ŴaLevi 12:6 - Tonga Bible 1986

⁶ “Ndipo penipo mazuŵa gha kutozgeka kwake ghafiskika, manyi pa mwana munthurumi, pamwenga munthukazi, wakatoliyanga ku mzukuru pa khomo la hema lakuwunganamo mberere ya chirimika chimoza ya mpasku wakocha, ndi kachiunda ka nkhunda pamwenga ka njiŵa kuchitiya mphepeska yapa ulakwi;

ŴaLevi 12:6 Iomraidhean Croise

Chiyambo 15:9

Wanguti kwaku iyo, “Nditole ng'ombe yinthukazi ya virimika vitatu, mbuzi yinthukazi ya virimika vitatu, mberere yinthurumi ya virimika vitatu, njiŵa yimoza ndi ka nkhunda.”

ŴaLevi 12:2

“Kamba ku ŵaYisraele, asani munthukazi wazuwuka ndipo wapapa mwana munthurumi, iyo wakaŵanga wambura kutozgeka mazuŵa ghankhonde ndi ghaŵi; uli mpha nyengo yake ya masambi; wakŵanga wambura kutozgeka.

ŴaLevi 12:5

Kweni asani wapapa mwana munthukazi, wakaŵanga wambura kutozgeka ŵasabata ŵaŵi uli mpha nyengo yake ya masambi; ndipo wakakuyakiyanga mu luji la kutozgeka kwake mazuŵa machumi ghankhonde ndi limoza pachanya ghankhonde ndi limoza (66).

ŴaLevi 12:7

ndipo iyo wakaperekanga cho paurongo pa Ambuya ndi kumupepeske; viyo ndimu munthukazi wakatozgekiyanga ku masambi ghake. Ili ndi dangu lapa munthukazi wakupapa mwana munthurumi pamwenga munthukazi.

ŴaLevi 14:22

ndipo so tunjiŵa tuŵi pamwenga tuviunda tuŵi twa nkhunda, to wangaziŵa kutusaniya, kamoza kakaŵanga kasembe ya ulakwi, kanyake kakaŵanga ka sembe yakocha.

ŴaLevi 15:14

Pa zuŵa la chinkhonde ndi chitatu, wakatonga tunjiŵa tuŵi pamwenga tuviunda twa nkhunda tuŵi, ndi kuza paurongo pa Ambuya pa khomo la hema lakuwunganamo, wakatupaskanga ku mzukuru.

ŴaLevi 15:29

Ndipo pa zuŵa la chinkhonde ndi chitatu wakatonga njiŵa ziŵi pamwenga tuviunda twa nkhunda tuŵi ndi kuza nato ku mzukuru pa khomo la hema lakuwunganamo.

Maŵerengedu 6:10

Pa zuŵa la chinkhonde ndi chitatu wazenge ndi nkhunda ziŵi, pamwenga viwunda viŵi ku mzukuru pa khomo la hema lakuwunganamo,

Luka 2:22

Ndipo penipo ghangufiskika mazuŵa gha chiphotoka chawo mwa dangu laku Mosese ŵangumtole ku Yerusalemu kwachimpereka ku Ambuya,

Yohane 1:29

Ndi mlenji wawona Yesu wachiza kwaku iyo, ndipo watiti, “Awonani, Mwana-mbere waku Chiuta, yo watuzgapo ulakwi wa charu!

2 ŴaKorinte 5:21

Yo ngwambura kuziŵa ulakwi wangumuchita wakusangana nafwe ulakwi, mwakuti ifwe pakubatikana nayo, tisangane nayo urunji waku Chiuta.

ŴaHebere 7:26

Chifukwa tingukavuka mzukuru mura waviyo, wakupaturika, mzizimu, mziraukazuzi, wakugaukako ku ŵalakwi, wakutumphulika kuchanyako ku machanya;