ŴaLevi 10:3 - Tonga Bible 1986

³ Sono Mosese wanguti kwaku Aroni, “Ichi ndicho Ambuya akamba, ‘ndikajirongonga mtuŵa mwaku weniwo ŵe pafupi nane, ndipo paurongo pa ŵanthu wose ndikaŵanga ndi unkhankhu.’ ” Ndipo Aroni wanguja chisisi.

ŴaLevi 10:3 Iomraidhean Croise

Chiyambo 18:25

Chimuŵiyeni kutali kuchita cha viyo, kubaya ŵarunji pamoza ndi ŵaheni, kuti ŵarunji ŵayani ndi ŵaheni! Ichi chimuŵiyeni kutali! Kumbi Mweruzgi wa charu chose kuti wachitenge urunji cha?”

Jobu 2:10

Kweni iyo wanguti kwaku iyo, “Ukamba kwakulingana nge yumoza wa ŵanthukazi ŵakupusa wangakambiya. Kumbi tikarondiyanga umampha kutuwa ku janja laku Chiuta, kumbi kuti tikarondiyanga uheni cha?” Mwaku chose ichi Jobu kuti wangunanga cha mukurongoro kwake.

Sumu 119:120

Chifukwa chaku imwe, ndichita mantha, ndazazika ndi chitenthe chifukwa cha vyeruzgu vinu.

Sumu 148:14

Asoske pachanya nthazi ya ŵanthu ŵawo, rumbani chifukwa cha ŵatuwa ŵawo, chifukwa cha ŵanthu ŵaku Yisraele, khamu lapa mtima wawo. Rumbani Ambuya!

Sumu 39:10

Mungandikwe chuwanga cha; ndamarizgika ndi kupuma kwa janja linu.

Sumu 39:9

Nde mbuwu, kuti ndibanuwa mlomo wangu cha; chifukwa imwe ndimwe mukuchichita.

Sumu 46:10

“Jani chete, ndipo ziŵani kuti ine ndine Chiuta. Ndikutumphuskika mukati mu mitundu, ndikutumphuskika mu charu chapasi!”

Sumu 89:7

Chiuta wakopeka mu upu wa ŵakupaturika, mura ndi wakofya pachanya paku wose ŵakumuzunguliya.

Sumu 93:5

Visimisimi vinu vyakukho ukongwa; utuŵa uzaza nyumba yinu, Ambuya, muyaya ndi muyaya.

Chituwa 14:17

Ndipo ndikanonopeskanga mitima ya ŵaEgipiti kuti ŵaseremo kuŵandondoloska, ndipo ine ndirondenge unkhankhu paku Farao ndi liŵanja lake lose, magareta ghake, ndi ŵankhondo ŵapa ŵakavalo ŵake.

Chituwa 14:4

Ndipo ndikanonopaskanga mtima waku Farao ndipo wakaŵandondoloskanga, ndipo ine ndirondenge unkhankhu paku Farao ndi liŵanja lake lose; ndipo ŵaEgipiti ŵakaziŵanga kuti Ndine Ambuya.” Ndipo ŵanguchitade viyo.

Chituwa 19:22

Ndipo so unene ŵazukuru wo ŵandere kufupi ku Ambuya kujipatuwa ŵija vinu Ambuya angaŵarotoke.”

Chituwa 19:24

Ndipo Ambuya anguti kwaku iyo, “Sika, ndipo ukakwere so kunu, ndi Aroni pamoza nawe; kweni ungazomerezga ŵazukuru ndi ŵanthu cha kuporota kuti ŵakwere ku Ambuya, vinu ŵangaŵarotoke.”

Chituwa 30:30

Ukatukutizganga Aroni ndi ŵana ŵake ŵanthurumi, ndi kuŵapatuwa, kuti wanditeŵete nge mbazukuru.

