ŴaFilipi 4:8 - Tonga Bible 1986

⁸ Pakumariya, mwa ŵabali, vyo vyose vyakuneneska, vyo vyose vyavitumbiku, vyo vyose vyakurunjika, vyo vyose vikhovu, vyo vyose vyamanjika, vyo vyose vyamarumbika; asani kwe umampha, wakuti, ndipo asani kwe thamu lakuti, pimani ndi vyenivyo.

ŴaFilipi 4:8 Iomraidhean Croise

Chiyambo 18:19

Awa, pakuti ndamusankha, kuti warunguchizge ŵana ŵake ndi mbumba yake ya pavuli pake kusunga nthowa ya Ambuya pakuchita ukongorekwa ndi urunji: alinga kuti Ambuya ŵatole kwaku Abrahamu chenicho ŵapangana nayo.”

2 Samuele 1:23

“Sauli ndi Jonafani wakwanjana ndiŵamampha! Mu umoyo ndi mu nyifwa kuti ŵangupatukana cha; ŵenga ŵamankharu kuruska nombo, ŵenga ŵanthazi kuruska zinkharamu.

2 Samuele 23:3

Chiuta waku Yisraele wakamba, Jarawi laku Yisraele landinene: Po yumoza wausa pachanya pa ŵanthu kwakurunjika, kuwusa mukopa Chiuta,

Sumu 82:2

“Mpaka zuŵanji mweruzgenge kwakubende, ndi kurumba ŵaheni mu milando Yawo?

Nthanthi 11:1

Mweso wakupusika mbukazuzi ku Ambuya, kweni mweso wakunyoroka ndi likondwa lawo.

Nthanthi 12:4

Muwoli wamampha nchisoti cha mrumi wake, kweni mweniyo watole soni we uli nkhuvunda mu viwanga vya mrumi wake.

Nthanthi 16:11

Mweso wambura kupusika ndi masikelo vya Ambuya; mauzitu ghose ghamu thumba ndi nchitu yawo.

Nthanthi 20:7

Munthu murunji mweniyo watenda mu uneneska wake, mbakutumbikika ŵana ŵake pavuli pake!

Nthanthi 31:10

Muwoli wamampha njani wangamusaniya? Iyo ngwakuzirwa ukongwa kwakuruska mya yakuzirwa.

Nthanthi 31:29

“Ŵanthukazi ŵanandi ŵachita umampha ukongwa, kweni iwe waŵaruska wose.”

Nthanthi 31:31

Umupaske iyo vya chipasi cha manja ghake, ndipo nchitu zake zimurumbe mu malikomo.

Sumu ya Zisumu 5:16

Makambidu ghake nga kunowa kwakufikapo, ndipo nadi ngwakukhumbikwa. Uyu ndiyo nkhwanjiwa wangu, uyu ndi bwezi langu. Okwe mwaŵana ŵanthukazi ŵaku Yerusalemu.

Yesaya 26:7

Nthowa ya ŵarunji njakutambara, ndimwe munyoroska nthowa ya ŵakurunjika.

Mateyu 22:16

Ndipo ŵangumtumiya ŵasambizi ŵawo pamoza ndi ŵaHerode, wo ŵanguti, “Msambizi, tiziŵa kuti mwe ŵaneneska, ndipo nthowa yaku Chiuta musambizga mu uneneska, ndipo kuti muphwere ndi yumoza cha, chifukwa kuti mulereska chisku cha ŵanthu cha.

Marko 6:20

chifukwa Herode wamopanga Yohane, pakumziŵa kuti wenga munthu murunji ndi wakupaturika, wamsungirizganga waka. Ndipo wachimuvwa wazizikikanga ukongwa; kweni wamuvwanga kwakukondwere.

Luka 16:15

Ndipo wanguti kwaku iwo, “Imwe ndimwe ŵakujirunjiska pa maso gha ŵanthu; kweni Chiuta waziŵa mitima yinu: pakuti cho nchakutumphulika mu ŵanthu mbukazuzi pa maso ghaku Chiuta.

Luka 2:25

Ndipo awonani kwenga munthu mu Yerusalemu, zina lake Simeoni; ndipo munthu mweniyo wenga mrunji ndi wakusopa, wakulereze sangarusku laku Yisraele: ndipo Mzimu Wakupaturika wenga pake.

Luka 23:50

Ndipo onani, munthu ndi zina Yosefe, waupu,

Yohane 7:18

Wakurongorore mu mazaza ghaku yija wapenja unkhankhu wapa mtima wake; kweni wakupenja unkhankhu wa wakumtuma, ndiyo mneneska, ndipo utesi mulive mwaku iyo.

