ŴaFilipi 3:12 - Tonga Bible 1986

¹² Kuti ndikamba kuti ichi ndikuronde kali pamwenga kuti nde wakuphotoka kali cha; ndilimbalimba kuti chiŵi changu, chifukwa Kristu Yesu wandisanduska kuŵa wake.

ŴaFilipi 3:12 Iomraidhean Croise

Jobu 17:9

Ndipuuli murunji walemetere ku nthowa yake, ndipo yo wendi manja ghakuphotoka wakuwakuwa ndi nthazi.

Sumu 119:5

Mphanyi nthowa zangu zinguŵa zakufikapo pa kusunga marangu ghinu!

Sumu 138:8

Mukafiskanga che chose cho mukupangana nane, Ambuya, nchamuyaya chifundu chinu. Fiskani nchitu yo mwayamba.

Sumu 42:1

Mo mphala yiŵeŵefukiya misinji ya maji, viyo mzimu wangu uŵeŵefukiya imwe, A Chiuta.

Sumu 63:8

Mzimu wangu uskepere kwaku imwe; janja linu lakurghiya landikoreze.

Sumu 84:2

Mzimu wangu unweka, inya uŵeŵefukiya kuja mu maluluwa gha Ambuya; mtima wangu ndi luŵavu langu lose vikoŵere chimwemwe kwaku Chiuta wamoyo.

Sumu 94:15

Urunji ukasanirikanga so mu mphara zakweruzgiyamo, ndipo ŵakawurondonga wose wo mbakutuwamu mtima.

Nthanthi 4:18

Kweni nthowa ya ŵarunji ye uli mbukweru wa matandakucha weniwo utuwiya-tuwiya mpaka kwachiya limu.

Yesaya 51:1

Tegherezgani kwangu, imwe mundondoloska utaski, imwe mupenja Ambuya; lereskani ku jarawe kwaku lo mungubanthukako, kuzenje lenilo mungukumbikako.

Hoseya 6:3

Tiyeni tiziŵe, ndi tifwiririyepo kuziŵa Ambuya; kuruta kwawo nkhwambura kukayika nge nkhumatandakucha; azenge kwaku ifwe nge ndi vuwa, nge ndi vuwa yakudanga yo yizumbwiska charu.”

Mateyu 5:48

Viyo muŵenge ŵarunji imwe, nge ndimo Auskemwe ŵakuchanya ŵaliri ŵarunji.

Machitidu gha Ŵakutumika 9:15

Kweni Ambuya angumunene, “Rutanga, pakuti mweniyo nchiyaŵi chakusankhikiya ine, kwachipingiya zina langu pa Mitundu yo ndi so ŵakaronga, ndi ŵana ŵaku Yisraele;

ŴaRoma 8:39

chingana ndi wima, chingana ndi mtota, chingana nchakulengeka chose chamwenga, kuti chiziŵa kutipatuwa cha kutuwa ku chanju chaku Chiuta mwaku Yesu Kristu Ambuyafwe.

1 ŴaKorinte 13:10

kweni penipo chikazanga chakufikapo cho, cho chamalinga chikawayukanga.

1 ŴaKorinte 13:12

Chifukwa sono tiwona kazimuzimu nge ndimo tilereske, pa chakuwonapo (galasi) kwakusachizga kweni penipa tazamuwonana chisku ku chisku, sono ndiziŵa kwamalinga; kweni penipa nkhaziŵisiskanga uli ndimo ndaziŵikwiya.

1 ŴaKorinte 9:24

Asi muziŵa kuti ŵakuchimbiya mu maphara ŵachimbiya wose, kweni yumoza ndiyu waronde mphotu? Chimbiyani viyo kuti muronde.

2 ŴaKorinte 13:9

Chifukwa tikondwa, penipo titomboroka ifwe, ndipomwe ŵanthazi imwe: chenichi nacho tirombe, kukongora kwinu,

2 ŴaKorinte 7:1

Viyo pakuŵa ndi mapanganu ghenagha, mwaŵakwanjiwa, tijitozge ku ukazuzi wose wa liŵavu ndi mzimu, ndipo tiŵe ŵakhovu mu chopu chaku Chiuta.

