ŴaFilipi 3:20 - Tonga Bible 1986

²⁰ Chifukwa ifwe msumba widu ngwa kuchanya, kutuwa kweniko tilindizga Mtaski, Mbuyafwe Yesu Kristu:

ŴaFilipi 3:20 Iomraidhean Croise

Sumu 16:11

Imwe mtindirongo nthowa ya umoyo; mugutu wa chimwemwe we mwaku imwe, vyakukondweska mu janja linu la kurghiya vya muyaya.

Sumu 17:15

Nge nkhwaku ine, ndikadodoleskanga chisku chinu mu urunji; penipo ndiyuka, ndikakhorwanga ndi kawonekedu kinu.

Nthanthi 15:24

Gurwi wa ŵazeru warongozge kuchanya ku umoyo, alinga wapambane ndi muunda wa pasi,

Mateyu 19:21

Wangumnene Yesu. “Asani unkhumba kuŵa wakukongora, kanga, kasaske vyo we navyo, paska ku ŵakavu, ndipo uŵenge ndi mbiku kuchanya; ndipo zanga, rondo ine!”

Luka 12:21

Viyo ndimo waliri wakujiŵikiya mbiku, ndi kuti ndi mromba cha kuchiri kwaku Chiuta.”

Luka 14:14

Ndipo uŵenge wakutumbikika; pakuti ŵalive chakuwerezgiyapo kwako: chifukwa kuwerezgekiyenge kwaku iwe mu chiyuka cha ŵarunji.”

Machitidu gha Ŵakutumika 1:11

wo nawo ŵanguti, “Mwaŵanthu ŵaGalile, mwamiyanji ŵakulereska kuchanya? Mwenuyu Yesu, yo warondekako kwinu kuruta kuchanya wamkuza viyo mo mwamwone wachiruta kuchanya.”

1 ŴaKorinte 1:7

viyo kuti mupereŵe mu chawezi cha mzimu che chose so cha pakulindizga uvumbuzi wa Ambuyafwe Yesu Kristu;

1 ŴaKorinte 15:48

Mo waliri wadongu yo, mbaviyo so ŵadongu; ndipo mo waliri wakuchanya yo, mbaviyo so ŵakuchanya.

2 ŴaKorinte 4:18

Tichidaŵira ifwe vyakuoneka cha, kweni vyambura kuwoneka; chifukwa vyakuwoneka vye vyanyengo; kweni vyambura kuwoneka vyamuyaya.

2 ŴaKorinte 5:8

Kweni tikwimadi mtima ndipo ukongwako tinweka kutuwamo mu liŵavu ili ndi kwachija ndi Ambuya.

ŴaGalatia 4:26

Kweni Yerusalemu wakuchanya ngwanangwa, ndipo ndiyo nyinafwe.

ŴaEfeso 2:19

Viyo na kuti mweche ŵalendo so cha ndi ŵakutandara, kweni mwe ŵaufumu, ŵanase ŵa ŵakupaturika wo,

ŴaEfeso 2:6

ndipo wangutiyuska pamoza nayo, ndi kutijarika pamoza nayo mu vyakuchanya vyo, mwaku Kristu Yesu.

ŴaFilipi 1:10

viyo kuti mupanikizge cho nchamampha; ndi kuti muŵe ŵakhovu ndi ŵambura kalema mu zuŵa laku Kristu;

ŴaFilipi 1:27

Chenichi pe, mujijariye kwakwenere evangeli waku Kristu: alinga kuti, chingana nthuza kumuwonani, pamwenga chingana ndiŵe kunyake, ndivwenge vyapaku imwe, kuti mumiya mu mzimu umoza, ndi mtima umoza ŵakurwiya pamoza chivwanu chamu evangeli;

ŴaKolose 1:5

chifukwa cha chigomekezgu cho chiŵikikiya imwe kuchanya. Ndipo ichi nchenicho mukuvwa kali mu mazu gha uneneska wa evangeli, wo mukuronda;

1 ŴaTesalonika 1:10

ndi kwachilindizga Mwana wake wachisoromoka kuchanya, mweniyo wangumyuska ku ŵakufwa Yesu, mweniyo ngwakutitaska ku kandundu ko katuza.

1 ŴaTesalonika 4:16

Pakuti Ambuya ŵeneko ŵakasikanga kutuwa kuchanya ndi mdanu, ndi mazu gha mungelo-mura, ndi ndi mbata yaku Chiuta; ndipo ŵakufwiya mwaku Kristu ŵakayukanga danga:

2 Timote 4:8

chajako kuti chiŵikikiye ine chifuku cho cha urunji, chenicho Mbuya, cheruzga yo murunji, wandipaskenge mu zuŵa liya: ndipo kwaku ine pe cha, kweni so kwaku wose ŵeniwo ŵanja chiwoneka chake.

Tito 2:13

pakulereze chigomekezgu cho chamwaŵindi chiwoneka cha unkhankhu waku Chiuta mkhuru ndi wa Mtaski widu Yesu Kristu;

ŴaHebere 12:22

Kweni mwaziya ku phiri Zioni ku Msumba waku Chiuta wamoyo, Yerusalemu wakuchanya, ndi ku maurapasi ghakuru gha ŵangelo,

ŴaHebere 9:28

viyo Kristu nayo, wati waperekeka kamoza kwachinyamuliya vilakwa ŵanandi, wamwoneka kachiŵi, kwambura maulakwi, ku ŵakumlereze, kwachiŵataska.

Chivumbuzi 1:7

Awonani, watuza pa mitambo; ndipo jiso lose lizakumuwona, ndi wo wose ŵangumugwaza; ndipo mafuku ghose gha panupasi ghaketenjerenga paku iyo. Inyadi; Ameni.