ŴaFilipi 1:6 - Tonga Bible 1986

⁶ Ndawakugomekezga chenichi chakuti, yo wangwamba mwinu nchitu yamampha, wamkuyifiska mpaka zuŵa laku Yesu Kristu.

ŴaFilipi 1:6 Iomraidhean Croise

Sumu 138:8

Mukafiskanga che chose cho mukupangana nane, Ambuya, nchamuyaya chifundu chinu. Fiskani nchitu yo mwayamba.

Yohane 6:29

Wangwamuka Yesu wanguŵanene, “Mlimu waku Chiuta ngwenuwu, wakuti muvwaniya mwaku mweniyo iyo wamtuma.”

Machitidu gha Ŵakutumika 11:18

Ndipo ŵachivwa vyenivi, ŵanguchetama, ndipo ŵangumkankhuska Chiuta ŵakuti, “Ndipo ku ŵaMitundu nawo Chiuta wapaska ching'anamuka cha mu mtima ku umoyo.”

Machitidu gha Ŵakutumika 16:14

Ndipo munthukazi yumoza, zina lake Ludia, yo wasaskanga vyaropa, wa muzi waku Thiatira, wakusopa Chiuta, ndiyo wativwanga: mtima waku mweniyo Ambuya angujura, kuti waphwere vyo vyakambikanga ndi Paulo.

1 ŴaKorinte 1:8

mweniyo nayo wakakhozganga imwe mpaka ku umari, wambura masumulika mu zuŵa la Ambuyafwe Yesu Kristu.

2 ŴaKorinte 1:15

Ndipo ndaneneskanga kuti ndakhumbanga kuza kwinu danga, alinga kuti muŵe ndi chimwemwe chachiŵi;

2 ŴaKorinte 2:3

Ichi ndicho chifukwa ndingulembe, mwakuti vinu nditakuti ndaza, ndingazachiŵa ndi chitima chakutuliya kwaku ŵeniwo ŵangwenere kundikondweska, ndawakugomekezge mose kuti chimwemwe changu nchimwemwe chaku mose.

2 ŴaKorinte 7:16

Ndikondwere kuti mu chinthu chose nde ndi chigomekezgu mwinu.

2 ŴaKorinte 9:4

vinu kokuli, asani ŵangaza ŵaku Makedonia pamoza nane, ndi ku musaniyani mwaŵambura kurongosoleka, tingakanyara ifwe potikaŵangavi chakurongoro namwe, kwakulingana ndi chigomezgu cho tenacho mwaku imwe.

ŴaGalatia 5:10

Ine ndakopeka mwinu mu Mbuya kuti mupimenge chinyake so cha: kweni yo wakuyuzgani wavwiyengepo chisusa chake, chingana ndi yani.

ŴaEfeso 4:12

kwachikongoreske ŵakupaturika wo ku mlimu wa uteŵeti, kwachizenge liŵavu lo laku Kristu;

ŴaFilipi 1:10

viyo kuti mupanikizge cho nchamampha; ndi kuti muŵe ŵakhovu ndi ŵambura kalema mu zuŵa laku Kristu;

ŴaFilipi 1:29

Pakuti kwaku imwe kwapaskika kwawezi pa chifwa chaku Kristu kuvwaniya mwake pe cha, kweni so kukomwe pa chifukwa chaku iyo,

ŴaFilipi 2:12

Viyo na, mwaŵakwanjiwa ŵangu, uli ndimo nyengo zose mwavwiyanga ndi penipo ndinguŵako kwinu pe cha kweni ukongwa limu sono pa kuŵako kwangu kunyake, takatakiyani utaski waku mwaŵeni mu wofi ndi chitenthe;

ŴaFilipi 2:13

chifukwa ndi Chiuta yo watakataka mwinu pose paŵi pa kukhumba ndi pa kuchita, chifukwa cha likondwa lake lamampha.

ŴaFilipi 2:16

pakughafumbatiya mazu gha umoyo mwakuti mphanyi ine ndinguzachijikuzga pa zuŵa laku Kristu, pakuziŵa kuti ndengavi kuchimbiya ŵaka chingana nkhutakataka kwa ŵaka.

ŴaKolose 2:12

mwati mwaŵikikiya pamoza nayo mu ubatizo, mwenimo so munguyuskikiya pamoza nayo mu chivwanu chamu kachitiru kaku Chiuta, mweniyo wangumuyuska ku ŵakufwa.

1 ŴaTesalonika 1:3

pakukumbuka kwambura kurekezga nchitu yinu ya chivwanu ndi chitakataka chinu cha chanju, ndi unkhunthiya wachigomekezgu mu Ambuyafwe Yesu Kristu, paurongo paku Chiuta widu ndi Auskefwe.

2 ŴaTesalonika 1:11

Ndi mwaku chenichi mo tirombe imwe nyengo zose, kuti Chiuta widu wampimiyeni ŵakwenere ku mdanu wake, ndipo wafiski ndi nthazi khumbo lose lamampha ndi mlimu wose wa chivwanu;

2 ŴaTesalonika 3:4

Ndipo tagomezga mu Ambuya pa chifukwa chinu, kuti muvichita, ndipo so mukavichitanga, vyenivyo tilangula.

Filemone 1:21

Pakugomekezga mu muvwiyu wako ndakulembe, pakuziŵa kuti chingana nkhwakuruska vyo ndikamba, uchitenge.

ŴaHebere 10:35

Viyo mungataya cha chigomekezgu chinu, cho che nayo mphotu yikuru.

ŴaHebere 12:2

ŵakumthoŵa Yesu jandu ndi mfiski wa chivwanu chidu, mweniyo, chifukwa cha chimwemwe chakujarikika paurongo pake, wanguyizizimizgiyapo mphinjika, ndi kuyuyuwa lilengu lake, ndipo sono waja pasi ku marghe gha chitengu cha ufumu chaku Chiuta.

1 Petro 5:10

Ndipo Chiuta wa wezi wose, mweniyo wangumdaniyani ku unkhankhu wake wamuyaya mwaku Kristu Yesu, mwati mwakomwapo kamanavi, mwenecho wafiskenge, wakhozgenge, wakhomeskenge imwe.

2 Petro 3:10

Kweni zuŵa lo la Mbuya likazanga uli ndi munkhungu, mwaku lenilo zuŵa machanya gho ghamkungunuka ndi mphomu yikuru, ndi visina vyakunyeka vyamsongonoka, ndipo charu ndi nchitu zamwake vyazamukufya.