ŴaFilipi 1:12 - Tonga Bible 1986

¹² Kweni ndikhumba kuti muziŵe, mwa ŵabali, kuti vyo vyandiŵiya nadi vyaŵiya mu kundovya kurutirizga evangeli;

ŴaFilipi 1:12 Iomraidhean Croise

Estere 9:1

Mu mwezi wa chumi ndi yiŵi, wo ndi mwezi wa Adara, pa zuŵa la chumi ndi ghatatu la mwezi weniwo, penipo dangu la karonga ndi langulu lake lenga pafupi kuti lifiskike, mu zuŵa lo ŵarwani ŵa ŵaYuda ŵangugomekezga kupunda ŵaYuda kweni kungung'anamuka, zuŵa lo ndilo ŵaYuda ŵanguthereske ŵarwani wo ŵanguŵatinkha.

Sumu 76:10

Ukari wa ŵanthu utuziya pa kumurumbani imwe; wo ŵapozomoka ku zinkhondo ŵakasunganga madghera ghinu.

Chituwa 18:11

Sono ndiziŵa kuti Ambuya mbara akuruska ŵachiuta ŵanyake wose, chifukwa angupozomoska ŵanthu wo ku magoŵa gha ŵaEgipiti, penipo ŵanguŵayuzga.”

Luka 21:13

Vikaŵiyanga imwe nge mbukaboni.

Machitidu gha Ŵakutumika 8:4

Viyo ŵakumwaranika wo ŵangurutiriya, ŵakugozga mazu gho.

ŴaRoma 8:28

Ndipo tiziŵa kuti vinthu vyose vichitiya pamoza ku umampha kwaku wo mbakumwanja Chiuta, kwaku ŵeniwo mbakudanikiya uli ndi chitema chake.

ŴaRoma 8:37

Awa! Mwaku vyenivi yose tiruskiya kupunda mwaku yo wangutanja.

ŴaFilipi 1:5

pa chifukwa cha wanase winu mu kuwandiska evangeli kutuwa ku zuŵa lakudanga mpaka kuno ku le.

ŴaFilipi 1:7

Nchakwenere kwaku ine kumughanaghaniyani, pakuti mu magoŵa ghangu ndi so mu chiŵekeru ndi chikhozgeru vya evangeli nde namwe mu mtima, pakuti mose mwe ŵakusangana nane wezi weniwo.

ŴaFilipi 2:22

Kweni umampha Timote muzi ŵa, mo nge ndi mwana ndi wiske, wateŵete pamoza nane mu kutaula uthenga wamampha.

ŴaFilipi 4:15

Imwe mwa ŵaFilipi mwaŵeni muziŵa umampha kuti penipo ndingutuwako ku Makedonia mu mazuŵa ghakwamba kwangu kumusambizgani evangeli, mwenga imwe pe mpingu wo ungundovya; mwenga imwe pe mungusangana nani vyanduwu vyangu ndi vyakupereŵe vyangu.

ŴaFilipi 4:3

Inya, ndiŵeyere iwe nawe, wamagoŵa munyangu mwenimweni, uwovye ŵanthukazi yaŵa, wo wose ŵangulimbalimbiya mu evangeli pamoza nane, pamoza ndi Klemente nayo, ndi ŵakujapo wo ŵanchitu ŵanyangu, ŵeniwo mazina ghawo ghe mu buku la umoyo.

1 Timote 2:8

Viyo ndiŵakhumba ŵanthurumi kuromba mu malo ghose, pakusoska manja ghakhovu kwambura chikwiya ndi suskanu.

2 Timote 2:9

mwaku wo ndikomwe mpaka ku magoŵa uli ndi mchita uheni; kweni mazu ghaku Chiuta kuti ghamangika cha.

2 Timote 4:17

Kweni Mbuya iyo wangumapo pamoza nane, ndipo wangundikhomeska; alinga kuti mwaku ine mumemezu wo ufiskike, ndipo kuti ŵanguvwa ŵaMitundu wose: ndipo ndingutaskika ku mlomo wa nkharamu.