ŴaFilipi 1:19 - Tonga Bible 1986

¹⁹ Ndipo so nkhakondwerenga. Chifukwa ndiziŵa kuti kuporote mu marombu ghinu ndimu chovyu cha Mzimu waku Yesu Kristu ichi chikaŵanga chipozomosku changu,

ŴaFilipi 1:19 Iomraidhean Croise

Machitidu gha Ŵakutumika 16:7

ndipo po ŵanguza pakutghana ndi Musia, ŵesanga kusere mu Bithunia; kweni Mzimu waku Yesu wengavi kuŵazomerezga;

ŴaRoma 8:28

Ndipo tiziŵa kuti vinthu vyose vichitiya pamoza ku umampha kwaku wo mbakumwanja Chiuta, kwaku ŵeniwo mbakudanikiya uli ndi chitema chake.

ŴaRoma 8:9

Kweni kuti imwe muja kwakuyana nge ndimo kaŵiro ka unthu winu katikuneniyani cha, muja uli ndimo Mzimu watikuneniyani, pakuti nadi, Mzimu waku Chiuta uja mwaku imwe. We yose yo walive Mzimu waku Kristu, kuti ngwaku iyo cha.

1 ŴaKorinte 4:17

Chifukwa chenichi ndamtumiyani Timote, mwana wangu wakwanjiwa ndi wamagomekezgeka mu Mbuya, mweniyo wazamkumbuska imwe mendedu ghangu ghamwaku Kristu, uli ndimo kosekose ndisambizgiya mu mipingu yose.

2 ŴaKorinte 1:11

Namwe so mutenere kutovya mu marombo, alinga kuti kuporote mwaku ifwe Chiuta wawongeke ndi ŵanandi pa chifwa cha vitumbiku vyo vikupaskika kwaku ifwe mukwamuka marombo gha ŵanandi; alinga kuti chifukwa cha chawezi chakupaskikiya ifwe pa chifwa cha ŵanandi, wawongeke ndi milomo yinandi chifukwa chinu.

ŴaGalatia 3:5

Kumbi mweniyo wakupaskani Mzimu yo, ndi ngwakutataliya mwinu vyanthazi, wachita viyo kutuwa ku milimu ya chilangulu, pamwenga kutuwa mu kuvwa kwa chivwanu?

ŴaGalatia 4:6

Ndipo pakuti mwe ŵana, Chiuta watuma Mzimu wa Mwana wake mu mitima yinu, wakubongo, “Aba, Ada!”

ŴaFilipi 1:18

Na, kwati? Chakuziŵikwa nchakuti manyi ndi mu chinyengo pamwenga mu uneneska, Kristu wataulika; ndipo paku chenichi ndikondwere.

1 Petro 1:11

pakupenja nyengo ninji pamwenga yakutinji Mzimu waku Kristu wamwaku iwo warongonga, uchisimikizgiya limu vyakukomwa vyaku Kristu, ndi maunkhankhu gha pavuli paku vyo.