ŴaFilipi 1:7 - Tonga Bible 1986

⁷ Nchakwenere kwaku ine kumughanaghaniyani, pakuti mu magoŵa ghangu ndi so mu chiŵekeru ndi chikhozgeru vya evangeli nde namwe mu mtima, pakuti mose mwe ŵakusangana nane wezi weniwo.

ŴaFilipi 1:7 Iomraidhean Croise

Machitidu gha Ŵakutumika 20:23

kweni kuti Mzimu Wakupaturika watindisimikizgiya, mu muzi ndi muzi, wakunena kuti vimangiru ndi visuzgu vitindilindizga.

Machitidu gha Ŵakutumika 21:33

Sono nduna yira yo, yichiŵandika kufupi, yingumko, ndi kulangula kuti wamangike maunyoro ghaŵi; ndipo yingufumba kuti, wenga yani, ndi wachitanji.

1 ŴaKorinte 13:7

Chikandirizga vyose, chivwana vyose, chigomekezga vyose, chikunthiyapo vyose.

1 ŴaKorinte 9:23

Ndipo vyose, ndichitiya pa chifukwa cha evangeli wo, alinga kuti ndiŵi msangazi mu vitumbiku vyake.

2 ŴaKorinte 3:2

Imwe ndimwe kalata widu, wakulembeka mu mitima yinu, wakuziŵikwa ndi wakuŵerengeka ndi ŵanthu wose;

2 ŴaKorinte 7:3

Kuti ndikamba kususka imwe cha; chifukwa ndanena, kali kuti, mwe mu mitima yidu, tikafwiyanga pamoza namwe ndi kujariya ŵamoyo pamoza namwe.

ŴaGalatia 5:6

Chifukwa mwaku Kristu Yesu chingana ndi mchinju kuti ngwakovya kanthu cha, chingana nkhuwura mchinju; kweni chivwanu chakutataliya mu chanju.

ŴaEfeso 3:1

Chifukwa chenichi ine nda Paulo, wamagoŵa waku Kristu Yesu pa chifukwa chaku imwe mwa ŵamitundu,

ŴaEfeso 4:1

Viyo ine, ndamagoŵa mu Mbuya, ndikuŵeyereni kwenda kwakwenere mdanu wo mwadanikiya,

ŴaEfeso 6:20

pa chifukwa chaku wo ine nde thenga mu mkoŵa; alinga kuti ndimemeze evangeli pakweru nge ndi mo nditenere kukambiya.

ŴaFilipi 1:12

Kweni ndikhumba kuti muziŵe, mwa ŵabali, kuti vyo vyandiŵiya nadi vyaŵiya mu kundovya kurutirizga evangeli;

ŴaFilipi 1:13

viyo kuti magoŵa ghangu ghawoneka mose mu nyumba yaufumu, ndi ku ŵakujapo wose, kuti ngapa chifukwa chaku Kristu;

ŴaFilipi 1:14

ndipo urapasi wa ŵabali ŵakugomekezga mu Mbuya pa chifukwa cha magoŵa ghangu ŵasoke kali muchanya kukamba mazu ghaku Chiuta kwambura wofe.

ŴaFilipi 1:5

pa chifukwa cha wanase winu mu kuwandiska evangeli kutuwa ku zuŵa lakudanga mpaka kuno ku le.

ŴaFilipi 2:22

Kweni umampha Timote muzi ŵa, mo nge ndi mwana ndi wiske, wateŵete pamoza nane mu kutaula uthenga wamampha.

ŴaFilipi 4:14

Ndikweni wenga ulemu winu pakusangana nane mu suzgu.

ŴaFilipi 4:15

Imwe mwa ŵaFilipi mwaŵeni muziŵa umampha kuti penipo ndingutuwako ku Makedonia mu mazuŵa ghakwamba kwangu kumusambizgani evangeli, mwenga imwe pe mpingu wo ungundovya; mwenga imwe pe mungusangana nani vyanduwu vyangu ndi vyakupereŵe vyangu.

ŴaFilipi 4:3

Inya, ndiŵeyere iwe nawe, wamagoŵa munyangu mwenimweni, uwovye ŵanthukazi yaŵa, wo wose ŵangulimbalimbiya mu evangeli pamoza nane, pamoza ndi Klemente nayo, ndi ŵakujapo wo ŵanchitu ŵanyangu, ŵeniwo mazina ghawo ghe mu buku la umoyo.

ŴaKolose 4:18

Tauzgo laku ine nda Paulo, lakulembeka ndi janja langu. Kumbukani magoŵa ghangu. Wezi uŵe namwe.

ŴaKolose 4:3

Mutirombe ifwe nafwe, mwa kuti Chiuta watijuriye khomo la mazu gho, kukamba vyakubisika vya mu mazu ghaku Kristu, chifukwa chaku ghenigho nde mukumangika,

1 ŴaTesalonika 5:5

chifukwa mose mwe ŵana ŵa kungweruka, ndi ŵana ŵa msana: kuti te ŵa usiku, chingana mbamdima cha.

2 Timote 1:8

Viyo na, ungakanyariya cha pa ukaboni wa Ambuyafwe, chingana mphaku ine ndamkoli wake: kweni vwiyangapo maukomwa ghaheni pamoza ndi evangeli uli ndi nthazi yaku Chiuta;

2 Timote 2:9

mwaku wo ndikomwe mpaka ku magoŵa uli ndi mchita uheni; kweni mazu ghaku Chiuta kuti ghamangika cha.

Filemone 1:13

mweniyo ndakhumbanga ine kumsungiya kwaku ndamweni, alinga kuti mu malo mwako wanganditeŵete mu magoŵa gho gha evangeli:

ŴaHebere 3:1

Viyo na, mwa ŵabali ŵakupaturika, ŵasambazi ŵa mdanu wakuchanya, pimani wakutumika yo ndi Mzukuru Mura wachizomerezgu chidu, Yesu;

1 Petro 4:13

kweni uli mphenipo musanganiya vyakukomwa vyaku Kristu kondwani; alinga kuti mu uvumbuzi wa unkhankhu wake, mumwemwetiyenge kwakukondwa.

1 Petro 5:1

Viyo ndichiska ŵara ŵamwaku imwe, ine ndamura munyawo, ndi kaboni wa vyakukomwa vyaku Kristu, ndamsangazi so wa unkhankhu wakukhasa kuvumbulika:

2 Petro 1:13

Ndipo ndipima kuti nkhwakwenere, po pose ndeche mu hema lenili, kumyuskani ndi kumkumbuskani;

1 Yohane 3:14

Tiziŵa ifwe kuti tatuwako ku nyifwa kuyiyamo mu umoyo, pakuti titanja ŵabali wo. Yo wareka kwanja, wajaririya mu nyifwa.