ŴaFilipi 2:15 - Tonga Bible 1986

¹⁵ alinga kuti muŵe ŵambura masumulika ndi ŵazizimu, ŵana ŵaku Chiuta ŵambura kalema mukati mu mgonezi wakunyongoroka ndi wakupuruska, mwaku wo muwoneka ulaka ndi vyenje me charu,

ŴaFilipi 2:15 Iomraidhean Croise

Sumu 122:5

Kwenikuwa ndiku kukujarikika vitengo vya cheruzgu, vitengo vya nyumba yaku Davidi.

Chituwa 34:35

ŵaYisraele ŵanguwona chisku chaku Mosese kuti khungu la chisku chaku Mosese linguŵala; ndipo Mosese waŵikanga so chivwinkhu pa chisku chake, mpake penipo wangusere kwachikamba nawo.

Nthanthi 4:18

Kweni nthowa ya ŵarunji ye uli mbukweru wa matandakucha weniwo utuwiya-tuwiya mpaka kwachiya limu.

Nthanthi 8:8

Mazu ghose gha mlomo wangu ngarunji; palivi chakunyongoloska pamwenga chakunyongoloka mwaku gho.

Yesaya 60:1

Yukani, ŵalani, pakuti ukweru winu waza, ndipo unkhankhu wa Ambuya wayukiya paku imwe.

Danyele 6:4

Viyo ŵarongozgi wo ndi mafumu ŵangupenja kafukwa kakumikirana ndi Danyele pa makani gha ufumu; kweni ŵengavi kusaniya nthowa nanga nkhafukwa kakumutole makani, chifukwa wenga wamagomezgeka, ndipo pengavi ubudi pamwenga kafukwa kakusanirika mwake.

Mateyu 10:16

“Awonani, ndikutumani imwe nge ndi mberere mukati mu zimphumphi. Viyo muŵe ŵachinjeru nge ndi zinjoka, ndi ŵakuzika nge ndi zinkhunda.

Mateyu 17:17

Yesu wakwamuka wanguti, “Mgonezi wambura chivwanu ndi wakubende, mpaka zuŵanji nkhaŵanga namwe? Mpaka zuŵanji ndikunthiyengepo namwe? Mtoleni kuno kwaku ine.”

Mateyu 5:45

alinga kuti muŵenge ŵana ŵa Auskemwe ŵakuchanya: pakuti atuzgiya dazi lawo pa ŵaheni ndi ŵamampha, ndipo ang'iskiya vuwa pa ŵarunji ndipa ŵaziraurunji.

Mateyu 5:48

Viyo muŵenge ŵarunji imwe, nge ndimo Auskemwe ŵakuchanya ŵaliri ŵarunji.

Luka 1:6

Ndipo ŵenga ŵarunji wose ŵaŵi pa maso paku Chiuta, ŵakwenda ŵambura kalema mwaku vyose vilangulu ndi vyeruzgu vya Ambuya.

Luka 6:35

Kweni muŵanje ŵamawongu ŵinu, ndipo ŵachitiyeni umampha ndi ŵalambiskeni kwambura kugomekezgako kanthu; ndipo mphoto yinu yiŵenge yikuru, ndipo mukaŵanga ŵana ŵa wamdengwendi: pakuti iyo ngwamampha ku ŵambura-kuwonga ndi ŵaheni.

Yohane 5:35

Yuwa wenga lumbuni lakukole ndi lakuŵala; ndipo imwe mungukhumba kusangaruskika kwa kanyengo mu ukweru wake.

Machitidu gha Ŵakutumika 2:40

Ndipo ndi mazu ghanyake ghanandi waŵasimikizganga ndi waŵachichizganga, wakuti, “Jitaskeni ku mgonezi wenuwu wakunyongoroka.”

Machitidu gha Ŵakutumika 20:30

ndipo mwaku imwe mwaŵeni mwazamvuruvunduka ŵanthu, ŵakukamba vyakupuruska, kuguziya ŵasambizi pavuli pawo.

ŴaRoma 16:19

Chifukwa kuvwiya kwinu kwawanda mwaku wose. Viyo ndikondwere paku imwe; kweni ndikhumba imwe kuŵa ŵazeru kwaku cho nchamampha, kweni ŵambura kalema kwaku cho nchiheni.

1 ŴaKorinte 1:8

mweniyo nayo wakakhozganga imwe mpaka ku umari, wambura masumulika mu zuŵa la Ambuyafwe Yesu Kristu.

