ŴaFilipi 2:1 - Tonga Bible 1986

¹ Viyo asani mwe masangu ghakuti mwaku Kristu, asani mwe sangarusku lakuti la chanju, asani mwe wanase wakuti wa Mzimu, asani mwe vyachitima vyakuti ndi vyalisungu.

ŴaFilipi 2:1 Iomraidhean Croise

Sumu 133:1

Ehe, nkhwama mphambwenu ndi kwakunozga kuti ŵabali ŵaje pamoza!

Yesaya 16:11

Chifukwa ichi mzimu wangu udandaula nge ndi kaligu paku Moabu ndi mtima wangu paku Kirheresi.

Luka 2:25

Ndipo awonani kwenga munthu mu Yerusalemu, zina lake Simeoni; ndipo munthu mweniyo wenga mrunji ndi wakusopa, wakulereze sangarusku laku Yisraele: ndipo Mzimu Wakupaturika wenga pake.

Yohane 14:18

“Kuti ndimusiyeninge mwija cha: ndikazanga kwaku imwe.

Yohane 14:27

Chimangu ndikusiyiyani; chimangu changu nditukupaskani, ine kuti nditukupaskani uli ndimo charu chipaskiya cha. Ungakweŵekanga mtima winu cha, chingana nkhutenthema cha.

Yohane 17:13

kweni sono ndituza kwaku imwe; ndipo vyenivi ndirongoro mu charu, kuti ŵaŵe ndi chimwemwe changu chakufiskika mwaku iwo ŵija.

Machitidu gha Ŵakutumika 2:46

Ndipo zuŵa ndi zuŵa, pakujaririya kwachitatata ndi mtima umoza mu kasopi ŵakumenya chiŵande, ŵarghanga, chaukurgha mu chimwemwe ndi chiyanamtima,

Machitidu gha Ŵakutumika 4:32

Ndipo wenga umoza mtima ndi mzimu wa urapasi waku wo ŵanguvwana, ndipo pengavi so yumoza yo wakambanga kuti kanthu kaku vyo wenga navyo, kenga kaku yija; kweni vyawo vyose vyenga vyamasanga.

ŴaRoma 5:5

ndipo chigomekezgu kuti chilengeska cha; pakuti chanju cho chaku Chiuta chasapatiskikiya mu mitima yidu mwa Mzimu Wakupaturika, yo wapaskika kwaku ifwe.

ŴaRoma 8:26

Ndipo kwakulingana viyo Mzimu nayo watovya unthomboru widu: pakuti tirive kuziŵa cho tirombenge mo kutenere, kweni Mzimu iyo watininizikiya ndi mitamanthu yambura makambika;

1 ŴaKorinte 12:13

Chifukwa mu Mzimu yumoza ifwe tose tingubatizikiya ku liŵavu limoza, ŵaYuda pamwenga ŵaGriki, ŵaŵanda pamwenga ŵanangwa; ndipo tose tingumweskeka ku Mzimu yumoza.

1 ŴaKorinte 15:31

Ndirapa mu kujikuzga ko ndenako mwinu mwa ŵabali, ndiko nde nako mwaku Kristu Yesu Ambuyafwe.

1 ŴaKorinte 3:16

Asi muziŵa kuti mwe kasopi waku Chiuta, ndikuti Mzimu waku Chiuta uja mwainu?

2 ŴaKorinte 13:14

Wezi wa Ambuya Yesu Kristu, ndi Chanju chaku Chiuta, ndiŵanase wa Mzimu Wakupaturika vikuŵiyeni imwe mose.

2 ŴaKorinte 2:14

Kweni chiwongu chiŵiye Chiuta, mweniyo watipundiskiya nyengo zose mwaku Kristu, ndi wasapatiskiya mu malo ghose fungu la chiziŵisku chake mwaku ifwe.

ŴaGalatia 4:6

Ndipo pakuti mwe ŵana, Chiuta watuma Mzimu wa Mwana wake mu mitima yinu, wakubongo, “Aba, Ada!”

ŴaGalatia 5:22

Kweni chipasi cha Mzimu nchanju, chimwemwe, chimangu, chilekerezga, ulemu, umampha, ukongorekwa,

ŴaEfeso 4:4

Kwe liŵavu limoza ndi Mzimu yumoza, uli ndimo so mungudanikiya mu chigomekezgu chimoza cha mdanu winu;

ŴaFilipi 1:8

Chifukwa liuta ndi kaboni wangu, pakuti nditikunwekiyani mose mu vyachitima vyaku Kristu Yesu.

ŴaFilipi 3:3

chifukwa ifwe te ŵamchinju ŵa uneneska wo mbakusopa Chiuta mu Mzimu, ndi mbakutumbwiya mwaku Kristu Yesu, ndi ŵambura kugomekezga mu liŵavu.

ŴaKolose 2:2

alinga kuti yikhwimiskike mitima yawo, pakumangana pamoza mu chanju, ndi mu usambasi wose wakuzala wa mziŵiru, kuti ŵaziŵe mangari ghaku Chiuta, ghaku Kristu,

ŴaKolose 3:12

Viyo vwarani, uli mbakusankhika ŵaku Chiuta, ŵakupaturika ndiŵakwanjiwa, chitima cha lisungu, ulemu, kujiyuyuwa, upovu, chilekerezga;

ŴaHebere 6:18

alinga kuti mu vinthu viŵi vizira masinthika, mwaku vyo nkhwambura machitika kuti Chiuta waname, tiŵe ndi kachiskidu kakukho, taŵakuthaŵiriya kukoreska chigomekezgu chakujarikikiya ifwe:

1 Petro 1:2

ŵakusankhika uli ndi mziŵiru limu waku Chiuta Dada, mu chitowesku cha Mzimu, ku muvwiyu ndi ku chiwazga cha ndopa zaku Yesu Kristu: Wezi ndi chimangu vyandaniskikiye kwaku imwe.

1 Yohane 3:24

Ndipo yo ngwakusunga marangu ghake, waja mwaku iyo, ndi iyo mwake. Ndipo mwaku chenichi tiziŵiya kuti waja mwidu, mu Mzimu mweniyo wangutipaska.

1 Yohane 4:12

Kosekose kulive yumoza wawona Chiuta: asani titanjana, Chiuta waja mwaku ifwe, ndipo chanju chake chafiskika mwidu.

1 Yohane 4:16

Ndipo ifwe tiziŵa ndipo tavwana ndi chanju chenicho Chiuta wenacho kuchiri kwaku ifwe. Chiuta nchanju; ndipo mweniyo waja mu chanju, waja mwaku Chiuta, ndipo Chiuta waja mwaku iyo.