ŴaFilipi 2:2 - Tonga Bible 1986

² Fiskani chimwemwe changu, chakuti mughanaghane chimoza, pakuŵa ndi chanju chakulingana, ŵa mtima umoza, ŵakurunguruka chimoza.

ŴaFilipi 2:2 Iomraidhean Croise

Sumu 122:8

Pa chifukwa cha ŵabali ŵangu ndi ŵapamoza nane, ndititi kwaku Yerusalemu, “Chimangu chiŵe mukati mwako!”

Yohane 3:29

Yo ngwakuŵa ndi mwali ndi mweni-nthengwa: kweni bwezi la mweni-nthengwa, lo litumapo ndi kumuvwa, limwemwete ukongwa chifukwa cha liu la mweninthengwa yo: chifukwa chenichi chimwemwe changu chifiskika.

Machitidu gha Ŵakutumika 1:14

Yaŵa wose ŵajaririyanga kwa mtima umoza mu kuromba, pamoza ndi ŵanthukazi, ndi Mariya ŵanyina ŵaku Yesu, ndi pamoza ndi ŵahurwa ŵake.

Machitidu gha Ŵakutumika 2:1

Ndipo lati lafikiya limu zuŵa lo la Pentekoste, ŵenga wose pamoza mu malo ghamoza.

Machitidu gha Ŵakutumika 2:46

Ndipo zuŵa ndi zuŵa, pakujaririya kwachitatata ndi mtima umoza mu kasopi ŵakumenya chiŵande, ŵarghanga, chaukurgha mu chimwemwe ndi chiyanamtima,

Machitidu gha Ŵakutumika 5:12

Kweni ndi manja gha ŵakutumika wo visimikizgu ndi virwitu vinandi vyachitikanga mu khamu lo: ndipo ndi mtima umoza wose ŵaungananga mu khondi laku Solomoni.

ŴaRoma 12:16

Yanani mu mtima yumoza ndi munyake. Mungasuŵiriyanga vyathamu cha, kweni sunganani ndi ŵakuzimbwa. Mungaŵanga ŵakujirumba cha.

1 ŴaKorinte 1:10

Kweni ndikuŵeyereni, mwa ŵabali, mu zina la Ambuyafwe Yesu Kristu, kuti mose mukambe chakuyanayana, ndi kuti mwinu muŵevi magaukanu; kweni kuti muŵe ŵakumangana pamoza mu chinjeru chakuyana ndi mu cheruzgu chakuyana.

2 ŴaKorinte 13:11

Pakumariya, mwa ŵabali, paweme! Mukongoreke: musangaruskike; mupimiye chakuyana pe; mujaririyane mu chimangu; ndipo Chiuta wa chanju ndi chimangu waŵenge pamoza namwe.

2 ŴaKorinte 2:3

Ichi ndicho chifukwa ndingulembe, mwakuti vinu nditakuti ndaza, ndingazachiŵa ndi chitima chakutuliya kwaku ŵeniwo ŵangwenere kundikondweska, ndawakugomekezge mose kuti chimwemwe changu nchimwemwe chaku mose.

2 ŴaKorinte 7:7

ndipo ndi uzi wake pe cha, kweni so ndi sangarusku mwaku lo wangusangaruskikiya mwaku imwe, pakutitauliya linweka linu, chitenje chinu, rwana linu lapa chifwa changu; viyo kuti ndingukondwa ukongwa kwakuruska.

ŴaFilipi 1:4

Nyengo zose mu niniziku langu chifukwa chaku mose ndichita kuninizika ndi chimwemwe,

ŴaFilipi 2:16

pakughafumbatiya mazu gha umoyo mwakuti mphanyi ine ndinguzachijikuzga pa zuŵa laku Kristu, pakuziŵa kuti ndengavi kuchimbiya ŵaka chingana nkhutakataka kwa ŵaka.

ŴaFilipi 2:20

Chifukwa ndirive yumoza wakuyana nayo, yo wangaphwere kaunthu vya paku imwe.

ŴaFilipi 4:2

Ndichichizga Euodia, ndipo ndichichizga Suntuke, kuti ŵaŵa ŵakuvwanana mu Mbuya.

ŴaKolose 2:5

Chifukwa nanga nde kunyake muliŵavu, ndikweni mu mzimu nde namwe pamoza, ndipo ndikondwa kuthoŵa umoyo winu wamampha ndi kukhoma kwa chivwanu chinu mwaku Kristu.

2 ŴaTesalonika 2:13

Kweni titenere ifwe kumwonga Chiuta nyengo zose pa chifukwa chinu, mwa ŵabali ŵakwanjika ndi Mbuya, pakuti Chiuta wakumusankhani pa mteneku kuti mutaskike, mukuphotoreka ndi Mzimu ndi mu chivwanu chamu uneneska.

2 Timote 1:4

pakukumbuka masozi ghako, alinga kuti ndizazike ndi chimwemwe.

Filemone 1:20

Nadidi, mbali, ndikondwereske mu Mbuya, totole mtima wangu mwaku Kristu.

2 Yohane 1:4

Ndingukondwere ukongwa kuŵasaniya ŵamu ŵana ŵinu kwenda mu uneneska, uli ndimo tinguronde dangu ku Dada.

3 Yohane 1:4

Ndirive likondwa likuru kwakuruska kuvwa kuti ŵana ŵangu mbakwenda mu uneneska.