ŴaFilipi 2:12 - Tonga Bible 1986

¹² Viyo na, mwaŵakwanjiwa ŵangu, uli ndimo nyengo zose mwavwiyanga ndi penipo ndinguŵako kwinu pe cha kweni ukongwa limu sono pa kuŵako kwangu kunyake, takatakiyani utaski waku mwaŵeni mu wofi ndi chitenthe;

ŴaFilipi 2:12 Iomraidhean Croise

Ezra 10:3

Viyo sono tiyeni tichite phanganu ndi Chiuta widu, kureka ŵanthukazi wose ndi wo ŵapapika mwawo, kulingana ndi fundu ya mbuya wangu, ndi yaku wose wo ŵatenthema pa dangu laku Chiuta widu, ndipo tichite kuyana ndi dangu.

Sumu 119:120

Chifukwa chaku imwe, ndichita mantha, ndazazika ndi chitenthe chifukwa cha vyeruzgu vinu.

Sumu 2:11

Teŵetiyani Ambuya ndi wofi, ndi chitenthe.

Nthanthi 10:16

Mphoto ya wakurunjika yirongozge mu umoyo, chanduwu cha wa mphulupulu nkhu uheni.

Nthanthi 13:4

Mzimu wa mukata upemphapempha ndipo kuti uronde kanthu cha, penipo mzimu wa wakutakataka upaskika usambasi.

Yesaya 66:2

Ivi vinthu vyose janja langu lavichita, viyo vinthu ivi vyose vyangu, atiti Ambuya. Kweni uyu ndiyo munthu kwaku yo ndikalereskanga, mweniyo ngwakujiyuyuwa ndi wakujisuska mu mzimu, yo watenthema pa mazu ghangu.

Yesaya 66:5

Vwani mazu gha Ambuya, imwe mutenthema pa mazu ghawo: “Ŵabali ŵinu wo ŵatikutinkhani ndipo ŵatikudikiskani chifukwa cha zina langu ŵakuti, ‘Ambuya akankhuskike, kuti tiwone chimwemwe chinu,’ kweni ndiwo wo ŵakalengeskekanga.

Mateyu 11:12

Ndipo kutuwa ku mazuŵa ghaku Yohane Mbatizi mpaka ku sono ufumu wakuchanya wakomwa ndi masuzgu, ndipo ŵanthu ŵa viwawa ŵati wupoka ndi nthazi.

Mateyu 11:29

jitoleni pinu goŵa langu, ndi sambirani kwaku ine; pakuti ndine mpovu ndi wakujiyuyuwa mu mtima: ndipo musaniyenge chipumulu ku mizimu yinu.

Machitidu gha Ŵakutumika 16:29

Ndipo wangudana malimbuni, ndipo wangungwininikiyamo, ndipo wakutenthema, wanguwiya pasi paurongo paku Paulo ndi Sila;

Machitidu gha Ŵakutumika 9:6

kweni soka, ndi sere mu msumba wo, ndipo kwamkambika kwako chenicho utenere kuchita.”

ŴaRoma 2:7

Umoyo wamuyaya kwaku ŵeniwo ŵachita umampha kwalinthata, mbakulembe unkhankhu ndi rumbu ndi uwura chivuzi;

1 ŴaKorinte 15:58

Viyo na, mwa ŵabali ŵangu ŵakwanjiwa, muŵe ŵakuti gwa, ŵambura manderezgeka, ŵakufurwiya nyengo zose mu nchitu ya Ambuya, pakuziŵa kuti mu Mbuya mlimu winu kuti ngwawaka cha.

1 ŴaKorinte 2:3

Ndipo ine ndinguŵa kwinu mu unthomboru, mu chopu, ndi mu chitenthe chikuru.

1 ŴaKorinte 4:14

Kuti ndilemba ivi kukulengeskani cha, kweni kukuchinyiyani nge mbana ŵangu ŵakwanjiwa.

2 ŴaKorinte 7:15

Ndipo chitima chake viŵiviŵi che kuchiri kwinu, pakukumbuka muvwiyu waku mose, mwenimo ndi chopu ndi chitenthe mungumrondere.

