ŴaLevi 10:6 - Tonga Bible 1986

⁶ Mosese wanguti kwaku Aroni ndi Eleazara ndi Itamara ŵana ŵake, “Mungafwatuwanga sisi la mitu yinu cha, ndipo mungaparuwanga saru zinu cha, vinu mungafwa, ndi vinu ukari ungaza pa mpingu wose; kweni ŵana ŵanyinu, wose ŵamu nyumba yaku Yisraele, ŵatenjere pa moto wo Ambuya akozga.

ŴaLevi 10:6 Iomraidhean Croise

2 Samuele 24:1

Ndipo ukari wa Ambuya ungukore so pa ŵaYisraele, angusoska Davidi kumikana nayo, akuti, “Ruta, ukaŵerenge ŵaYisraele ndi ŵaYuda.”

Ezra 7:5

mwana waku Abishuya, mwana waku Eleazara mwana waku Aroni, mzukuru mura.

Chituwa 33:5

Pakuti Ambuya anguti kwaku Mosese, “Kamba ku ŵaYisraele, ‘Mwe ŵanthu ŵanonono mtima; asani pa nyengo yimoza ndingaruta kwenda mukati mwinu mphanyi ndingamumalani. Iku sono zuwani vyakujitozga navyo, alinga ndiziŵe nchine ndingachita namwe.’ ”

Chituwa 6:23

Aroni wanguto kuŵa muwoli Elisheba, mwana waku Aminadabu ndi so mzichi waku Nahishoni, ndipo wangumupapiya Nadabu, Abihu, Eliazara, ndi Yitamara.

Yeremiya 7:29

Sengani sisi linu ndi mulitaye; soskani chitenje pa mapiri, gha majarawi, pakuti Ambuya akana ndi ajowo mgonezi, mu ukari wawo.’

ŴaLevi 13:45

“Yo we ndi nthenda ya makhate wavwarenge malizwazwa, sisi laku mutu wake liŵenge lambura kumanga, ndipo wabenekeriyenge mlomo wake wanena, ndi kukambura kuti, ‘Wambura kutozgeka, wambura kutozgeka’;

Mika 1:16

Mujimete phara ndimusunge sisi linu, chifukwa cha ŵana ŵinu wo mukondwa nawo; mujimete phara nge ndi nkhwazi chifukwa ŵatuwengeko kwaku imwe kuya ku uŵanda.

Maŵerengedu 1:53

kweni ŵaLevi ŵakagoŵanga kwakuzunguliya chihema chachisimikizgu mwakuti paulevi kusikiyakandundu pa mpingu wa ŵaYisraele; ndipo ŵaLevi ŵakatufuliyanga chihema chachisimikizgu.”

Maŵerengedu 14:6

Ndipo Yoswa mwana waku Nuni ndi Kalebe mwana waku Yefune, wo ŵenga ŵamoza ŵaku wo ŵangamuskora charu cho, ŵanguparuwa vyakuvwara vyawo,

Maŵerengedu 16:22

Ndipo ŵanguwa kavunama, ŵanguti, “Owe Chiuta, Chiuta wa mizimu ya ŵanthu wose asani walakwa munthu yumoza, kumbi mukakalipiyanga wumba wose?”

Maŵerengedu 18:5

Muphwerenge milimu yamu malo ghakupaturika ndi milimu yapa jochero, alinga kuti pareke kuwiya so ukari pa ŵaYisraele.

Maŵerengedu 20:25

Uto Aroni ndi Eleazara mwana wake, ukwere nawo pa phiri la Horo;

Maŵerengedu 5:18

sono mzukuru waŵike munthukazi yo paurongo pa Ambuya, wafwatuwe sisi lake, ndipo waŵike mpasku wa chikumbusku mu manja ghake, we ndi mpasku wa sanji. Ndipo mzukuru wakoreze maji ghakuŵaŵa mu janja lake gho ghasiska thembo.

Marangu 33:9

mweniyo wangukamba gha awiske ndi anyina, ‘Ndituŵagomezga cha.’ Wangukwamphuwa vya ŵana ŵanyake ndi wanguŵaruwa ŵana ŵake, pakuti iwo ŵanguphwere mazu ghinu, ndi ŵangusunga phanganu linu.

Yoswa 22:18

kuti imwe msana wale mureke kurondo Ambuya? Ndipo asani imwe mugarukiya Ambuya msana wale iwo ŵakakwiyiyanga mpingo wose wa ŵaYisraele la mawa.

Yoswa 22:20

Kumbi Akani mwana waku Zera asi wanguswa chigomezgu mu vinthu vyakukanizgika, ndipo ukari unguwiya pa mpingo wose waku Yisraele? Ndipo kuti wangufwa yija pe cha pa uheni wake.’ ”

Yoswa 7:1

Kweni ŵaYisraele ŵangutaya kugomezgeka pa vinthu vyakupaskikiya ku unangiku; pakuti Akani mwana waku Karimi, mwana waku Zabdi, mwana waku Zera, wa fuku laku Yuda, wangutopo vinthu vyakupaskikiya ku unangiku, sono ukari wa Ambuya ungukore pa ŵaYisraele.

Yoswa 7:11

Yisraele walakwa, ŵaswa phanganu langu lo ndingupangana nawo, ŵatopo vinthu vinyake vyakukanizgika, ŵaba, ndipo ŵapusika, ŵaviŵika pasi pa ŵakatundu ŵawo?