ŴaFilipi 3:13 - Tonga Bible 1986

¹³ Mwa ŵabali, kuti ndijipima ine kuti ndachibwakiya sono cha; kweni chinthu chimoza ndichita, pakujiruwiya vyakuvuli, ndi kutambazukiya ku vyakuurongo,

ŴaFilipi 3:13 Iomraidhean Croise

Sumu 27:4

Chinthu chimoza ndafumba ku Ambuya, chenicho ndicho ndikapenjanga; kuti ndijaririye mu nyumba ya Ambuya mazuŵa ghose gha umoyo wangu, kudaŵira kunozga kwa Ambuya, ndi kupenjeska mu nyumba yawo yakupaturika.

Sumu 45:10

Vwanga, wa mwana munthukazi we, ghanaghana, tegherezga gutu lako; uruwe ŵanthu ŵako ndi nyumba ya ausu;

Luka 10:42

kweni kwe msowu wa chimoza: ndipo Mariya watondo chigaŵa chamampha cho, chenicho kuti chituzgikengeko kwaku iyo cha.”

Luka 9:62

Kweni Yesu wanguti kwaku iyo, “Palive yumoza wakuŵikapo janja lake pa chilimiru, ndi wakulereska ku vyakuvuli, ngwakwenere ku ufumu waku Chiuta.”

2 ŴaKorinte 5:16

Viyo na, ifwe kutuwa ku sono kuti tiziŵa yumoza uli nkhu liŵavu cha: chingana napo tamziŵa Kristu uli nkhu liŵavu, ndikweni sono kuti timziŵa viyo so cha.

ŴaFilipi 2:12

Viyo na, mwaŵakwanjiwa ŵangu, uli ndimo nyengo zose mwavwiyanga ndi penipo ndinguŵako kwinu pe cha kweni ukongwa limu sono pa kuŵako kwangu kunyake, takatakiyani utaski waku mwaŵeni mu wofi ndi chitenthe;

ŴaFilipi 3:12

Kuti ndikamba kuti ichi ndikuronde kali pamwenga kuti nde wakuphotoka kali cha; ndilimbalimba kuti chiŵi changu, chifukwa Kristu Yesu wandisanduska kuŵa wake.

ŴaFilipi 3:8

Nadi ndapima vyose kuŵa chitayiku chifukwa cha mziŵiru wakuzungura pakumuthoŵa Kristu Yesu Ambuyangu. Chifukwa chaku iyo ndataya, vyose, ndipo ndituvyesa mitawi alinga kuti ndanduwe Kristu,

ŴaHebere 6:1

Viyo pakusiya mazu ghakutendeka gho ghaku Kristu, titinthimikiye ku mfisku wo; kujarika so cha chiŵanja cha chipe cha kutuwako ku nchitu zakufwa, ndi cha chivwanu chamwaku Chiuta,

2 Petro 3:8

Kweni kenaka, kamoza kangamsoŵani, mwaŵakwanjiwa, kuti zuŵa limoza ku Mbuya le nge ndi virimika chikwi, ndi virimika chikwi nge ndi zuŵa limoza.