Machitidu gha Ŵakutumika 10:22

Ndipo ŵanguti iwo, “Kenturione Kornelio, munthu murunji ndi wakopa Chiuta, wakusimikizgika so ndi mtundu wose wa ŵaYuda, wangupangizgika ndi mungelo wakupaturika kwachidaniya iwe ku nyumba yake, ndi kuvwa kwako makani.”

Machitidu gha Ŵakutumika 22:12

“Ndipo yumoza, Hananiya, munthurumi wakusopa mwa chilangulu, wakusimikizgika umampha ndi ŵaYuda wose ŵakuja kweniko,

Machitidu gha Ŵakutumika 6:3

Viyo, mwa ŵabali, mwaku imwe penjanimo ŵanthurumi ŵankhonde ndi ŵaŵi, ŵakusimikizgika, ŵakuzazika Mzimu ndi zeru, ŵeniwo tingamikiya pa mlimu uwu;

ŴaRoma 13:13

kweni tivware vidya vya ukweru. Tendenge kwakukongora nge ndi mu msana; mu vitimbeheka ndi mauloŵevu cha, mu maureŵi ndi mauyaya cha, mu ndeu ndi mu bina cha.

ŴaRoma 13:3

Chifukwa ŵakuwusa wokuti mbakofya cha ku nchitu yamampha, kweni ku yiheni. Ndipo asani ukhumba kureka kopa mtufu wo, chitanga cho nchamampha, ndipo ukaŵanga ndi rumbu kwaku wo,

ŴaRoma 14:18

Chifukwa yo wateŵete Kristu mwaku vyenivyo, ngwakukondweska Chiuta, ndi ngwakurumbika ndi ŵanthu.

ŴaRoma 2:29

kweni ndiyo muYuda yo ngwa mukati; ndipo mchinju ngwa mtima, mu mzimu, mu lembo cha; rumbu laku mweniyo kuti nda ku ŵanthu cha, kweni kwaku Chiuta.

1 ŴaKorinte 4:5

Viyo mungeruzgiyanga limu kanthu cha, yindaze nyengo, Ambuya ŵenga ŵandaze, ŵeniwo nawo ŵavumuwenge vibisibisi vya mdima, ndipo ŵawoneskenge pakweru vipangu vya mitima. Penipa ndipo likamuŵiyanga munthu we yose rumbu lake kutuliya kwaku Chiuta.

2 ŴaKorinte 13:7

Ndipo timromba Chiuta, kuti mureke kwananga; kuti nchakuti ifwe tiwoneke ŵakurumbika cha, kweni kuti muchite imwe cho nchikongorekwa, chingana tingaŵa ifwe nge mbakupatika.

2 ŴaKorinte 6:8

mumarumbu ndimu muyuyu, mu thenthe liheni ndi thende limampha. Tichitika nge mbarandizgi, kweni te ŵaneneska;

2 ŴaKorinte 8:18

Ndipo tatumiya pamoza nayo mbali yo laku mweniyo rumbu la evangeli mu chitaula chake lawandiya mu mipingu yose;

2 ŴaKorinte 8:21

chifukwa tidunjika paku vyo vyakurumbika mu maso gha Ambuya pe cha, kweni so mu maso gha ŵanthu.

ŴaGalatia 5:22

Kweni chipasi cha Mzimu nchanju, chimwemwe, chimangu, chilekerezga, ulemu, umampha, ukongorekwa,

ŴaEfeso 4:25

Viyo na pakuzuwa utesi, kambiranani uneneska, munthu yose ndi mwanase wake; pakuti te viŵaru yumoza wa munyake.

ŴaEfeso 5:9

(chifukwa chipasi cha kungweruka ko nchamu umampha wose ndi urunji ndi uneneska),

ŴaEfeso 6:14

Viyo mani, pakujichinyiriya mu chiunu ndi uneneska, ndi kuvwara chapachifuŵa cha urunji,

Marangu 16:20

Mukalondonga urunji pe ndiwo, mwakuti muŵe ŵamoyo ndi mukahare charu cho Ambuya Chiuta winu watukupaskani.

ŴaFilipi 3:1

Pakumariya mwa ŵabali ŵangu, kondwereni mu Mbuya. Kumlembiyani vyenivyo pe kuti kutindivuska cha, ndipo nge nkhwaku imwe nkhwakukhozga.

ŴaKolose 4:5

Mwendenge mu zeru kuchiri ku ŵakubwaro, fiskani kwakulingana ndi mwaŵi wo ulipo.

1 ŴaTesalonika 4:12

alinga kuti mwendenge kwakukongora kuchiri ku ŵakubwaro, ndi kuti mungakavuka kanthu cha.

1 Timote 2:2

pa chifukwa cha ŵakaronga ndi wose ŵaraŵara; alinga kuti tijariyenge umoyo wakuzika ndi wakudeka mu uwopa Chiuta wose ndi uziza.

