ŴaFilipi 3:10 - Tonga Bible 1986

¹⁰ kuti ndimziŵe iyo, ndi nthazi yo ya chiyuka chake, ndikuti ndisangane nayo mu vyakukomwa vyake, kuŵa nge ndiyo mu nyifwa yake,

ŴaFilipi 3:10 Iomraidhean Croise

Yeremiya 9:23

Viyo atiti Ambuya, “Munthu wazeru wareke kutumbwiya mu zeru zake, wakulimba wareke kutumbwiya mu kulimba kwake, musambasi wareke kutumbwiya mu usambasi wake;

Mateyu 20:23

Waŵanene, “Nkhombo yangu mu mwenge, kweni kuja ku marghe kwangu ndi kumaze, kuti nkhwaku ine cha kupaska kweni kwaku wo kwaŵarongosoleke ndi Ada.”

Yohane 10:18

Palive yumoza wati wukwamphuwa kwaku ine, kweni ndiwuŵika pasi ine ndameni. Mtufu nde nawo kwachiwuŵika pasi, ndipo nde ndimtufu kwachiwuto so. Langulu lenili ndinguronde ku Ada.”

Yohane 17:3

Ndipo chenichi mbumoyo wamuyaya, kuti ŵanthu ŵakuziŵeni imwe, Chiuta yija muneneska ndi so Yesu Kristu mweniyo mungutuma.

ŴaRoma 8:17

kweni asani te ŵana, te ŵakuhara so; ŵakuhara ŵaku Chiuta, ndi ŵakuhara ŵamasanga ndi Kristu; asani tikomwe pamoza nayo, alinga kuti tikankhuskikiye so pamoza nayo.

ŴaRoma 8:29

Pakuti ŵeniwo wanguŵaziŵiya limu, wanguŵateme limu wo kuyana ndi chikozgu cha Mwana wake, kuti waŵe iyo muku wawo wa ŵabali ŵanandi;

ŴaRoma 8:36

Uli ndimo kwalembeke, “Pa chifukwa chaku imwe tibayika msana wose; tapimika nge ndi mberere zakwachibayika.”

2 ŴaKorinte 1:10

Yo ku nyifwa yeni yikuru yaviyo wangutitaska, ndipo wamkutitaska: mwaku mweniyo tagomekezga kuti wakatitaskanga so.

2 ŴaKorinte 1:5

Pakuti uli ndimo malikomwa ghaku Kristu ghafurwiya mwaku ifwe, viyo mwaku Kristu lifurwiya sangarusku lidu nalo.

2 ŴaKorinte 13:4

Chifukwa nanga wangupayikikiya mu unthomboru, ndikweni wajariya wamoyo mu nthazi yaku Chiuta. Chifukwa nafwe te ŵakutomboroka mwake, kweni pakutakataka ndi imwe tijariyenge ŵamoyo pamoza ndi iyo mu nthazi yaku Chiuta.

ŴaGalatia 2:20

Pamoza ndi Kristu ndapayikika; kweni nde wamoyo; kweni ine so cha, kweni ndi Kristu yo waja wamoyo mwangu: ndipo umoyo wo ndijariya sono mu liŵavu, ndiujariya mu chivwanu cha mu Mwana yo waku Chiuta, yo wangundanja, ndi wangujipereka pa chifukwa chaku ine.

ŴaGalatia 6:17

Kutuwa ku sono wareke munthu kundijarizga: chifukwa ine ndipinga mu liŵavu langu simbu zaku Yesu.

ŴaEfeso 4:13

mpaka tamfikiya tose ku umoza wo wa chivwanu, ndi wa chiziŵisku cha Mwana waku Chiuta; ku munthu wakukhoma, ku mwesu wa msinkhu wakufikapo wa uzali waku Kristu,

ŴaFilipi 3:8

Nadi ndapima vyose kuŵa chitayiku chifukwa cha mziŵiru wakuzungura pakumuthoŵa Kristu Yesu Ambuyangu. Chifukwa chaku iyo ndataya, vyose, ndipo ndituvyesa mitawi alinga kuti ndanduwe Kristu,

ŴaKolose 1:24

Sono ndikondwere mu malikomwa ghangu ghapa chifukwa chinu, ndipo mu liŵavu langu ndifiskiyamo vyakupere vya suzgu yaku Kristu pa chifukwa cha liŵavu lake, lenilo ndi eklesiya lo.

ŴaKolose 2:13

Ndipo imwe, mwaŵakufwa mu mamphuru ndi uura muchinju wa liŵavu linu, wangumuchitiyani imwe ŵamoyo pamoza nayo, pakutireke mamphuru ghidu ghose;

ŴaKolose 3:1

Viyo asani mwayuskika pamoza ndi Kristu, lembeni vya kuchanya, kweniko kwe Kristu, wakujariya ku janja lamarghe laku Chiuta.

1 Petro 1:3

Warumbike Chiuta wiske wa Mbuyafwe Yesu Kristu, mweniyo kwakuyana ndi unandi wa lisungu lake wangutipapiya so ku chigomekezgu chamoyo mu chiyuka chaku Yesu Kristu ku ŵakufwa,

2 Petro 1:13

Ndipo ndipima kuti nkhwakwenere, po pose ndeche mu hema lenili, kumyuskani ndi kumkumbuskani;

1 Yohane 2:3

Ndipo mwaku chenichi tiziŵa kuti timziŵa iyo, asani tisunga marangu ghake.

1 Yohane 2:5

kweni mweniyo yose wasunga mazu ghake, nadidi mwaku iyo chanju chaku Chiuta chifiskika. Mwaku chenichi tiziŵiska kuti te mwaku iyo;

Chivumbuzi 1:18

ndi yo ngwamoyo; ndinguŵa wakufwa, ndi onani, nde Wamoyo ku muyaya ndi muyaya, ndipo nde nayo mijuriru ya Nyifwa ndi Hadesi.