ŴaFilipi 2:6 - Tonga Bible 1986

⁶ mweniyo pakuŵa mu muŵiru waku Chiuta, wengavi kulipima yanu lake ndi Chiuta kanthu kakuphangika,

ŴaFilipi 2:6 Iomraidhean Croise

Yesaya 7:14

Chifukwa ichi Ambuya ŵeneko ŵakakupaskaninga chisimikizgu. Ehe, munthukazi mwali wakazuukanga wapapenge mwana munthurumi, ndi wadanenge zina lake Immanuele.

Yesaya 8:8

ndipo ukapeyanga kurutiriya ku Yuda, ukasapatiyanga ndi kurutiriya kuurongo, kwachifika ndi ku khosi viyo, ndipo mapapa ghake ghakutambarukiya kubwalo ghakazazanga usani wa charu chako, Immanuele we.”

Yesaya 9:6

Pakuti kwaku ifwe mwana wapapika kwaku ifwe kwapaskika mwana munthurumi, ndipo weruzgi ukaŵanga pa pheŵa lake, zina lake likadanikanga “Wakupaska fundo Wakuziziswa, Chiuta wanthazi, Dada wa Muyaya, Karonga wa Chimangu.”

Yeremiya 23:6

Mu mazuŵa ghake Yuda wakataskikanga, Yisraele wakajanga umamphavi ndipo ili ndilo zina wakadanikanga nalo: ‘Ambuya mburunji widu.’

Mika 5:2

Kweni iwe, Betelehemu Efrata, wamweniwe we mumana kuŵa mukati mu mafumu ghaku Yuda, mwaku iwe mukawiyanga kutuwa kwaku ine wakuusa, mu Yisraele, mweniyo chandilu chake nchakali ukongwa, chituwa ku mazuŵa ghamwaka.

Zekariya 13:7

“Yuka, lipanga, pa mliska wangu, pa munthu yo watuma pafupi ndi ine,” atiti Ambuya ŵa maŵanja. “Koso mliska, kuti mberere zimbininike; ndiwezgiyenge janja langu pa zimana-zimana.

Mateyu 1:23

“Onani, mwali yo waŵenge ndi nthumbo, ndipo wapapenge mwana munthurumi, ndipo zina lake wadanikenge Immanuele”; lenilo pakung'anamulika ndi, Chiuta pamoza nafwe.

Yohane 1:18

Palive yumoza yo kali kose wamuwona Chiuta, Mwana yo wakuwayija, yo ngwamu chipakatu cha Dada, ndiyo wamvumbuwa.

Yohane 10:30

Ine ndi Ada te ŵamoza.”

Yohane 10:33

Ŵangumwamuka ŵaYuda, “Kuti tikupong'a mya chifukwa cha nchitu yamampha cha, kweni pa chifwa cha utusi, ndi so pakuti iwe, pakuŵa munthu, uzisanduska Chiuta.”

Yohane 10:38

Kweni asani ndizu ndichita, chingana mureke kuvwaniya mwangu, vwaniyani mu nchitu so; alinga kuti muziŵe ndi kufikapo mtima kuti Dada we mwaku ine, ndi ine mu Dada.”

Yohane 14:28

Munguvwa mo ndingukuneniyani, ‘Ndiruta, ndipo ndamukuza so kwaku imwe.’ Asani mungundanja, mphanyi mwakondwere, chifukwa ndiruta ku Dada; pakuti Dada ndi muraku kwaku ine.

Yohane 14:9

Yesu wamnene, “Nyengo yitali yaviyo ndaŵa pamoza namwe, ndipo kumbi ulive kundiziŵa, Filipu? Yo wawona ine, wawona Ada. Ukamba uli iwe, ‘Tirongoni Dada’?

Yohane 17:5

Ada! Ndipaskeni unkhankhu mu maso ghinu sono, nge mbunkhankhu wo ndaŵanga nawo kwinu, chenga chindaŵepo charu.

Yohane 20:28

Wangwamuka Tomase, wangunena nayo, “Ambuyangu ndi Chiuta wangu!”

Yohane 5:18

Viyo chifukwa chenicho ŵaYuda ŵapenjanga ukongwa kumbaya, chifukwa kuti Sabata pe cha, kweni so chifukwa wakambanga kuti Chiuta ndi Wiske wapamtima wake, wakujiyaniska ndi Chiuta.

Yohane 5:23

alinga kuti wose ŵamtumbike Mwana, uli ndimo watumbikiya Dada. Yo wareka kutumbika Mwana, kuti watumbika Dada wakumtuma cha.

ŴaRoma 9:5

ŵeniwo mbaseku, ndi mwaku ŵeniwo uli nkhu liŵavu wanguziya Kristu, yo we pachanya paku wose, Chiuta wakutumbikika muyaya. Ameni.

2 ŴaKorinte 4:4

Mwaku ŵeniwo Chiuta wa mgonezi uno waburumutizga vinjeru vya ŵambura chivwanu, viyo kuti ungaŵaŵaliya cha ukweru wo wa evangeli wa unkhankhu waku Kristu, yo nchikozgu chaku Chiuta.

2 ŴaKorinte 8:9

Chifukwa muziŵa wezi wo wa Ambuyafwe Yesu Kristu, kuti, pakuŵa msambasi, pa chifukwa chinu wangukavuka, alinga kuti imwe ndi ukavu wake musambaskike.

1 Timote 1:17

Kweni ku Karonga wamuyaya, mziramawoleka, wambura mawonekeka, Chiuta wayijayija, kuŵiye thamu ndi unkhankhu muyaya-muyaya. Ameni.

1 Timote 3:16

Ndipo kwakuzomerezgeka ngakuru mangari gha uwopa Chiuta. Mweniyo wangurongoreke muliŵavu, wangurunjiskikiya mu Mzimu, wanguwoneka ndi ŵangelo, wangumemezeka mu ŵaMitundu, wangugomekezgeka mu charu, wangurondeke kuchanya mu unkhankhu.

Tito 2:13

pakulereze chigomekezgu cho chamwaŵindi chiwoneka cha unkhankhu waku Chiuta mkhuru ndi wa Mtaski widu Yesu Kristu;

ŴaHebere 1:3

Mweniyo, pakuŵa dangalira la unkhankhu wake ndi chiyanizgu cha kaŵidu kake, ndi pakuchirikiriya so vyose ndi nenedu la nthazi yake, wanguti, wachita chiphoto cha vilakwa, wanguja pasi ku marghe gha Ukurukuru mu machanya.

ŴaHebere 1:6

Ndipo so wachiserezga Mwana mura yo mu charu, watiti, “Ndipo ŵamlambiyenge iyo ŵangelo wose ŵaku Chiuta.”

ŴaHebere 1:8

Kweni ndi Mwana yo Chiuta wanguti: “Chitengu nchako cha ufumu, uwusa ufumu wako ndi urunji.

ŴaHebere 13:8

Yesu Kristu zana ndi le ndi mweniyo pe, ndi so ku muyaya.

Chivumbuzi 21:6

Wangunena nane, “Vyachitika! Ndine Alfa ndi Omega, chandu ndi umari. Ine ndimpaskenge wanyota kwawezi ghamu chisima cha maji gha umoyo.