ŴaFilipi 3:18 - Tonga Bible 1986

¹⁸ Chifukwa ŵatenda ŵanandi, ŵeniwo ndamkambiyani panandi, ndipo sono napu ndawakuliya ndikamba, kuti mbamawongu ŵa mphinjika yaku Kristu.

ŴaFilipi 3:18 Iomraidhean Croise

Sumu 119:136

Masozi ghangu ghadika nge ndi msinji, chifukwa ŵanthu kuti ŵasunga dangu linu cha.

Yesaya 8:11

Pakuti Ambuya ndimu angukambiya nane viyo, ndi janja lawo la nthazi paku ine, angundichenjezga kuti ndireke kwenda mu nthowa ya ŵanthu yaŵa, anguti,

Yeremiya 13:17

Kweni asani murekenge kutegherezga, mzimu wangu ukatenjenga ku ubende chifukwa cha kujikuzga kwinu; maso ghangu ghakaliyanga ukongwa ndi kumphororoska masozi, pakuti mskambu wa Ambuya wayoreke ku umkoli.

Yeremiya 9:1

Aha, mphanyi mutu wangu wenga maji, ndi maso ghangu chisima cha masozi alinga kuti ndiliye msana ndi usiku chifukwa cha ŵakubayika ŵa ŵanthu ŵangu!

Danyele 4:37

Sono ine, Nebukadanezara ndikankhuska, ndi kukuzga, ndi kutumbika Karonga wakuchanya, chifukwa nchitu zake zose zakurunjika; ndipo wo ŵatenda kwakujikuzga waziŵa kuŵayuyuwa.

ŴaLevi 11:16

ositirichi, manchinchi, mbuye, kabaŵi wa mtundu wose,

ŴaLevi 13:8

ndipo mzukuru wakamupimanga, asani twakutupa to twafwapuka mu khungu, po sono mzukuru wakanenanga kuti ngwakunguzgika; ndi makhate.

Luka 19:41

Ndipo pakuŵandika, wati wawona msumba wo, wanguliriya pake,

Machitidu gha Ŵakutumika 20:19

wakuteŵete Ambuya ndi kujiyuyuwa-mtima, ndi masozi, ndi mesedu ghakundiŵiya mafingu gha ŵaYuda;

ŴaRoma 9:2

kuti nde nacho chitima chikuru ndi urwirwi wambura kulekezga mu mtima wangu.

1 ŴaKorinte 1:18

Chifukwa kwaku wo mbakuyowa mazu gha mphinjika nkhupusa; kweni kwaku ifwe taŵakutaskika ndi nthazi yaku Chiuta.

1 ŴaKorinte 6:9

Pamwenga asi muziŵa kuti ŵaziraurunji kuti ŵakaharanga ufumu waku Chiuta cha? Mungarandizgika cha: ŵareŵi, chingana mbakusopangoza, chingana mbarowozi, chingana mbauyaya, chingana mbakura ndi ŵanthurumi,

2 ŴaKorinte 11:13

Chifukwa ŵaviyo mbakutumika ŵatesi, ŵanchitu ŵakufuvya ŵakujisanduska ŵeneko kuŵa nge mbakutumika ŵaku Kristu.

2 ŴaKorinte 11:29

Njani watomboroka, ndipo ine ndirive kutomboroka? Njani waguŵiskika, ndipo ine ndirive kufya mtima?

2 ŴaKorinte 2:4

Ndingumlembiyani mu suzgu yeni yikuru, mu urwirwi wa mtima ndi mu masozi ghanandi; kuti ndakhumbanga kumukwininiskani cha, kweni kuti muchiziŵe chanju chakuzara cho nde nacho mwaku imwe.

ŴaGalatia 1:7

ndi kuti murata ku evangeli munyake; ndikweni kuti ngunyake cha: kweni ŵanyake ŵalipo wo ŵatumkweŵeskani, ndipo ŵakhumba kupepetuwa evangeli waku Kristu.

ŴaGalatia 2:14

Kweni penipo ndinguona kuti ŵengavi kurunjika kuchiri ku uneneska wo wa evangeli, ndingunena ndi Kefa paurongo paku wose, “Asani iwe, pakuŵa muYuda ujariya ulaka mbaMitundu, ndi nge mbaYuda cha, ukakamizga uli ŵaMitundu kuti ŵaŵi ŵaYuda?”

ŴaGalatia 2:21

Kuti ndiunanga cha wezi waku Chiuta: chifukwa asani mu chilangulu mwe urunji, ipu Kristu wangufwa waka.

ŴaGalatia 5:21

zimbembi, mapambuku, viŵinu, mauloŵevu, vindimba, ndi vyakulingana navyo: kuchiri kwaku vyenivyo ndikuchenjezgiyani limu, nge ndimo ndingumuneniyani kali, kuti wakuchita vyaviyo kuti waherenge ufumu waku Chiuta cha.

ŴaGalatia 6:12

Wo wose ŵakhumba kuwoneka umampha mu nyama, ndiwo ŵakukakamizgani kuchinjika; kweni mwakuti ŵareke kuŵembeka chifukwa cha mphinjika yaku Kristu.

ŴaGalatia 6:14

Kweni kungandiwiya ine chakutumbwa, kweni mu mphinjika yo ya Ambuyafwe Yesu Kristu, mwaku yo charu chapayikikiya kwaku ine, ndi ine ku charu.

ŴaEfeso 4:17

Viyo chenichi ndikamba ndi kusimikizgiya mu Mbuya, kuti mungendanga so cha, imwe, uli ndimo ŵatende ŵaMitundu nawo, mu uzereza wa vinjeru vyawo,

ŴaFilipi 1:4

Nyengo zose mu niniziku langu chifukwa chaku mose ndichita kuninizika ndi chimwemwe,

1 ŴaTesalonika 4:6

paŵevi yumoza wakunyumba ndi wakuŵiniwa mbali wake mu kanthu: chifukwa kuti Ambuya ndi mweruzgi mwaku vyenivyo vyose, nge ndimo tingumkambiyani limu ndi kusimikizga.

2 ŴaTesalonika 3:11

Chifukwa tituvwa kuti ŵanyake mbakwendaenda mwaku imwe kwaukata wakutata mlimu cha, kweni wamwendanatu.

2 Petro 2:10

kweni ukongwa wo mbakwende mu nyama mu ulakalaka wa ukazuzi, ndi mbakuyuyuwa mtufu. Ŵachiganga wo, ŵakajivwiyi, ŵalive chitenthe ŵachinanga pa vyaunkhankhu:

Yuda 1:13

mayigha ghakari gha nyanja, ghenigho ghamokoka phovu la soni zawo; nyenyezi zakurandiyarandiya, kwaku zenizo wasungikiya munkhorwe wa mdima muyaya.