ŴaFilipi 3:7 - Tonga Bible 1986

⁷ Kweni vyo vyose vingundiŵiya vyanduwu, ndavyesa chitayiku chifukwa chaku Kristu.

ŴaFilipi 3:7 Iomraidhean Croise

Chiyambo 19:17

Ndipo ŵanguti ŵaŵatuzga, ŵanguti. “Thaŵani pozomoskani umoyo winu: mungalereskanga kuvuli cha chingana nkhuma kose mu dambo mo; thaŵiyani ku mapiri, vinu mungafya.”

Chiyambo 19:26

Kweni muwoli waku Lote yo wenga kuvuli kwake, wangulereska kuvuli, ndipo wangusanduka chulu cha mche.

Jobu 2:4

Satana wangwamuka Ambuya wanguti, “Khungu ku khungu! Vyose vyo munthu we navyo wakapaskanga kutaska umoyo wake.

Nthanthi 13:8

Thumba lakuwombole umoyo wa munthu mburomba wake, kweni munthu wakusauka walivi nthowa yakuwombokwe.

Nthanthi 23:23

Gula uneneska, ndipo ungauguliskanga cha; gula zeru, kusambizga ndi kuwamo.

Wakutaula 3:6

nyengo yakupenje, ndi nyengo yakutayiya; nyengo yakusunga, ndi nyengo yakupong'a;

Mateyu 16:26

Chifukwa kumovyengenji munthu, asani wanganduwa charu chose, kweni wataye umoyo wake? Pamwenga munthu wapaskenge chine nge ndi maronda gha umoyo wake?

Marko 10:50

Wangutaya munjirira wake, ndipo wakuwuluka wanguza kwaku Yesu.

Luka 14:26

“Asani yumoza watuza kwaku ine, ndi kuti watinkha cha wiske waku yija, ndi nyina, ndi muwoli, ndi ŵana, ndi ŵabali, ndi ŵazichi, ndi so umoyo waku yija nawo, kuti wangaziŵa cha kuŵa msambizi wangu.

Luka 14:33

Viyo ndimo yose mwaku imwe yo wareka kujipatiya vyose vyo wenavyo, kuti wangaziŵa cha kuŵa msambizi wangu.

Luka 16:8

Ndipo mbuyake wangurumba mlindanyumba wambura-urunji mwakuti wanguchita kwakuchenje: pakuti ŵana ŵa magonezi uwu mbachenjezi kuchiri ku mphapu yawo kwakuruska ŵana ŵa ukweru.

Machitidu gha Ŵakutumika 27:38

Ndipo ŵanguti ŵaguta, ŵanguyuyuska ngaraŵa pa kupangaruliya trigu mu nyanja.

ŴaHebere 11:26

ndipo wangweska tozu lo laku Kristu yo uromba ukuru ku usambasi wamu Egipiti pakuti wangulereskako ku chilambula-mphotu.