ŴaFilipi 4:1 - Tonga Bible 1986

¹ Viyo, mwa ŵabali ŵangu, ŵakwanjiwa ndi ŵakunwekeka, chimwemwe changu ndi chifuku changu ngangamikani viyo mu Mbuya, mwaŵakwanjiwa.

ŴaFilipi 4:1 Iomraidhean Croise

Jobu 31:36

Nadi ndingulipinga pa phewa langu, mphanyi ndingulimangiriya ku mutu wangu nge nchifuku cha ufumu,

Sumu 125:1

Ŵakugomekezga mu Ambuya ŵe uli ndiphiri Zioni, lenilo kuti lingasukuniskika cha, kweni ndakujaririya muyaya.

Sumu 27:14

Lindizga Ambuya; uŵe wanthazi, khwima mtima; inya, lindizga Ambuya!

Mateyu 10:22

Ndipo muŵenge ŵakutinkhika ndi wose pa chifwa cha zina langu: kweni wakukunthiyapo mpaka umari, ndiyo wakataskikanga.

Yohane 8:31

Viyo Yesu wangunena ndi ŵaYuda wo wanguvwana mwaku iyo, “Asani mujaririyenge imwe mu mazu ghagu, nadidi mwe ŵasambizi ŵangu;

Machitidu gha Ŵakutumika 11:23

Mweniyo wanguti wazako, ndi wawona wezi waku Chiuta, wangukondwere; ndipo wanguŵachichizga wose, kuti ndi linweka la mtima ŵamiziriye ku Ambuya;

Machitidu gha Ŵakutumika 14:22

ŵakukhozga mizimu ya ŵasambizi, pakuŵachichizga kujaririya mu chivwanu, ndi kuti mu masuzgu ghanandi kutenere ifwe kusere mu ufumu waku Chiuta.

Machitidu gha Ŵakutumika 2:42

Ndipo ŵajaririyanga chitatata mu chisambizgu cha ŵakutumika, ndi mu wanase wo, ndi mu chimenya cho cha chiŵande, ndi mu marombo gho.

ŴaRoma 2:7

Umoyo wamuyaya kwaku ŵeniwo ŵachita umampha kwalinthata, mbakulembe unkhankhu ndi rumbu ndi uwura chivuzi;

1 ŴaKorinte 15:58

Viyo na, mwa ŵabali ŵangu ŵakwanjiwa, muŵe ŵakuti gwa, ŵambura manderezgeka, ŵakufurwiya nyengo zose mu nchitu ya Ambuya, pakuziŵa kuti mu Mbuya mlimu winu kuti ngwawaka cha.

1 ŴaKorinte 16:13

Khazgani, ngangamikani mu chivwanu chinu muŵe ulaka mbanthurumi.

2 ŴaKorinte 1:14

uli ndimo so mungutizomerezge mwaŵanyake, kuti te chitumbwa chinu, ulaka nge ndimwe namwe mwe chitumbwa chidu, mu zuŵa lo la Ambuya Yesu.

ŴaGalatia 5:1

Ndi wanangwa Kristu watisanduska ifwe ŵanangwa: viyo ngangamikani, ndipo mungawira so cha mu goŵa la uŵanda.

ŴaFilipi 1:27

Chenichi pe, mujijariye kwakwenere evangeli waku Kristu: alinga kuti, chingana nthuza kumuwonani, pamwenga chingana ndiŵe kunyake, ndivwenge vyapaku imwe, kuti mumiya mu mzimu umoza, ndi mtima umoza ŵakurwiya pamoza chivwanu chamu evangeli;

ŴaFilipi 1:8

Chifukwa liuta ndi kaboni wangu, pakuti nditikunwekiyani mose mu vyachitima vyaku Kristu Yesu.

ŴaFilipi 2:16

pakughafumbatiya mazu gha umoyo mwakuti mphanyi ine ndinguzachijikuzga pa zuŵa laku Kristu, pakuziŵa kuti ndengavi kuchimbiya ŵaka chingana nkhutakataka kwa ŵaka.

ŴaFilipi 2:26

pakuti waŵa wakumunwekani mose, ndipo wasuzgika ukongwa, chifukwa munguvwa kuti watama.

ŴaKolose 4:12

Wakutauzgani Epafra, yumoza namwe, muŵanda waku Kristu Yesu, wakurimbarimba mu marombu ghake nyengo zose chifukwa chaku imwe, kuti muŵe ŵakufiskika ndi ŵakukhozgeka mu khumbo lose laku Chiuta.

1 ŴaTesalonika 3:13

alinga kuti akhozge mitima yinu yizira-kalema mu upaturika paurongo paku Chiuta widu Auskefwe, pa uzi wa Ambuyafwe Yesu pamoza ndi ŵakupaturika ŵake wose.

2 ŴaTesalonika 2:15

Viyo na, mwa ŵabali, ngangamikani, koreskani midauku yo mwasambizgika, ndi ifwe mu mazu pamwenga mu kalata widu.

2 Timote 2:1

Viyo iwe, wamwana wangu, jikhomeske mu wezi wamwaku Kristu Yesu.

ŴaHebere 10:23

tikoreske chizomerezga chambura kupetere cha chigomekezgu; chifukwa ngwamagomekezgeka yo wangupangana:

ŴaHebere 3:14

chifukwa taŵa ŵasangazi ŵaku Kristu, asani tikoreska chandiru cha chigomekezgu chidu nganganga mpaka umari;

ŴaHebere 4:14

Viyo pakuŵa ndi Mzukuru Mura mukuru, yo waporota mu machanya, Yesu, Mwana yo waku Chiuta, tikoreske chizomerezgu chidu.

2 Petro 3:17

Viyo imwe, mwaŵakwanjiwa, pakuziŵiya limu vyenivi, jikhazgiyeni vinu, pakugumizgika ndi urandizgi wa ŵazira-marangu, mungadezukako ku ukhozgi waku mwija.