ŴaFilipi 4:7 - Tonga Bible 1986

⁷ Ndipo chimangu cho chaku Chiuta, cho chizungura kuwamo kose, chikalindiyanga mitima yinu ndi vinjeru vinu mwaku Kristu Yesu.

ŴaFilipi 4:7 Iomraidhean Croise

Nehemiya 8:10

Sono ŵanguti kwaku wo, “Rutaninga kwinu, kargheninga mafuta ndi kamweninga vinyo wakunowa ndipo vinyake mukatumiyenge yo walivi kujilongosore; pakuti zuŵa ili ndakupaturika ku Ambuya widu; ndipo mungaŵanga ŵachitima cha, pakuti chimwemwe cha Ambuya ndi nthazi yinu.”

Jobu 22:21

“Zomerezgana ndi Chiuta ndipo uŵenge ndi chimangu; mwaku ichi vyamampha vizenge kwaku iwe.

Jobu 34:29

Pa iyo waja cheti, ndiyani wangasuska? Pa wabisa chisku chake, ndiyani wangamuwona; pamwenga ungaŵa mtundu pamwenga munthu,

Sumu 29:11

Ambuya paskani nthazi ku ŵanthu ŵinu! Ambuya tumbikani ŵanthu ŵinu ndi chimangu!

Sumu 85:8

Ndivwenge cho Chiuta Ambuya akakambanga, pakuti akambenge chimangu ku ŵanthu ŵawo, ku ŵatuŵa ŵawo, kwaku ŵeniwo ŵang'anamukiya kwaku iwo mu mitima yawo; asani tirekenge kuwere ku nthowa zidu ziheni.

Nthanthi 2:11

kughanaghana kurunji kukakuphwerenga; kuwamo kukakurongozganga,

Nthanthi 4:6

Ungayirekanga cha, ndipo yikakusunganga; uyanjenge, ndipo yikakulongozganga.

Nthanthi 6:22

Uchenda, vikakurongozganga; uchigona pasi, vikakuvikiliyanga; ndipo asani wayuka vikarongoronga nawe.

Yesaya 26:12

Ambuya mwe, mukatichitiyanga chimangu ifwe, mwatilongosole ifwe nchitu zidu.

Yesaya 26:3

Mutimusunga iyo mu chimangu cheneko, mweniyo mtima wake ukula pinu, chifukwa wagomekezga mwaku imwe.

Yesaya 45:7

Ndiumba ukweru ndi kulenga mdima, ndiŵika umampha ndilenga soka, ndine Ambuya mweniyo wachita vinthu ivi vyose.

Yesaya 48:18

Inya mphanyi ungutegherezga ku marangu ghangu! Po ndipo chimangu chako phatinge chiŵenge uli ndi msinji ndipo urunji wako uli ndi mayigha gha nyanja;

Yesaya 48:22

“Kulivi chimangu,” atiti Ambuya “ku ŵaheni.”

Yeremiya 32:16

“Pavuli ndati ndapaska karata wakuguliskiyapo kwaku Baruki mwana waku Neriya, ndinguromba ku Ambuya ndinguti:

Yeremiya 33:6

Ehe, ndikatolenga kwaku wo umoyo ndi kuchizga, ndipo ndikaŵachizganga ndi kuŵalongo kuzara kwa vyakusakata ndi wanangwa.

Maŵerengedu 6:26

Ambuya ayinuskiye paku imwe chisku chawo, ndi kukupaskani chimangu.

Luka 1:79

kwachiŵaŵaliya ŵakuja mu mdima ndi chiduzi cha nyifwa; kwachirongozge marundi ghidu mu nthowa ya chimangu.”

Luka 2:14

“Unkhankhu kwaku Chiuta mu mdengwendi, ndi panupasi chimangu mu ŵanthu mwaku wo wakondwere.”

Yohane 14:27

Chimangu ndikusiyiyani; chimangu changu nditukupaskani, ine kuti nditukupaskani uli ndimo charu chipaskiya cha. Ungakweŵekanga mtima winu cha, chingana nkhutenthema cha.

Yohane 16:33

Ndakukambiyani vyenivi, alinga kuti mwaku ine muŵe ndi chimangu, mu charu mwe ndi suzgu: kweni khwimani mtima; ine ndachipunda charu.”

ŴaRoma 1:7

Viyo ndilemba kwaku wose ŵamu Roma, ŵakwanjiwa ŵaku Chiuta, wakudanika kuŵa ŵakupaturika. Wezi kwaku imwe, ndi chimangu, kutuliya kwaku Chiuta Auskefwe ndi Ambuya Yesu Kristu.

