ŴaLevi 1:9 - Tonga Bible 1986

⁹ kweni vya mukati mwake ndi marundi ghake ŵakasukanga ndi maji. Ndipo mzukuru wakawochanga vyose pa jochero kuŵa mpasku wakocha, mpasku wakupereka wapa moto, fungu lakukondweska Ambuya.

ŴaLevi 1:9 Iomraidhean Croise

Chiyambo 8:21

Ndipo penipo Ambuya angunuska fungu la kukondweska, Ambuya anguti mu mtima wawo, “Kuti ndiwerezgengepo so cha kutemba charu chifukwa cha munthu, chifukwa cha maghanaghano ghaheni ghamu mtima wa munthu kuturiya ku uhurwa wake; ndipo so kuti ndikawerezgangapo cha kumara chinthu chose chamoyo uli ndimo ndachitiya.

1 Mikoka 6:34

mwana waku Elkana, mwana waku Elkana, mwana waku Yerohamu, mwana waku Eliaeli, mwana waku Toa,

2 Mikoka 4:6

Wanguchita so vya kusambiyamo chumi, ndi wanguŵika vinkhonde kuchiri ku malaŵi ndi vinkhonde ku nkhonde, mu viŵiya ivi ndimo ŵasukiyanga vyo ŵachitiyanga sembe yakocha. Nyanja yenga yakusambamo ŵazukuru.

Sumu 51:6

Ehe, imwe mukhumba uneneska wa mukati mu mtima; chifukwa ichi mundisambizge zeru mukati mwangu.

Sumu 66:15

Ndikaperekanga kwaku imwe mipasku yakocha ya vyakututuŵa, pamoza ndi chema cha ŵabira. Ndiperekenge sembe ya zinkhuzi ndi zimbuzi.

Chituwa 12:9

Yinyake nyama yo mungarghanga yiŵisi pamwenga yakubika ndi maji cha, kweni yakocha, mutu wake pamoza ndi marundi ghake ndi vyamukati.

Chituwa 29:18

Ndi mochenge bira pa chiguŵa cha sembe, ndi mpasku wakocha ku Ambuya; ndi fungu lakukondweska, mpasku wa moto ku Ambuya.

Chituwa 29:25

Pavuli mukavirondanga mu manja ghawo, ndi kuvyocha pa guŵa la sembe kusazgiyapo pa mpasku wakocha, nge nchafungu lakukondweska paurongo pa Ambuya, ndi mpasku wa moto ku Ambuya.

Yeremiya 4:14

Yerusalemu we, suka mtima kuti uheni utuwemo, mwakuti utaskike. Mpaka zuŵanji maghanaghano ghako ghaheni ghakajanga mu mtima wako?

Ezekiele 20:28

Pakuti po ndinguti ndaŵatore ku charu cho ndinguŵarapiya kuŵapaska, sono iwo po pose ŵanguwona mtunthu wose utali pamwenga muti wose uŵisi ŵanguperekapo sembe zawo penipa, ndikupereka mpasku wawo wakundisosomole; penipa wangukwezga vya fungu lawo lamampha, ndipo penipa wangudira mipasku yawo yakumwa.

Ezekiele 20:41

Nge ndi fungu lakukondweska ndikamurondiyaninga, nditakuti ndamutuzgani mu ŵamitundu, ndi kumuwunjikani kutuwa mu vyaru mo munguparghang'ikiya, mu maso gha mitundu ndikarongonga utuŵa wangu mukati mwinu.

Ezekiele 40:38

Kwenga chipinda ndikhomo lake mu khonde la likomo, penipo mpasku wakocha wasukikanga.

ŴaLevi 1:13

Kweni vya mukati ndi marundi wakasukanga ndi maji. Ndipo mzukuru wakaperekanga vyose ndi kuvyocha pa jochero, ndi mpasku wakocha, mpasku wakupaskika wap moto, ndi mpasku wa fungu lakukondweska Ambuya.

ŴaLevi 1:17

Wakaparuwanga vipapiku vyake kweni kuti wayiphwatuwenge cha. Ndipo mzukuru wakayiwochanga pa jochero, pachanya pa nkhuni zo ze pa moto; ndi mpasku wakocha, mpasku wakuperekeka wapa moto, fungu lakukondweska Ambuya.”

ŴaLevi 2:16

Ndipo mzukuru wakawochanga kuŵa phande la mbeu yakuponda, ndi mafuta ndi vyachema vyose kuŵa chikumbusku cha kupereka mpasku wapa moto ku Ambuya.”

ŴaLevi 2:2

Ndi kuza nawo ku ŵana ŵaku Aroni ŵazukuru wo. Ndipo iyo wakatongapo ufwa wamampha wakuzaza janja, ndi mafuta ndi vyachema vyake vyose. Mzukuru wakawochanga pa jochero kuŵa chigaŵa chake cha chikumbusku chake cha mpasku wapa moto, fungu lakukondweska Ambuya.

