ŴaFilipi 4:19 - Tonga Bible 1986

¹⁹ Ndipo Chiuta wangu wampaskeninga vyose vyo mukavuka uli mbusambasi wake mu unkhankhu mwaku Kristu Yesu.

ŴaFilipi 4:19 Iomraidhean Croise

Chiyambo 48:15

Ndipo wangutumbika Yosefe ndi wanguti, “Chiuta paurongo paku mweniyo ada Abrahamu ndi Yisaki wangwenda, Chiuta mweniyo wandirongozga mu umoyo wangu utali kufika ku zuŵa lino,

2 Samuele 22:7

“Musuzgu yangu ndingudana ku Ambuya; kwaku Chiuta wangu ndingudana. Kutuliya ku nyumba yake yakupaturika wanguvwa mazu ghangu, ndipo nkhuta yangu yinguvwika mu makutu ghake.

2 Mikoka 18:13

Kweni Mikaya wanguti, “Nge ndimo Chiuta walili wamoyo, cho Chiuta wangu warongoro ndicho ndikambenge.”

2 Mikoka 31:8

Penipo karonga Hezekiya ndi mafumu ghake ŵanguza kuzachiwona zindundu, ŵanguthamika Ambuya ndi ŵanthu ŵawo ŵaYisraele,

Nehemiya 5:19

Kumbukani chifukwa cha umampha wangu, a Chiuta wangu, vyose vyenivyo ndachitiya yaŵa ŵanthu.

Nehemiya 9:15

Munguŵapaska chiŵande kutuliya kuchanya chifukwa cha nja yawo ndi munguŵatuzgiya maji mu jarawe chifukwa cha nyota yawo, ndipo munguŵanene kuti ŵaruti kwachihara charu chenicho mungulumbila kuŵapaska.

Sumu 104:24

Ambuya, mwachita vinthu vinandi ukongwa! Ndi zeru yinu mwachita ivi vyose! Charu chapasi chazaza ndi vyose imwe mwalenga.

Sumu 130:7

A! Yisraele, gomekezga mu Ambuya! Chifukwa mwaku iwo mwe chifundu cha muyaya, mu Ambuya mwe uwombozi wakuzara.

Sumu 36:8

Ŵaguta ndi vyauzari vya nyumba yinu, ndipo mutiŵamweska mu msinji wa vyakukondweska vinu.

Sumu 84:11

Ambuya ndi muvikiriya widu ndi karonga wa unkhankhu, kutitumbika ndi wezi ndi ulemu; kuti wanora kanthu kose kamampha cha kwaku wose wo mbakuchita urunji.

Danyele 6:22

“Karonga muŵi ŵamoyo muyaya! Chiuta wangu watuma mungelo wake, wajara milomo ya nkharamu, ndipo kuti zandipweteka cha, chifukwa ndasanirika wambura kalema paurongo pake, ndipo so paurongo pinu, ndilivi kuchita kaheni, a karonga.”

Mika 7:7

Kweni ine, ndilereskenge kwa Ambuya, ndilindizgenge Chiuta yo ndi mtaski wangu; Chiuta wangu wakandivwanga.

Malaki 3:10

Zina ndi vyachichumi vyamphumphu ku nyumba yakusungiyamo, mwakuti muŵe vyakurgha mu nyumba yangu. Po ndipo mudese, atiti Ambuya ŵa maŵanja, asani kuti nkhamujuliyaninga cha madangazi gha kuchanya, ndi kumupunguliyani vitumbiku vyakuzara.

Mateyu 6:32

Chifukwa vyose vyenivi ŵaMitundu ŵalembe; ŵaziŵa Auskemwe ŵakuchanya kuti mukavuka vyenivyo vyose.

Yohane 20:17

Yesu wanena nayo, “Reka kundiko, chifukwa ndindakwere ku Ada; kweni kanga ku ŵabali ŵangu, kaŵanene, ndikwere ku Ada Auskemwe, kwaku Chiuta wangu ndi Chiuta winu.”

Yohane 20:27

Sono wanena ndi Tomase, “Hanawo kuno munwi wako, ndi lereska manja ghangu; hanalo janja lako, ŵika mu liŵaghara langu: ndipo ungaŵangu wambura kuvwana cha, kweni wakuvwana.”

ŴaRoma 1:8

Ndiwonge danga Chiuta wangu mwaku Yesu Kristu pa chifwa chaku imwe mose, pakuti chivwanu chinu chiwanda mu charu chose.

