli ndimo mzukuru mura waserere mu Malo Ghakupaturika chirimika ndi chirimika ndi ndopa zo kuti zake cha;

ŴaHebere 9:3

Ndipo parweka pa chijaru chachiŵi, chihema cho chizumbulika Malo Ghakupaturika gha Ghakupaturika;

ŴaHebere 9:5

ndi pachanya pake wakerubi ŵa unkhankhu, ŵakuvimba chitengu chalisungu cho; paku vyenivyo kuti tingakambiya payijapayija sono cha.

Chivumbuzi 15:8

Ndipo kasopi wanguzazika ndi usi wakutuwa ku unkhankhu waku Chiuta ndi ku nthazi yake; ndipo pengavi yumoza wanguziŵa kusere mu kasopi mo, mpaka vingumara videru vyo vinkhonde ndi viŵi vya ŵangelowo ŵankhonde ndi ŵaŵi.