ŴaRoma 14:17

Chifukwa ufumu waku Chiuta kuti mbunkharghi ndi unkhamwi cha, kweni urunji ndi chimangu ndi chimwemwe mu Mzimu Wakupaturika.

ŴaRoma 15:13

Ndipo Chiuta yo wa chigomekezgu wakuzazeni ndi chimwemwe chose ndi chimangu mu kuvwana, kuti musambasenge mu chigomekezgu, mu nthazi ya Mzimu Wakupaturika.

ŴaRoma 5:1

Viyo pakurunjiskika ndi chivwanu, chimangu te nacho kuchiri kwaku Chiuta mu Ambuyafwe Yesu Kristu;

ŴaRoma 8:6

Asani vinjeru vyako virongozgeka ndi vyo kaŵiro ka unthu kakhumba, vikakurongozgiyanga ku nyifwa, kweni asani vinjero vyako virongozgeka ndi vyo Mzimu ukhumba vikakurongozgiyanga ku umoyo ndi chimangu.

2 ŴaKorinte 10:5

chifukwa tibwanganduwa zimphindanu ndi chiguŵisku chose chakujitumphuska kumikana ndi mziŵiru waku Chiuta, ndikuto ghanaghano lose kuligumizgiya mu umkoli waku mvwiyu waku Kristu,

2 ŴaKorinte 13:11

Pakumariya, mwa ŵabali, paweme! Mukongoreke: musangaruskike; mupimiye chakuyana pe; mujaririyane mu chimangu; ndipo Chiuta wa chanju ndi chimangu waŵenge pamoza namwe.

ŴaGalatia 5:22

Kweni chipasi cha Mzimu nchanju, chimwemwe, chimangu, chilekerezga, ulemu, umampha, ukongorekwa,

ŴaEfeso 3:19

ndikuziŵiska chanju cho chaku Kristu chakuzungura mziŵiru, alinga kuti muzazikiye ku uzali wose waku Chiuta.

ŴaFilipi 1:1

Kalata wakutuwa kwaku Paulo ndi Timote ŵateŵeti ŵaku Kristu Yesu, wose ŵakupaturika mwaku Kristu Yesu, wo ŵe mu Filipi pamoza ndi ŵaliska ndi ŵamlimu.

ŴaFilipi 1:2

Wezi kwaku imwe, ndi chimangu, kutuwa kwaku Chiuta Auskefwe ndi Mbuya Yesu Kristu.

ŴaFilipi 4:19

Ndipo Chiuta wangu wampaskeninga vyose vyo mukavuka uli mbusambasi wake mu unkhankhu mwaku Kristu Yesu.

ŴaFilipi 4:21

Tauzgani wakupaturika yose mwaku Kristu Yesu. Akutauzgani ŵabali ŵa pamoza nane.

ŴaFilipi 4:9

Vyo navyo mungusambira ndi munguronde ndi munguvwa vyo munguwona mwaku ine, chitani vyenivyo; ndipo Chiuta yo wa chimangu wakaŵanga namwe.

ŴaKolose 3:15

Ndipo chimangu chaku Kristu chiuse mu mitima yinu, kwaku chenicho so mungudanikiya mu liŵavu limoza; ndipo muŵe ŵakuwonga.

2 ŴaTesalonika 3:16

Sono Mbuya mweneko wa chimangu wakupaskeni chimangu nyengo zose mu karusu kose. Ambuya ŵaŵe namwe mose.

ŴaHebere 13:20

Ndipo Chiuta iyo wa chimangu, mweniyo wangumyuska ku ŵakufwa Mliska yo Mura wa mberere mu ndopa za chipanganu chamuyaya, ndiyo Ambuyafwe Yesu,

Yuda 1:1

Kalata wakutuwa kwaku Yuda mteŵeti waku Yesu Kristu, ndi mhurwa waku Yakobe, ku ŵakudanika wo ŵakwanjiwa mwaku Chiuta Dada, ndi ŵakusungikiya mwaku Yesu Kristu:

Chivumbuzi 1:4

Yohane ku mipingu yinkhonde ndi yiŵi yamu Asia. Wezi kwaku imwe, ndi chimangu, kutuwa kwaku yo waliko ndi yo wengako ndi yo watuza; ndi kutuwa ku Ŵazimu ŵankhonde ndi ŵaŵi wo ŵe paurongo pa chitengu chake chaufumu,

Chivumbuzi 2:17

Yo we ndi gutu wavwenge cho Mzimu ukamba ku mipingu. Ku wakupunda yo nkhampaskangapo vya mana gho ghakubisika, ndipo nkhampaska nga mwa utuŵa, ndi pa mwa wo zina lifya lakulembekapo, lenilo palive yumoza watiliziŵa, kweni yo waronda pe ndiyo.’