ŴaGalatia 5:17

Chifukwa liŵavu lilakalakiya pa mzimu, ndi Mzimu pa liŵavu; pakuti vipindikana vyenivyo, viyo kuti vyenivyo mungakhumba, ndivyo kuti mungachita cha.

ŴaEfeso 1:4

uli ndimo wangutisankhiya limu mwaku iyo, chenga chindajarikike charu, kuti tiŵenge ŵakupaturika ndi ŵambura kalema paurongo pake.

ŴaEfeso 4:12

kwachikongoreske ŵakupaturika wo ku mlimu wa uteŵeti, kwachizenge liŵavu lo laku Kristu;

ŴaFilipi 1:1

Kalata wakutuwa kwaku Paulo ndi Timote ŵateŵeti ŵaku Kristu Yesu, wose ŵakupaturika mwaku Kristu Yesu, wo ŵe mu Filipi pamoza ndi ŵaliska ndi ŵamlimu.

ŴaFilipi 3:16

Kweni tiyeni cho taronde tichikoreze mu uneneska.

ŴaFilipi 3:3

chifukwa ifwe te ŵamchinju ŵa uneneska wo mbakusopa Chiuta mu Mzimu, ndi mbakutumbwiya mwaku Kristu Yesu, ndi ŵambura kugomekezga mu liŵavu.

ŴaFilipi 3:8

Nadi ndapima vyose kuŵa chitayiku chifukwa cha mziŵiru wakuzungura pakumuthoŵa Kristu Yesu Ambuyangu. Chifukwa chaku iyo ndataya, vyose, ndipo ndituvyesa mitawi alinga kuti ndanduwe Kristu,

1 ŴaTesalonika 5:15

Thoŵani kuti paŵevi yumoza wakuwe'ezge munyake uheni pa uheni; kweni nyengo zose penjiyanani cho nchamampha, yumoza ku munyake, ndi kwaku wose.

2 ŴaTesalonika 2:13

Kweni titenere ifwe kumwonga Chiuta nyengo zose pa chifukwa chinu, mwa ŵabali ŵakwanjika ndi Mbuya, pakuti Chiuta wakumusankhani pa mteneku kuti mutaskike, mukuphotoreka ndi Mzimu ndi mu chivwanu chamu uneneska.

1 Timote 5:10

chakusimikizgikiya mu nchitu zeneko, asani chalera ŵana, asani charonde ŵalendo ndi wezi, asani chasambiska marundi gha ŵakupaturika, asani chovya ŵakusuzgika, asani chandondoloska mlimu wose wamampha.

1 Timote 6:19

ŵakujiŵikiya chiŵanja chenecho chaku mkucha, alinga kuti ŵajibwakiye umoyo wo weniwo mbumoyo weniweni.

ŴaHebere 12:14

Rondoni chimangu kuchiri kwaku wose, ndi utozi nawo, wambura weniwo paŵengevi yumoza wamuwona Mbuya.

ŴaHebere 12:23

ku ungano ndi ekleziya la ŵakupapika danga ŵakulembeka kuchanya, ndi kwaku Chiuta, mweruzgi waku wose, ndi ku ŵazimu ŵa ŵarunji ŵakufiskika,

ŴaHebere 13:21

wakongoreske imwe ku mlimu wose wamampha, kwachichita khumbu lake, ndi watataliye mwaku imwe cho nchakukondweska paurongo pake, mwakuYesu Kristu; kwaku mweniyo kuŵiyenge unkhankhu muyaya-muyaya, Ameni.

Yakobe 3:2

Asani munthu wareka kuguŵa mu mazu, ndiyo munthu wakufiskika, wanthazi kulitintha liŵavu lizirima nalo.

1 Petro 5:10

Ndipo Chiuta wa wezi wose, mweniyo wangumdaniyani ku unkhankhu wake wamuyaya mwaku Kristu Yesu, mwati mwakomwapo kamanavi, mwenecho wafiskenge, wakhozgenge, wakhomeskenge imwe.

2 Petro 3:18

Kweni kuliyanimu wezi ndi mziŵiru wa Ambuyafwe ndi Mtaski Yesu Kristu. Mwaku iyo kuŵiye unkhankhu wo sono ndi ku zuŵa lamuyaya. Ameni.