ŴaRoma 11:33

Ndimba nayo ya usambasi wa zeru ndi so wa mziŵiru waku Chiuta; vyeruzgu vyake vizira mapenjeka mbwenu, ndi nthowa zake zizira mateskeka!

ŴaRoma 2:4

Pamwenga uyuyuwa kumbi usambasi wa ulemu wake ndi unkhunthiya ndi chilekerezga, pakureka kuziŵa kuti ulemu wo waku Chiuta ngwakurongozge iwe ku chipe?

ŴaRoma 8:18

Chifukwa ndipima kuti vinkhurukusweka vya nyengo yamakono kuti vi tenere cha kulinganizgika ndi unkhankhu wo ukavumbulikanga kwaku ifwe.

ŴaRoma 9:23

ndipo alinga kuti waziŵiske usambasi wa unkhankhu wake pa ŵanthu wo ŵanguronde lisungu lake, ŵeniwo wangurongosole limu ku unkhankhu,

2 ŴaKorinte 12:21

Nditopa kuti vinu, ndichiza so ine, Chiuta wangu wangandiyuyuska paurongo pinu, ndipo ndingatenjere ŵanandi ŵaku wo ŵalakwa kali, ndi ŵandajipezge pa chifukwa cha ukazuzi wo ndi ureŵi ndi uyaya wo ŵanguchita.

2 ŴaKorinte 4:17

Chifukwa suzgu yidu yiyuyu yakanyengo yititataliya kwakutaruliya taruliya uzituwa muyaya wa unkhankhu wambura mapimika.

ŴaEfeso 1:18

ngati ghangweruskika maso gha mtima winu, alinga kuti muziŵe imwe cho nchigomekezgu cha mdanu wake, wo mbusambasi wa unkhankhuwa chihara chake mu ŵakupaturika wo,

ŴaEfeso 1:7

Mwaku mweniyo te nawo uwombozi mu ndopa zake, chireke icho cha mamphuru ghidu, kwakuyana ndi usambasi wa wezi wake,

ŴaEfeso 2:7

Alinga kuti mu migonezi yo yikazanga warongonge usambasi ukuru wa wezi wake mu wanangwa kuchiri kwaku ifwe mwaku Kristu Yesu:

ŴaEfeso 3:16

kwakulingana ndi usambasi wa unkhankhu wake, kukhomeskeka ndi nthazi mu Mzimu wake mu munthu wamukati:

ŴaEfeso 3:8

Kwaku ine mumanako ku ŵamana limu waku wode ŵakupaturika, ungupaskika wezi wenuwu, kuŵatauliya ŵaMitundu usambasi wambura mapenjeka wo waku Kristu;

ŴaFilipi 4:7

Ndipo chimangu cho chaku Chiuta, cho chizungura kuwamo kose, chikalindiyanga mitima yinu ndi vinjeru vinu mwaku Kristu Yesu.

ŴaKolose 1:27

Kwaku ŵeniwo Chiuta wangukhumba kuvumburiya cho mbusambasi wa unkhankhu wa mangari gho mu ŵaMitundu, ghenigho mwaku imwe ndi Kristu, chigomekezgu cha unkhankhu.

ŴaKolose 3:16

Mazu ghaku Kristu ghaje mwinu kwakusambasa, pa kusambizgana ndi kuchinyirana mu zeru yose, ndi penipo mutumba mu buku la sumu ndi mu sumu ndi sumu zamzimu, kumuwonga Chiuta mu mitima yinu.

1 ŴaTesalonika 2:12

kwenda kwakwenere chiuta, yo wakudaniyanimo mu ufumu ndi unkhankhu waku iyo mweneko.

1 Timote 6:17

Ŵalanguliye ŵasambasi mu mgonezi wa sono kuti ŵareke kujitumphuska, chingana nkhugomekezgapo pa kanthu kakuwura ukhonge ndi chuma, kweni mwaku Chiuta, mweniyo watipaska vyose kwakusakata kuti tikakondweremo;

Filemone 1:4

Ndimwonga Chiuta wangu nyengo zose, ndichizumbuwa mu marombu ghangu,

1 Petro 5:1

Viyo ndichiska ŵara ŵamwaku imwe, ine ndamura munyawo, ndi kaboni wa vyakukomwa vyaku Kristu, ndamsangazi so wa unkhankhu wakukhasa kuvumbulika:

1 Petro 5:10

Ndipo Chiuta wa wezi wose, mweniyo wangumdaniyani ku unkhankhu wake wamuyaya mwaku Kristu Yesu, mwati mwakomwapo kamanavi, mwenecho wafiskenge, wakhozgenge, wakhomeskenge imwe.