ŴaFilipi 3:2 - Tonga Bible 1986

² Cheŵani nawo ŵagaru wo, cheŵani ndi ŵanchitu ŵaheni, cheŵani ndi ŵakujichinja ku liŵavu,

ŴaFilipi 3:2 Iomraidhean Croise

Sumu 119:115

Tuwaniko kwangu, mose mwaŵakuchita utimbanizi, mwakuti ndisungenge malangulu ghaku Chiuta wangu.

Sumu 22:16

Inya, ŵagaru ŵandizingirizga; mpingu wa ŵakuchita uheni wandikwetere; ŵarasa manja ghangu ndi marundi ghangu.

Sumu 22:20

Pozomoskani mzimu wangu ku lipanga, umoyo wangu ku nthazi ya garu!

Nthanthi 26:11

Uli ndi garu yo wawere pa maukuzi ghake ndimu walili mubereŵeza mweniyo wawerezgapo ubereŵeza wake.

Mateyu 24:10

Ndipo penipo ŵaguŵiskikenge ŵanandi, ŵapachiyanenge, ndipo ŵatinkhanenge.

Mateyu 7:15

“Cheŵani ndi ŵamchimi ŵatesi, ŵeniwo ŵatuza kwaku imwe mu kavwaridu kamberere, kweni mukati ndi mphumphi zakufyonkhonyo.

Mateyu 7:6

“Mungapaska cho nchikovu ku ŵagaru cha, chingana ndi ngare zinu mungaponga paurongo pa nguruŵi zo cha, vinu zingaphwatapo ndi marundi ghawo, ndipo, pakuweko, zingakuzwa-nduwani.

ŴaRoma 2:28

Chifukwa kuti ndiyo muYuda cha, yo ngwamu kawonekedu pe; chingana nkhuti ndiwo mchinju cha, wo ngwamu kawonekedu mu liŵavu:

2 ŴaKorinte 11:13

Chifukwa ŵaviyo mbakutumika ŵatesi, ŵanchitu ŵakufuvya ŵakujisanduska ŵeneko kuŵa nge mbakutumika ŵaku Kristu.

ŴaGalatia 5:13

Chifukwa imwe, mwabali, mungudanikiya ku wanangwa; kweni mungasanduska wanangwa winu chitendeku cha liŵavu cha, kweni mu chanju teŵeteranani.

ŴaGalatia 5:15

Kweni asani murumana ndi muturghan, cheŵani vinu mungamarizgana.

ŴaGalatia 5:6

Chifukwa mwaku Kristu Yesu chingana ndi mchinju kuti ngwakovya kanthu cha, chingana nkhuwura mchinju; kweni chivwanu chakutataliya mu chanju.

ŴaFilipi 3:19

Ŵeniwo kamaridu kawo nkhutayika, waku ŵeniwo chiuta ndi rufu lawo, ndi unkhankhu wawo we mu soni yawo, wo ŵaghanaghaniya vyapanupasi.

ŴaFilipi 3:3

chifukwa ifwe te ŵamchinju ŵa uneneska wo mbakusopa Chiuta mu Mzimu, ndi mbakutumbwiya mwaku Kristu Yesu, ndi ŵambura kugomekezga mu liŵavu.

1 Timote 1:19

pakuŵa ndi chivwanu ndi njuŵi yamampha, yeniyo ŵanyake ŵajipankhuliya, ndipo ŵagaruka kuchiri ku chivwanu cho:

Tito 1:16

Ŵazomera kuti mbakumziŵa Chiuta; kweni ndi nchitu zawo ŵatumkana, pakuŵa ŵauziya, ndi ŵamtafu, ndi ku nchitu yose yamampha ŵambura kwenere.

2 Petro 2:22

Chaŵaŵiyacho cha nthanthi yakuneneska, “Garu wawereko ku bukuzi lake, ndipo nkhumba yisamba kwachikunkhuruka mu urambwi.”

Yuda 1:4

Chifukwa ŵakwaŵiyamo kwaudeke ŵanthu ŵanyake wo kali ŵangutemeke limu ku chisusa chenichi, ŵambura uwopa Chiuta, ŵakusanduska wazi waku Chiuta widu ku uyaya, ndi ŵakumkana mweneko yija ndi Mbuyafwe Yesu Kristu.

Chivumbuzi 2:9

“ ‘Ndiziŵa suzgu yako ndi ukavu wako (kweni ndiwe msambasi!) ndiziŵa mtonyoro wa ŵakujitamula kuti mbaYuda, po kuti mbaviyo cha, kweni mbampingu waku Satana.

Chivumbuzi 21:8

Kweni nge nkhu ŵamantha, ndi ŵazirakuvwana, ndi ŵaunyakazi, ndi ŵambanda ndi ŵareŵi, ndi vyanusi, ndi ŵakusopa-ngoza, ndi ŵatesi wose, chigaŵa chawo nchamu nyanja yo yakukole moto ndi fukunyira yeniyo ndi nyifwa yachiŵi.”

Chivumbuzi 22:15

Kubwaro kwe ŵagaru, ndi vyanusi, ndi ŵareŵi, ndi ŵambanda, ndi ŵakusopa-ngoza, ndi yose wakwanja ndi wakuchita utesi.

Chivumbuzi 3:9

Awona, nkhaŵachitanga ŵamu mpingu waku Satana, wo ŵatijitamula kuti mbaYuda, ndipo kuti mbaviyo cha, mbatesi, awona, nkhaŵachitanga kuti ŵazenge ndi kulambiya paurongo pa marundi ghako, ndipo ŵakaziŵanga kuti ine ndakwanja iwe.