ŴaLevi 13:3 - Tonga Bible 1986

³ Ndipo mzukuru wakapimanga malo gha khungu lake po nthenda yiri; ndipo asani cheya cha pa malo gha nthenda chasanduka chituŵa, ndipo nthenda yiwoneka kuti yasere mukati mu khungu lake, iku ndi nthenda ya makhate. Pavuli pakupimika mzukuru wakamukambanga kuti ngwakunguzgika.

ŴaLevi 13:3 Iomraidhean Croise

Chiyambo 13:3

Ndipo wangukiyakiya kunthazi kutuwa ku Negebu mpaka ku Betele ku malo gho hema lake lenga pakudanga, pakati pa Betele ndi Ai,

Ezekiele 16:30

“Mtima wako utama ndi chanju, atiti Ambuya Chiuta, pakuti unguchita vyose ivi, nchitu za ureŵi za munthukazi wachisko chakutowa nge ndi mkuŵa;

Ezekiele 44:23

Ŵakasambizganga ŵanthu ŵangu kupambana kwa pakati pa vinthu vituŵa ndi vyakufipiskika, ndi kuŵarongo mo ŵangapatuliya pakati pa vyambura kuphotoka ndi vyakuphotoka.

Hoseya 7:9

Ŵalendo ŵamara nthazi zake, ndipo iyo kuti waziŵa ichi cha; nyivu zayoyoskeka paku iyo, kweni kuti waziŵa ichi cha.

ŴaLevi 10:10

Mupatuwenge pakati pa vinthu vyakupaturika ndi vyambura kupaturika, ndi pakati pa vyamunguzgu ndi vyakutozgeka.

ŴaLevi 13:10

ndipo mzukuru wakamupimanga ndipo asani mwe kakutupa katuŵa mu khungu, keniko kasanduska cheya kuŵa chituŵa ndipo mu munofu muwoneka kakutupa ko;

ŴaLevi 13:2

“Asani munthu pa khungu la liŵavu lake we ndi chitufya pamwenga chakuphumuka pamwenga bamba, ndipo chasanduka nthenda ya makhate pa khungu la liŵavu lake; sono ŵamutole kwaku Aroni mzukuru yo pamwenga ku yumoza wa ŵana ŵake ŵazukuru.

ŴaLevi 13:20

Mzukuru wakapimanga, asani wawona kuti chitufya chasere mukat mu khungu ndipo cheya chasanduka chituŵa, mzukura wakatamulizganga kuti ngwakunguzgika; ndi nthenda ya makhate, yafwatapukiya mu chitufya.

ŴaLevi 13:4

Kweni asani chiŵawo nchituŵa pa khungu la liŵavu lake ndipo kuti chasere mu khungu cha, cheya cha penipo kuti chasanduka chituŵa cha, iku mzukuru wakamujariyanga munthu yo wa nthenda mazuŵa ghankhonde ndi ghaŵi.

ŴaLevi 13:8

ndipo mzukuru wakamupimanga, asani twakutupa to twafwapuka mu khungu, po sono mzukuru wakanenanga kuti ngwakunguzgika; ndi makhate.

ŴaLevi 14:37

Wakawonanga nthenda yo; asani nthenda ye mu chiliŵa cha nyumba yo, mu kawonekedu ka vitanga vya manimani, pamwenga viyera, ndipo yiwoneka kuti yasere mpaka mukati,

ŴaLevi 14:54

Ili ndi dangu lapa nthenda ya makhate; lapa vitupatupa,

ŴaLevi 14:56

ndi lapa chitufya, pamwenga chakuphumuka, pamwenga chiŵawo,

ŴaLevi 5:3

Pamwenga asani wakwaska cha munguzgu cha munthu pamwenga manyi chingaŵa chamunguzgu wakutinji wo ukazuzga munthu yo kuti wanguwuziŵa cha, kweni watakuti wawuziŵa wakaŵanga ndi mlandu.

Hagayi 2:11

“Viyo atiti Ambuya ŵa maŵanja: Fumba ŵazukuru kuti ŵamuke fumbu ili,

Malaki 2:7

Pakuti mlomo wa mzukuru utenere kusunga zeru, ndipo ŵanthu ŵatenere kupenja zeru pakumuvwa, chifukwa iyo ndi thenga la Ambuya ŵa maŵanja.

Mateyu 16:19

Ndikupaskenge mipiringizgu ya ufumu wakuchanya; ndipo chose cho ungamanga panupasi chiŵenge chakumangika kuchanya; ndipo chose cho ungafwatuwa panupasi chiŵenge chakufwatulika kuchanya.”

Yohane 20:23

Asani mungaŵareke vilakwa vya ŵanyake, viŵarekekiyenge; ne mukhozga vya ŵanyake, vikakhozgekanga.”

Machitidu gha Ŵakutumika 20:28

Viyo jiphwereni mwaŵeni ndi mskambu wose, paku weniwo Mzimu Wakupaturika wangukuŵikani ŵaliska, kwachiliska eklesiya laku Chiuta, lenilo wangujiguliya ndi ndopa zaku iyo mweneko.

ŴaRoma 7:7

Titingenji na? Kumbi chilangulu cho nchaulakwi? Kungaŵanga viyo cha! Kweni mphanyi ndengavi kuteska ulakwi, mo uliri, kwambura chilangulu cho; chifukwa mphanyi kuti ndaziŵa chiŵinu nacho cha, asani chilangulu cho chengavi kunena, “Ungaŵiniwa cha”;

1 Timote 1:20

ŵaku ŵeniwo ndi Humenayo ndi Alezandro, wo ndapereka kwaku Satana, alinga ŵalangike kureka kutokoska.

2 Timote 3:13

Kweni ŵanthu ŵaheni ndi ŵafuzi ŵakarutiriyanga ku uheni, ŵakurandizga ndi ŵakurandizgika,

ŴaHebere 13:7

Kumbukani ŵarongozgi ŵinu, ŵeniwo ŵangukamba namwe mazu ghaku Chiuta, ghanaghanani ndi vipasi vya umoyo wawo, mwezge chivwanu chawo.

Chivumbuzi 2:23

Ndipo ŵana ŵake nkhaŵabayanga ŵakafwanga; ndipo yiziŵenge mipingu yose kuti ndine ndipenjapenja zeru ndi mtima: ndipo nkhakupaskaninga munthu we yose kwakulingana ndi machitidu ghinu.