2 ŴaKorinte 6:17

Chifukwa chenichi tuwanimo mukati mwawu, ndi mupatukemo, watiti Mbuya, ndipo chambura kutowa mungachikwaska cha; ndipo ine nkhamrondeninga imwe,

ŴaEfeso 5:27

alinga kuti wajijarikiye nge ndi muwoli wa eklesiya lo launkhankhu, lakuŵavi donthu pamwenga nkhwinya pamwenga kanthu kaviyo, kweni kuti liŵe lakupaturika ndi lambura kalema.

Marangu 32:5

Ŵamuchitiya ukazuzi, kuti mbana wake sono cha, chifukwa cha kalema kawo. Ndiwo mugonezi wakusoŵa ndi wakunyongoroka.

ŴaFilipi 1:10

viyo kuti mupanikizge cho nchamampha; ndi kuti muŵe ŵakhovu ndi ŵambura kalema mu zuŵa laku Kristu;

ŴaFilipi 3:6

uli nkhu pamphu, wakuŵemba eklesiya lo; nge nkhu urunjiwamu chilangulu, nda wambura kafukwa.

1 ŴaTesalonika 5:23

Ndipo mweneko Chiuta wa chimangu wakuphotoni kosekose; ndipo mzimu winu ndi vinjeru vinu ndi liŵavu visungike vizirima, kwambura kalema pa chiwoneka cha Ambuyafwe Yesu Kristu.

1 Timote 3:10

Kweni yaŵa nawo ŵeseke danga, pavuli po ŵamiriyenge nge mbateŵeti, asani mbakuwura masumurika.

1 Timote 3:2

Viyo kutenere mura kuŵa wambura kalema mrumi wa munthukazi yumoza, mkanavinyo, wakujitintha, mkongorekwa, mwanja ŵalendo, warwana kusambizga;

1 Timote 5:14

Viyo na ndikhumba vimanako kuŵirwa so, kupapa ŵana, kuruliska nyumba, kupaska nyengo cha ku ŵamawongu yaku titukiya:

1 Timote 5:20

Ŵakulakwa uŵachenye mu maso ghaku wose, alinga kuti ŵakujapo nawo ŵaŵe ndi chopu.

1 Timote 5:7

Ivi navyo languliyanga, alinga kuti viŵe vyambura kalema.

Tito 1:6

asani munthu ngwambura masumulika, mrumi wa munthukazi yumoza, wakuŵa ndi ŵana ŵakuvwana, oŵakusumulika utayisi pamwenga uzira uthera cha.

Tito 2:10

kuŵa ŵakuŵiringuwa cha, ŵalitolitoli cha, kweni ŵakurongo ukongorekwa wose wamampha; alinga kuti ŵadyoŵeske chirunguchizgu chaku Chiuta Mtaski widu mu vinthu vyose.

Tito 2:15

Vyenivi kambanga ndi chiskanga ndi panikizganga ndi mtufu wose. Wangakuyuyuwa cha chingana njumoza.

ŴaHebere 7:26

Chifukwa tingukavuka mzukuru mura waviyo, wakupaturika, mzizimu, mziraukazuzi, wakugaukako ku ŵalakwi, wakutumphulika kuchanyako ku machanya;

1 Petro 2:12

Muŵe ndi kajaridu kakutowa mu ŵaMitundu wo; alinga kuti, mwaku chenicho ŵangasuza paku imwe uli mbakuchita uheni, pakuthoŵa nchitu zinu zakutowa ŵakankhuske Chiuta mu zuŵa la kuza kwake.

1 Petro 2:9

Kweni ndimwe fuku lakusankhika, uzukuru waufumu, mtundu wakupaturika, khamu lapa mtima wake, viyo kuti mutaulenge maumampha ghaku mweniyo wangumdanani mu mdima kuyiya ku ukweru wake wakuzizwiska;

2 Petro 3:14

Viyo, mwaŵakwanjiwa, pakulereze vyenivi, pamphukiyani kusanirika ndi iyo mu chimangu, ŵambura banga ndi ŵambura kalema.

Chivumbuzi 2:5

Viyo kumbuka ko wapaghamuka, ndipo ng'anamuka, ndi chitanga nchitu zako zakudanga. Vinu ndingaza ndi kutuzgapo chikoleru-nyali chako pa malo ghake, asani ureka kupe.

Chivumbuzi 3:9

Awona, nkhaŵachitanga ŵamu mpingu waku Satana, wo ŵatijitamula kuti mbaYuda, ndipo kuti mbaviyo cha, mbatesi, awona, nkhaŵachitanga kuti ŵazenge ndi kulambiya paurongo pa marundi ghako, ndipo ŵakaziŵanga kuti ine ndakwanja iwe.