Yesaya 39:8

Sono Hezekiya wanguti kwaku Yesaya, “Mazu gha Ambuya gho warongoro ngamampha.” Pakuti wangughanaghana kuti, “Pakaŵanga chimangu ndi kuvikirika mu mazuŵa ghangu.”

Yesaya 49:3

Ndipo anguti kwangu, “Ndiwe mteŵeti wangu, Yisraele, mwaku yo ndikakankhuskikanga.”

Yesaya 52:11

Tuwanimo, tuwanimo, tuwanimo mu Babiloni, mungakonga kanthu kaukazuzi cha; tuwanimo mukati mwake, jitozgeni mwaŵeni, imwe mwaŵakunyamuwa viyaŵi vya Ambuya.

Ezekiele 20:41

Nge ndi fungu lakukondweska ndikamurondiyaninga, nditakuti ndamutuzgani mu ŵamitundu, ndi kumuwunjikani kutuwa mu vyaru mo munguparghang'ikiya, mu maso gha mitundu ndikarongonga utuŵa wangu mukati mwinu.

Ezekiele 28:22

Kamba kuti, Viyo atiti Ambuya Chiuta: “Ehe, ndimikana nawe, Sidoni, ndikavumbuwanga unkhankhu wangu mwaku iwe. Ndipo ŵakaziŵanga kuti ine ndine Ambuya, po ndifiska vyeruzgu vyangu mukati mwake, ndi kuvumbuwa utuŵa wangu mwaku iyo;

Ezekiele 38:16

ukazanga kurwana ndi ŵanthu ŵangu ŵaYisraele, ngendi mtambo ubenekere charu. Mu mazuŵa gha umari ndikutonge kuti umikane ndi ŵanthu ŵangu, mwakuti mitundu yindiziŵe, alinga kuti pakuporote mwaku iwe Gogi, ndivumbuwe utuŵa wangu paurongo pawo.

Ezekiele 40:46

chipinda ichi chilereska ku nkhonde ncha ŵazukuru ŵakutufuliya jochero; aŵa mbana ŵaku Zadoki, mweniyo yija mukati mu ŵana ŵaku Levi ndiyo wakazanga pafupi pa Ambuya kuŵateŵete iwo.

Ezekiele 42:13

Sono wangunena nane, “Vipinda vyaku nkhonde ndi vipinda vyaku malaŵi kulereskana ndi baraza ndi vipinda vyakupaturika, mwenimo ndimo ŵazukuru wo ŵandere ku Ambuya ŵakarghiyanga mipasku yakupaturika kwakuruska; ndimo ŵakaŵikanga mipasku yituŵa kwakuruska, mpasku wa ufwa, mpasku wa ulakwi, ndi mpasku wakuparamula, pakuti malo ngakupaturika.

ŴaLevi 21:15

mwakuti wareke kukazuzga ŵana ŵake mu ŵanthu ŵake; pakuti ndine Ambuya ndingumupatuwa.”

ŴaLevi 21:17

“Kamba kwaku Aroni, paulevi nanga njumoza wakupapika mwaku iwe mu migoneze yose, yo wendi kalema wakazanga kupereka chiŵande chaku Chiuta wake.

ŴaLevi 21:21

paulevi munthu yumoza wakupapika mwaku Aroni mzukuru wakuŵa ndi kalema yo wakazanga kufupi kuzachipereka sembe za Ambuya zapa moto, pakuti wendi kalema, kuti wazenge kufupi cha kuzachipereka chiŵande chaku Chiuta wake.

ŴaLevi 21:6

Ŵakaŵanga ŵakupaturika kwaku Chiuta wawo, kweni kukazuzga zina laku Chiuta wawo cha; pakuti iwo ŵapereka sembe zapa moto ku Ambuya, chiŵande chaku Chiuta wawo; chifukwa cho ŵakaŵanga ŵakupaturika.