ŴaLevi 2:9

Ndipo mzukuru wakatongako ku mpasku wa ufwa phande lake la chikumbusku ndi wakaliwochanga pa jochero, mpasku wapa moto, wa fungu lakukondweska Ambuya.

ŴaLevi 3:11

Ndipo mzukuru wakaviwochanga pa jochero uli nkhurgha kwakupereka ku Ambuya pa moto.

ŴaLevi 3:5

Sono ŵana ŵaku Aroni wakawochanga vyo pa jochero, pachanya pa mpasku wakocha wo we pachanya pankhuni za pa moto. Ndi mpasku wapa moto, fungu lake ndakukondweska Ambuya.

ŴaLevi 4:31

Mafuta ghake wakatuzgangamo uli ndimo mafuta ghatuzgikiyamo mu mpasku wa vyachimangu ndipo mzukuru wakawochanga gho pa jochero, kuŵa fungu lakukondweska Ambuya. Mzukuru wakaŵeyeriyanga iyo ndipo wakagowokelekiyanga.

ŴaLevi 6:14

“Ndipo ili ndi dango la mpasku wa ufwa, ŵana ŵaku Aroni ŵakawuperekanga paurongo pa Ambuya panthazi pa jochero.

ŴaLevi 8:21

Ndipo penipo vyamukati ndi marundi vingusukika ndi maji, Mosese, wangocha bira yose pa jochero, kuŵa mpasku wakocha, fungu lakukondweska, mpasku wakupereka ndi moto ku Ambuya, uli ndimo Ambuya angulanguliya Mosese.

ŴaLevi 8:28

Pavuli Mosese wanguvironda ku manja ghawo, wanguvyocha pa jochero pamoza ndi mpasku wakocha, kuŵa mpasku wakumikiya, fungu lakukondweska, mpasku wapa moto ku Ambuya.

ŴaLevi 9:14

Wangusuka vya mukati ndi marundi, wanguvyocha pamoza ndi sembe yakocha pa jochero.

Zekariya 13:7

“Yuka, lipanga, pa mliska wangu, pa munthu yo watuma pafupi ndi ine,” atiti Ambuya ŵa maŵanja. “Koso mliska, kuti mberere zimbininike; ndiwezgiyenge janja langu pa zimana-zimana.

Maŵerengedu 15:3

ndipo mupereka ng'ombe pamwenga mberere kuŵa mpasku wapa moto pamwenga mpasku wakocha pamwenga sembe ku Ambuya, kufiska rapu pamwenga nge ndi mpasku wa wanangwa, pamwenga sembe ya panyengu zakutemeka za madghera, kuŵachitiya Ambuya fungu lamampha,

Maŵerengedu 28:11

“Pakwamba kwa myezi, mukaperekanga mipasku yinu yakocha ku Ambuya: nkhuzi ziŵi zimana zimana, bira yumoza, ŵana ŵamberere ŵankhonde ndi ŵaŵi ŵa chirimika chimoza wambura kalema;

Maŵerengedu 28:7

Mpasku wake wa kumwa ukaŵanga chigaŵa chimoza cha vigaŵa vinayi vya mafuta pa kamberere kamoza; ndipo uchite kuti vinyo wanthazi wadirike ku Ambuya mu malo ghakupaturika, uŵenge mpasku wa kumwa.

Maŵerengedu 28:8

Kamberere kanyake mukaperekanga ku mazulo nge ndi mpasku wa ufwa waku mlenji; ndipo nge ndi mpasku wake wakumwa, mukaperekenge nge ndi mpasku wapa moto, fungu lamampha lakukondweska ku Ambuya.

2 ŴaKorinte 2:15

Pakuti te chema chaku Kristu kwaku Chiuta, mu ŵakutaskika ndi mu ŵakutayika;

ŴaEfeso 5:2

ndipo yendani mu chanju, nge ndimo Kristu nayo wangumwanjiyani, ndi wangujipereka chifukwa chinu mpasku wachema chamampha ndi sembe kwaku Chiuta.

Marangu 12:27

Mukaperekanga sembe zinu zakocha nyama ndi ndopa, pa jochero la Ambuya Chiuta winu, ndopa za sembe zakubaya zidirike pa jochero la Ambuya Chiuta winu, kweni nyama murghe.

ŴaFilipi 4:18

Kweni nde navyo vyose, ndipo ndisakata; ndazara, ndati ndaronde kwaku Epafroditu vyakutuliya kwinu, fungu la chema, chisopu chamarondeka, chakumkondweska Chiuta.