1 Timote 3:11

Kwakulingana so ŵanthukazi ŵakaŵanga ŵakongorekwa, ŵakuparamula cha, ŵamkanavinyo; ŵamagomekezgeka mwaku vyose.

1 Timote 3:4

wakweruzga umampha nyumba yaku yija, wakuŵa nawo ŵana mu chithera ndi uziza wose;

1 Timote 4:12

Wareke munthu yose kuyeya umpupuka wako; kweni uŵe chandiru cha ŵakuvwana mumazu, mu nkharu, mu chanju, mu chivwanu, mu ukhovu.

1 Timote 5:10

chakusimikizgikiya mu nchitu zeneko, asani chalera ŵana, asani charonde ŵalendo ndi wezi, asani chasambiska marundi gha ŵakupaturika, asani chovya ŵakusuzgika, asani chandondoloska mlimu wose wamampha.

1 Timote 5:2

ŵanthukazi ŵara-ŵara nawo nge mbanyoko; ŵamanako nawo nge mbazichi, mu ukhovu wose.

Tito 1:8

kweni mwanja-ŵalendo, mwanja umampha, wa vinjeru, murunji, mkhovu, wakujitintha;

Tito 2:14

mweniyo wangujipaska pa chifwa chaku ifwe, alinga kuti wawombolenge ifwe kwamu uchikana marangu wose, ndi wajitozgiyenge khamu lapa mtima wake, lakupamphukiya nchitu zeneko.

Tito 2:2

kuti madoda ghaŵe ghamkana vinyo, ghaziza, gha vinjeru, ghakhome mu chivwanu, mu chanju, mu unkhunthiya:

Tito 2:7

mwaku vyose ŵakujirongo chandiru cha milimu yeneko; mu sambizgu lo, ŵakurongo uwurachivuzi, uziza,

Tito 3:14

Ndipo ŵidu nawo ŵasambire kutataliya ku mausiwa ghaufinyi nchitu yamampha, alinga kuti ŵangaŵanga ŵazirachipasi cha.

ŴaHebere 11:2

Chifukwa awaku chenicho ŵaraŵara wo ŵangusimikizgikiya.

ŴaHebere 13:18

Rombani pa chifwa chidu: pakuti tikopeka kuti te nayo njuŵi yamampha, taŵakukhumba mwaku vyose kuja umampha.

Yakobe 1:27

Chisopa chikhovu ndi chambura banga paurongo paku Chiuta Auskefwe nchenichi, kulereze ŵamasiya ndi vyoko mu suzgu yawo ndi kujisunga wambura donthu ku charu.

Yakobe 3:17

Kweni zeru yo njakutuwa kuchanya njikhovu danga, pavuli njachimangu, yakoroŵa yakupemberezgeka wenguwengu, yakuzara lisungu ndi vipasi vyamampha, yambura gangang'u, yizira ufyali.

1 Petro 1:22

Mwati mwatozge mauzima ghinu mu muvwiyo wa uneneska ku kwanjaŵabali kwambura fuvyu, mwanjane kwamtima ndi kwakufwiririyapo:

1 Petro 2:12

Muŵe ndi kajaridu kakutowa mu ŵaMitundu wo; alinga kuti, mwaku chenicho ŵangasuza paku imwe uli mbakuchita uheni, pakuthoŵa nchitu zinu zakutowa ŵakankhuske Chiuta mu zuŵa la kuza kwake.

1 Petro 4:8

Pachanya paku vyose muŵe ndi chanju chakufikapo mwaku mwaŵeni, pakuti chanju chivimba muru wa vilakwa.

2 Petro 3:1

Mwaŵakwanjiwa, ndikulembiyani sono kalata uyu wachiŵi; ndipo mu makalata ghose ghaŵi gho, ndichiska chinjeru chinu cheneko ndi kumkumbuskani,

1 Yohane 3:18

Mwatwana twangu, tinganjiya mu mazu pamwe mu lilime cha; kweni mu nchitu ndi mu uneneska.

1 Yohane 3:3

Ndipo munthu yose wakuŵa nacho chigomekezgu chenichi paku iyo, wajitozga ulaka ndimo waliri wakutowa Yuwa.

1 Yohane 4:1

Mwaŵakwanjiwa, mungavwaniyanga cha mu mzimu we wose, kweni yesani mizimu yo, asani vinu njakutuliya kwaku Chiuta. Pakuti ŵamchimi ŵatesi ŵanandi ŵaburika mu charu.

Ruti 3:11

Ndipo sono, wa mwana wanguungopanga cha ndikakuchitiyanga chose cho upempha, pakuti ŵanyangu wose ŵamu msumba ŵaziŵa kuti we munthukazi wakuzirwa.