ŴaLevi 21:8

Mukamupatuwanga pakuti iyo wapereka chiŵande chaku Chiuta winu; kwaku imwe wakaŵanga wakupaturika, pakuti Ine mbuyamwe yo wapatuwa ndi kutoweska imwe, nde wakupaturika.

ŴaLevi 22:9

Chifukwa cho ŵazukuru ŵakavwiyanga kurangula kwangu; vinu ŵangatopo ulakwi ndi ŵangafwa pakukazuzga zina langu: Ndine Ambuya wo atiŵapatuwa.

ŴaLevi 8:35

Mukajanga msana ndi usiku pa khomo la hema lakuwunganamo mazuŵa ghankhonde ndi ghaŵi kufiska vyo Ambuya alangula, vinu mungafwa; pakuti viyo ndimo ndalangulikiya.”

Maŵerengedu 16:5

ndipo wangunena ndi Kora ndi mpingu wake wose, kuti, “Lemawa Ambuya akarongonga mweniyo ngwawo, ndi yo ndi mtuŵa, ndipo akamunderezgiyanga mtuŵa kufupi kwaku iwo; inya mweniyo iwo asankha akamunderezgiyanga kufupi kwawo.

Maŵerengedu 20:12

Ambuya angunena ndi Mosese ndi Aroni kuti, “Pakuti mwengavi kuvwana mwaku ine, kundipatuwa mu maso gha ŵaYisraele, chifukwa chenichi kuti mwamuserezga mpingu uwu mu charu cho ndikuŵapaska cha.”

Mateyu 10:37

Yo ngwakwanja wiske pamwenga nyina kwakuruska ine kuti ngwakwenere ine cha; ndipo yo ngwakwanja mwana munthurumi pamwenga mwana munthukazi kwakuruska ine, kuti ngwakwenere ine cha.

Yohane 12:28

‘Ada, kankhuskani zina linu.’ ” Viyo kunguza liu lakutuwa kuchanya, lakuti “Ndalikankhuska, ndipo ndilikankhuskenge so.”

Yohane 14:13

Ndipo chenicho chose mukapemphanga mu zina langu, chenicho nkhachitanga alinga kuti Dada wakankhuskikiye mu Mwana.

Marangu 32:51

chifukwa ungutaya chivwanu mwaku ine mukati mu ŵaYisraele pa maji gha Meribata-Kadeshe, mu bozwa la Zini chifukwa wengavi kunditumbika kuti nde wakupaturika, mukati mu ŵaYisraele.

2 ŴaTesalonika 1:10

wachiza mkankhuskikiya mu zuŵa liya mu ŵakupaturika ŵake, ndi kurumbika mwaku wose ŵakuvwana (pakuti chinguvwanika chisimisimi chidu chakwaku imwe).

1 Petro 4:17

Pakuti ndi nyengo yakuti cheruzgu chiyambenge pa nyumba yaku Chiuta: kweni asani chidanga paku ifwe; chiŵenge chine chigoti cha ŵakutafuliya evangeli waku chiuta?

1 Samuele 2:30

Pa chifukwa ichi Ambuya Chiuta waku Yisraele watiti: ‘Ndingupangana kuti nyumba yako ndi nyumba ya ausu yendenge pa maso pangu muyaya’; kweni sono atiti Ambuya: ‘Chiŵe kutali ndi ine; pakuti wose wo atinditumbika ndikaŵatumbikanga, ndipo wose wo watindiyeya ŵakayuyulikanga.

1 Samuele 3:18

Viyo Samuele wangumukambiya vyose ndipo kuti wangubisa kanthu cha. Ndipo Eli wanguti, “Ndi Ambuya; iko achite cho chingaŵa chamampha kwaku iwo.”

1 Samuele 6:20

ŵanthu ŵaku Beteshemeshe ŵanguti, “Njani waziŵa kuma paurongo pa Ambuya, Chiuta mtuŵa uyu? Ndipo wakakweriyanga kwaku yani kutuwako kwidu?”