ŴaFilipi 1:15 - Tonga Bible 1986

¹⁵ Wanyake nadi ŵataula Kristu chifukwa cha sanji ndi suskanu; kweni wanyake mu likondwa lamampha;

ŴaFilipi 1:15 Iomraidhean Croise

Mateyu 23:5

Kweni nchitu zawo zose ŵachitiya kuti ŵaŵoneke ku ŵanthu: chifukwa ŵasanuska mphonji zawo, ndipo ŵakuzga mikanu ya minjirira yawo,

Machitidu gha Ŵakutumika 10:36

Uziŵa mazu gho wangutumiya ŵana ŵaku Yisraele ghakugozge chimangu mwaku Yesu Kristu (ndiyo Mbuya waku wose),

Machitidu gha Ŵakutumika 11:20

Kweni kwenga ŵanyake mwaku wo, ŵanthu ŵaKupro ndi waku Kurene, wo wose, ŵachiza mu Antoike, ŵakambiyanga ku ŵaGriki so, ŵakumtaula Mbuya Yesu.

Machitidu gha Ŵakutumika 5:42

Ndipo zuŵa ndi zuŵa, mu kasopi yo ndi kwawo ku nyumba, kuti ŵarekanga cha kusambizga ndi kumtaula Yesu kuti ndiyo Kristu.

Machitidu gha Ŵakutumika 8:35

Ndipo Filipu, pakujura mlomo wake ndi pakwambako ku lembo lo, wangumtauliya Yesu.

Machitidu gha Ŵakutumika 8:5

Ndipo Filipu wangusikiya ku msumba wa Samaria ndi waŵamemeziyanga Kristu.

Machitidu gha Ŵakutumika 9:20

Ndipo sosono mu masinagoge wangutaula Kristu, kuti, “Ndiyo Mwana waku Chiuta.”

ŴaRoma 2:8

kweni kwaku wo mbakujitukumuwa ndi kuti ŵavwiya uneneska cha kweni ŵavwiya ulakwi kukaŵanga ukari ndi kandundu,

1 ŴaKorinte 1:23

kweni ifwe titaula Kristu wakupayikika, ku ŵaYuda nchiguŵisku, ku ŵaMitundu nkhupusa;

1 ŴaKorinte 13:3

Ndipo asani ndingagaŵa vyangu vyose kovya ŵakavu, asani ndingapereka liŵavu langu kuti ndocheke, kweni chanju ndirive, kuti ndanduwengepo kanthu cha.

2 ŴaKorinte 1:19

Chifukwa Mwana waku Chiuta, Yesu Kristu, wakumemezeke mwinu ndi ifwe, nadi ndi Silvano, Timote ndi ine, kuti wenga Inya ndi Awa cha; kweni mwaku iyo nyengo yose waŵa Inya.

2 ŴaKorinte 11:13

Chifukwa ŵaviyo mbakutumika ŵatesi, ŵanchitu ŵakufuvya ŵakujisanduska ŵeneko kuŵa nge mbakutumika ŵaku Kristu.

2 ŴaKorinte 12:20

Chifukwa nditopa kuti vinu ndichiza, ndingasaniya imwe nge ndimo kuti ndikhumbiya cha, ndipo ine ndingasanirika namwe nge ndimo kuti mukhumbiya imwe cha; vinu kokuli pangaŵa ndeu, sanji, vikwiya, magaukanu, kusuza, mitokutoku, matukutuku, vimtimbaheka.

2 ŴaKorinte 4:5

Chifukwa vyo titaula kuti vyaku taŵeni cha, kweni Kristu Yesu nge ndi Mbuya, ndi taŵeni ulaka mbateŵeti ŵinu pa chifwa chaku Yesu.

ŴaGalatia 2:4

kweni ndingukweriyako chifukwa cha ŵabali-ŵatesi ŵakutolekeyamo kwaubende, ŵeniwo ŵangunyeremukiyamo kwachiskola wanangwa widu wo te nawo mwaku Kristu Yesu; alinga kuti watisanduske ŵaŵanda;

ŴaFilipi 2:3

Kuchita kanthu kose kwandeu cha, pamwenga kwathamu laŵaka cha, kweni kwakujiyuyuwa mu mtima; mose mupime ŵanyinu kuŵa ŵakuruska imwe.

1 Timote 3:16

Ndipo kwakuzomerezgeka ngakuru mangari gha uwopa Chiuta. Mweniyo wangurongoreke muliŵavu, wangurunjiskikiya mu Mzimu, wanguwoneka ndi ŵangelo, wangumemezeka mu ŵaMitundu, wangugomekezgeka mu charu, wangurondeke kuchanya mu unkhankhu.