ŴaLevi 14:3 - Tonga Bible 1986

³ ndipo mzukuru wakatuliyanga kubwalo kwa ugoŵi; wakapimanga wamakhate. Asani makhate ghamara mu wamakhate yo,

ŴaLevi 14:3 Iomraidhean Croise

2 ŴaKaronga 5:14

Viyo wangusikiyako ndi wangujibizga kankhonde ndi kaŵi mu Yordane, kwakuyana ndi mazu gha munthu waku Chiuta, ndipo liŵavu lake linguweremo nge ndi liŵavu la mwana numana, ndipo wangutozgeka.

2 ŴaKaronga 5:3

Msungwana yo wanguti ku mbuyake munthukazi, “Asani mbuyangu wenga pamoza ndi mchimi yo wemu Samaria! Mphanyi watinge wamuchizgenge makhate ghake.”

Jobu 5:18

Pakuti watema bara ndi walimanga; walasa kweni manja ghake ghachizga.

Chituwa 15:26

anguti, “Asani nyengo zose mukavwiyanga mazu gha Ambuya Chiuta winu, ndi kuchita cho nchakurunjika pa maso pake, ndi kuphwere malangulu ghake ndi kusunga vyakukombo vyake vyose kuti ndiŵikengepo nthenda nanga njimoza pinu cha, zenizo ndikuŵika paŵa Egipiti, pakuti ndine Ambuya, ŵakukuchizga.”

ŴaLevi 13:2

“Asani munthu pa khungu la liŵavu lake we ndi chitufya pamwenga chakuphumuka pamwenga bamba, ndipo chasanduka nthenda ya makhate pa khungu la liŵavu lake; sono ŵamutole kwaku Aroni mzukuru yo pamwenga ku yumoza wa ŵana ŵake ŵazukuru.

ŴaLevi 13:46

wakaŵanga wambura kutozgeka nyengo yose yo wakaŵiyanga ndi makhate ngwambura kutozgeka; wakajanga pakuyija, ndipo watenere kuja, kubwalo kwa ugoŵi.

ŴaLevi 14:48

“Kweni asani mzukuru waza ndipo wapima ndi wasaniya kuti nthenda yilivi kuthaza mu nyumba yo pavuli yati yakuluŵika, sono mzukuru wakanenenga kuti nyumba njakutozgeka; pakuti nthenda yamara.

Mateyu 10:8

Chizgani ŵakutama, ŵakufwa yuskani, ŵamakhate tozgani, ŵademone tuzgani. Kwawezi mwaronde, kwawezi paskani.

Mateyu 11:5

ŵachiburumutiya ŵalereska, ŵakuganthiya ŵatenda, ŵamakhate ŵatozgeka, ŵamgota ŵatuvwa, ŵakufwa ŵayuskika, ndipo ŵakavu ŵataulikiya makani ghakunozga.

Luka 4:27

Ndipo ŵamakhati ŵanandi ŵengamu Yisraele pa nyengo yaku Elisha mchimi yo: ndipo pengavi yumoza waku wo wanguphotoreka, kweni Namani mu Siriya yo.”

Luka 7:22

Ndipo wakwamuka wanguŵanene, “Rutani, mtauliyeni Yohane vyo mwawona ndi mwavwa; ŵachiburumutiya ŵalereska, ŵakuganthiya ŵatenda, ŵamakhate ŵaphotoleka, ŵamgota ŵatuvwa, ŵakufwa ŵayuskika, ŵasokwa ŵataulikiya evangeli.