ŴaEfeso 6:5

Mwaŵaŵanda mwe, vwiyani wo mbambuyamwe kuchiri ku liŵavu, ndi chopu ndi chitenthe, mu wanangwa wa mtima, uli nkhwaku Kristu;

ŴaFilipi 1:27

Chenichi pe, mujijariye kwakwenere evangeli waku Kristu: alinga kuti, chingana nthuza kumuwonani, pamwenga chingana ndiŵe kunyake, ndivwenge vyapaku imwe, kuti mumiya mu mzimu umoza, ndi mtima umoza ŵakurwiya pamoza chivwanu chamu evangeli;

ŴaFilipi 1:29

Pakuti kwaku imwe kwapaskika kwawezi pa chifwa chaku Kristu kuvwaniya mwake pe cha, kweni so kukomwe pa chifukwa chaku iyo,

ŴaFilipi 1:5

pa chifukwa cha wanase winu mu kuwandiska evangeli kutuwa ku zuŵa lakudanga mpaka kuno ku le.

ŴaFilipi 1:6

Ndawakugomekezga chenichi chakuti, yo wangwamba mwinu nchitu yamampha, wamkuyifiska mpaka zuŵa laku Yesu Kristu.

ŴaFilipi 2:19

Kweni ndigomekezga mu Mbuya Yesu kumtumiyani ruŵi Timote, alinga ine nane ndisangaruke pakuzachiziŵa vya paku imwe.

ŴaFilipi 4:1

Viyo, mwa ŵabali ŵangu, ŵakwanjiwa ndi ŵakunwekeka, chimwemwe changu ndi chifuku changu ngangamikani viyo mu Mbuya, mwaŵakwanjiwa.

ŴaFilipi 4:15

Imwe mwa ŵaFilipi mwaŵeni muziŵa umampha kuti penipo ndingutuwako ku Makedonia mu mazuŵa ghakwamba kwangu kumusambizgani evangeli, mwenga imwe pe mpingu wo ungundovya; mwenga imwe pe mungusangana nani vyanduwu vyangu ndi vyakupereŵe vyangu.

1 ŴaTesalonika 1:3

pakukumbuka kwambura kurekezga nchitu yinu ya chivwanu ndi chitakataka chinu cha chanju, ndi unkhunthiya wachigomekezgu mu Ambuyafwe Yesu Kristu, paurongo paku Chiuta widu ndi Auskefwe.

2 Timote 2:10

Chifukwa chenichi ndikunthiyapo vyose pa chifwa cha ŵakusankhika, alinga kuti iwo nawo ŵafikapo pa utaski wa mwaku Kristu Yesu ndi unkhankhu muyaya.

ŴaHebere 12:1

Viyo nadi ifwe nafwe pakuzungurizgika ndi mtambo weniukuru waviyo waŵakaboni, ndi pakututumika chizitu chose ndi ulakwi wo utitizombezga tichimbiye ndi chitatata maphara gho ghatimikikiya kunthazi,

ŴaHebere 4:1

Viyo topenge, vinu kikuli, lati lajapo phanganu la kuserere mu chipumulu chake, wangawoneka yumoza wa mwaku imwe kupereŵepo.

ŴaHebere 4:11

Viyo tipamphuke kusere mu chipumulu chiya, alinga kuti wareke yumoza kuwiyamu chandiru chenicho pe cha mtafu.

ŴaHebere 5:9

ndipo wanguti wafiskika wanguŵaŵiya wose ŵakumvwiya chata wa utaski wamuyaya;

1 Petro 2:11

Mwaŵakwanjiwa, ndikuŵeyereni nge mbayinga ndi ŵalendo kufunga pa maulakalaka ghanyama, ghenigho ghaturwa pa uzima wo.

2 Petro 3:18

Kweni kuliyanimu wezi ndi mziŵiru wa Ambuyafwe ndi Mtaski Yesu Kristu. Mwaku iyo kuŵiye unkhankhu wo sono ndi ku zuŵa lamuyaya. Ameni.